Hræsni eða snilld

Nú er fólkið sem við kusum til að setja lög og reglur um einkavinavæðinguna og útrásina, búið að koma sér saman um Rannsóknarnefnd, til að finna einhverja sem hægt er að saka um Bankahrunið.

Ef ég smíða skip sem sekkur áður en það kemst út fyrir hafnagarðinn, þá skipa ég sjálfur rannsóknanefnd til að fara yfir málið, og tek svo afstöðu til málsins eftir að nefndin hefur fundið einhvern fyrir mig, til að benda á sem orsakavald tjóns.

Þingið er samstíga í að axla enga ábyrgð á eigið dugleysi, enda þingmenn uppteknir við að úthluta flokkunum styrki, sjálfum sér rífleg eftirlaun, og hafa auk þess lítinn tíma aflögu til að eyða í lagasetningu, vegna setu í stjórnum fyrirtækja,launuðum nefndum og ýmsum launuðum ráðum.

Laun þingmanna eru lík launum ýmissa annarra stétta, lág grunnlaun, en góðar sporslur sem bætast við og búa jafnvel til tvöföldun á grunnlaunum.

Samstaða um rannsóknarnefnd

Athugasemdir

[Guðrún (IP-tala skráð) 12.12.2008 kl. 17:28]

Margt skrítið en fólk sættir sig ekki við að þeir aðalvaldarnir sem eru útrásarvíkingar verði látnir svara til saka. Því í raun eru það þeir sem fengu allan auðinn sem hvarf öðrum

[Þorsteinn Valur Baldvinsson, 12.12.2008 kl. 17:43]

Fyrir mér eru svo kallaðir útrásavíkingar, ekkert annað en frekir og  uppvöðslusamir strákahvolpar, sem allir hvöttu til dáða er vel virtist ganga, en lasta nú uppeldisleysið er illa hefur farið.

Alþingi er í mínum huga sem ábyrgðarlaust foreldri, því var treyst fyrir uppeldi og að setja útrásahvolpunum reglur til að fara eftir, en í stað þess að sinna foreldrahlutverkinu var Alþingi á sjálftökufylleríi í fjármunum almennings og að hvetja útrásarhvolpana áfram.

Ábyrgðin liggur hjá Löggjafavaldinu, sem var ekki að sinna sínu starfi.

[Aron Ingi Ólason, 12.12.2008 kl. 21:25]

tja, ef ég má vitna í varaformann samfylkingarinnar frá því 10. des. 08; þá sagði hann einhvað á þessa leið: "Menn verða að passa sig á því að dæma ekki rangan aðila" (ríkisstjórnina) og tók svo dæmi um "að það er ekki eftirlitinu að kenna þ.e. lögreglunni ef einhver ekur of hratt"

það má því til gamans geta að í þessari dæmisögu verður ekki betur séð en þar séu bankarnir ökufantarnir, fjármálaeftirlitið lögreglan og ríkisstjórnin nú hún er bara ríkisstjórnin sú sem mistókst eða einhvernvegin gleymdi að setja hraðatakmarkanir á veginn, seldi bílana á gjafa verði til vina sinna sem að öllu eðlilegu ættu ekki einusinni að hafa fengið bílpróf.

Fjármálaeftirlitið (lögreglan) var ófær að átta sig á einkennilegu aksturslagi bankanna, þar sem til eru lög sem bannað að aka bifreið undir áhrifum vímuefna(græðgi og spillingu, í þessu tilfelli leifði regluverkið allt að 92% áfengismagn í blóði sem DO hafði stuttu áður aukið úr 89% vegna þess að það var svo erfitt að reka banka með lausafjártakmörkun í 11%) Nú svo voru það erlendirbankar og kaupsýslumenn sem dældu vímuefnunum inn til landsins í formi erlendra lána og jöklabréfa (sem do dásamaði sem snilld) sem síðan reyndu að taka efnin til baka um leið og þeir sáu í enda ársins 2007 að helvítis bíllinn væri dæmdur til að klessa á vegg og ekki nema vona á svona ógnarhraða.

það sem pólitíkusar segja "ófyrirsjáanlegar" afleiðingar hruni efnahagkerfis bandaríkjanna voru í raun aðeins nokkrar steinvölur sem urðu á vegi bankana sem geystust á 220 km hraða á vegi sem þoldi ekki nema 90. svo voga menn sér að segja að ríkistjórnin gerði ekkert af sér. Er hún þá virkilega bara svona heimsk?

því næst klessukeyrðu bankamennirnir bílana og slösuðu þar með hvor tveggja það lið sem sat í aftursætunum vegna þess að það var ekki með belti en sætinn voru alveg örugg að sögn þeirra sem seldu þau fyrir meiri vímuefni (allir verðbréfa sjóiðirnir og icesave), svo og alla þá sem urðu fyrir bílnum (íslenska þjóðinn varð vest úti) svo kemur ríkistjórnin og ætlar að bjarga klúðrinu sem þau buðu upp á með því að taka ónýtu bílana af bankamönnunum en leifa þeim samt enþá að keira þá með hjálp lögreglunar(FME) með öðrum orðum bjarga þeim sem komust þokkalega af í bílnum eins og þá sem keyrðu og voru því með loftpúða með því að taka blóðið úr þeim sem urðu fyrir bílum.

ég bara treysti þeim ekki til þess!

[Þorsteinn Valur Baldvinsson, 12.12.2008 kl. 22:10]

Aron

Við eru greinilega sammála um það hver ber höfuðábyrgð á  tjóninu, erfitt að ásaka drukkin glanna ef hann starfar innan ramma lagana.

Merkilegt hvað Stjórnmálastéttin er fælin við ábyrgð, eða er hún svona siðblind.

[Hagbarður, 13.12.2008 kl. 08:06]

Vel gerðir punktar hjá þér og örugglega kjarni þessa máls. Tek undir hvert orð.