Komin heim

Komin niður á sléttlendið eftir nokkra góða daga við að byggja upp Ufsaárstíflu, alltaf gaman að taka þátt í að byggja upp mannvirki og skapa eitthvað sem stendur.

Hef aldrei verið sáttur við að skrifa skýrslur og fylla út eyðublöð, sem taka svo bara hillupláss og enda annað hvort í Sorpu eða tætaranum.

Viljum öll skilja eftir okkur spor í sandi lífsins um stund, þó vitað sé að þau annað hvort fjúka, eða skolast burt með tímanum.

Ekki mikill spekingur, en finnst rétt að reina að líta á hvern minn dag sem þann fyrsta og jafnframt síðasta, reyni því að fara alltaf sáttur við allt og alla í kojuna.

Það er ekki sjálfgefið að vakna á morgun, en ef svo fer að ég vakna aftur á morgun,  þá hef ég enn og aftur unnið stóra vinningi í lotterí lífsins.

Frábært að vera til, takk fyrir daginn. 

Athugasemdir

[Villi Asgeirsson, 3.10.2007 kl. 08:00]

Gaman að skilja eitthvað eftir sig, meðan það er jákvætt.

Ef þú getur lesið þetta hefurðu vaknað fimm sinnum síðan þú skrifaðir færsluna! Ekki slæmt það. 

[Fiðrildi, 3.10.2007 kl. 10:19]

Góð lífsspeki ;)