Líklega Blogg gloppur framundan

Farin enn og aftur upp á Kárahnjúk, nú þarf að rífa niður vinnubúðir Impreglio og fjarlægja öll ummerki um veru þeirra sem og annarra á Kárahnjúkum, þannig að umhverfið verði sem næst upprunalegu útliti svæðisins fyrir komu okkar á staðinn.

Þetta var bær með svipaðan íbúafjölda og Seyðisfjörður, eða yfir 1.800 manns, með dagheimili, skóla,heilsugæslu, verslun ofl sem tilheyrir slíku byggðarlagi, auk allra iðnbygginga, nú verður þetta þurrkað af yfirborði jarðar og refurinn fær aftur sitt svæði til veiða.

Líklega verða Blogg gloppur framundan, og vonandi fyrirgefið hvað lítið verður um innlit til bloggvina í sumar, og þó.

Fann myndir frá Aðalbúðunum en ekki frá hinum 3 búðum Impreglio.

Athugasemdir

[Guðrún Jóna Gunnarsdóttir, 10.6.2008 kl. 19:36]

Gott að heyra að þú verðir á skjánum af og til.

Mér finnst hálfóhugglegt til þess að vita að nú sé verið að jafna heilt þorp við jörðu, það beinlínis stingur mig. Get hins vegar skilið rökin fyrir því, uppbyggingu lokið og þá pakka menn saman en samt......... ÚFF!