Hið yndislega samfélag Evrópu og NATO þjóða

Kannski er best að vera áfram í NATO, þá getum við haft óvininn nógu nálæt til að fylgjast með honum.

Er þessi leikflétta kannski til þess ætluð að neyða okkur inn í Evrópusambandið, það eru jú gjöful fiskimiðin hér, töluvert af vatns og gufu orku til iðnaðarnota, og svo eru líkur á olíu innan Drekasvæðisins.

Sniðugt að sameinast um að fella litla Ísland á hnén til að geta skipt upp eignunum, og fengið svo Íslendingana til að koma á hnjánum, til að þiggja þær ölmusur sem gömlu nýlenduveldin missa út af borðin.

Og svo koma þeir sem voru í því að tala niður krónuna í öllum fjölmiðlum, og vilja ganga til liðs við Evrópusambandið.

Hverra erinda gengur þetta fólk, þessi ragmenni uppgjafar.

Verður kannski haldin fundur í Kópavogi, eins og síðast.

Þeir felldu bankana

Athugasemdir

[Teddi (IP-tala skráð) 18.10.2008 kl. 17:25]

Það þýðir ekkert að vera með of miklar einfaldanir. Rætur vandans liggja í regluverki eftirlitsstofnana vestan hafs og austan, og í lágum vöxtum, lausung og lánaþenslu eftir áhyggjur og þrengingar eftir hrun tvíburaturnanna. Bent hefur verið á að ofvöxtur bankanna hér heima byggðist á þeim reglum sem gilda á evrópska efnahagssvæðinu - og að allir þeir stjórnmálamenn, með Jón Baldvin í fararbroddi, sem samþykktu samninginn um evrópska efnahagssvæðið bera hér höfuðábyrgð. Stjórnendur einkavæddu bankanna fóru sér svo greinilega of geyst og voru seinir að bregðast við athugasemdum um fyrirkomulag sparnaðarreikninga í Bretlandi (hefðu átt að stofna dótturfélag þar í staðinn fyrir útibú). Það er líka rétt að forystumenn seðlabanka í Bretlandi, ECB og Bandaríkjanna, auk tiltekinna Norðurlandabanka - ekki allra - voru okkur fremur erfiðir. Það verður að líta á heildina - kerfið sem Jón Baldvin og fleiri skópu - ásamt því hvernig menn nýttu sér kerfið. 

[Guðrún Jóna Gunnarsdóttir, 18.10.2008 kl. 21:55]

Það hefur alltaf þótt sterkur leikur að hafa óvininn nærri sé, helst í seilingsfjarlægð og dekra við hann eins og þarf, eins lengi og þarf. Hvaða leiðir eru heppilegastar í þeim efnum er hins vegar umhugsunarefni og skiptar skoðanir þar um.

Ættum samt að hafa þetta í huga.

[Aron Ingi Ólason, 19.10.2008 kl. 02:59]

mér kemur í upp hugan lagið hans bubba, Gaukur í Krukku. ef einhver hefur kveikt á merkingu þessa ágæta lags