Bylting eða hvað, ég legg þetta til.

Ákvað að henda þessu hér inn, það tala margir um uppstokkun og byltingu en leggja fæstir eitthvað til mála.

Hér eru mínar hugsanir skráðar á blað.

 

Mín skoðun, er sú að þetta þurfi að gerast

 

Atvinnu, mennta og Fjármál

1.       Endurfjármagna fyrirtæki landsins með því að breyta hluta skulda í hlutafé, sem hægt væri að selja síðar frekar en afskrifa skuldir.

Þetta yrði gert eftir ýtarlega yfirferð á fjárhagsstöðu og rekstrarhæfi, þar sem gerðar yrðu þær breytingar á rekstri sem ráðgjafar mætu nauðsynlegar.

2.       Endurfjármagna skuldir heimilanna með svipuðum hætti og fyrirtækjanna, þ.e.a.s láta Íbúðarlánasjóð yfirtaka hluta skuldanna eftir að búið væri að fara í gegn um fjármál umsækjenda, eftir móttöku á beiðni um fyrirgreiðslu, loka á alla yfirdrætti sem og gera aðrar þær breytingar sem þyrfti að mati ráðgjafa að gera.

3.       Ráðast í uppkaup á ókláruðu íbúðarhúsnæði samkvæmt kostnaðarmati á byggingu, atvinnulausir iðnaðarmenn yrðu fengnir til að klára byggingarnar, færa fasteignirnar svo inn í nýtt fyrirtæki sem auglýsti eignirnar til útleigu á kaupleigu fyrirkomulagi, þannig að leiga yrði að hluta til reiknuð sem útborgun ef leigjandi vildi neita forkaupsréttar sýns á fyrstu 3 árum leigusamnings.

4.       Ráða inn aftur allt það starfsfólk bankana sem sagt var upp og setja í að leysa ofangreind verkefni.

5.       Setjast að samningaborðinu við kröfuhafa á Íslenska Ríkið og bankana, til að samræma greiðslur af lánum við ofangreint greiðsluþol heimilanna og fyrirtækja landsins.

6.       Skipta um gjaldmiðil að þessu endurfjármögnunar verkefni loknu ,og gefa upp ákveðið skiptigengi fyrir Íslensku krónuna.

7.       Ráðast í umfangsmiklar framkvæmdir í vega og gangnagerð, leggja áherslu á arðsemi framkvæmda en ekki hagsmuni einstakra sjoppueigenda á landsbyggðinni.

8.       Þjóðnýta allan kvóta og  gefa út árlega, framseljanlegan handhafa kvóta á alla landsmenn í samráði við Hafrannsóknastofnun, og skipta Hafrannsóknastofnun upp í nokkra landshluta,tengda Háskólasamfélaginu, jafnframt yrði ákveðin % aflaverðmætis látin renna til að fjármagna stór efldar  haf og landgrunnsrannsóknir.

9.       Afhenda kröfuhöfum bankana hlutabréf í bönkunum, til samræmis við kröfu hlut þeirra.

10.   Sameina sparisjóðina við Íbúðalánasjóð eftir endurskipulagninguna, og vera þannig með öflugan innlendan banka, í samkeppni við þá sem verða komnir í erlenda eign.

11.   Opna allt það iðnaðarhúsnæði sem er stendur autt eða væri í eigu opinberra aðila, og skipa umsjónaraðila til að sjá um reksturinn, þannig að húsnæðið stæði til boða öllum þeim sem vilja hefja smáiðnað eða þróa atvinnuskapandi starfssemi.

Engin leiga yrði greidd fyrsta árið og  ráðgjafar yrðu viðkomandi til aðstoðar án endurgjalds fyrsta árið, þetta væri tengt Háskólasamfélaginu og hluti af námi þar.

Eftir fyrsta árið yrði boðið upp á 3 ára leigusamning  um húsnæði, og  forkaupsréttur að því innan samningstímans, þar sem hluti leigu yrði metin sem útborgun.

12.   Atvinnulausum yrði boðið upp á að gangast undir færnismat, og í framhaldi af því að hefja nám án þess að tapa bótarétti, þeir væru aðstoðaðir við námsval sem og yrði ráðist í viðamiklar framkvæmdir sem tengdust náminu, til dæmis endurbætur á aðgengi ferðamanna og aðbúnaði um allt land, stígagerð og merkingar, salernisaðstöðu o.f.l slíkt.

13.   Menntakerfið yrði endurskoðað frá grunni með tilliti til þarfa nemenda, kennsla yrði einstaklingsmiðuð, námshraði yrði miðaður við þroskastig nemandans og fjarkennsla yrði stórefld, þar sem nemandinn fengi sýna fartölvu og netaðgang, en yrði ekki krafin um að mæta eftir stundaskrá, heldur yrði að skila ákveðinni verkefnavinnu í vikulok, og mætti stunda sitt nám þar sem honum hentaði best.

14.   Ýtt yrði undir matvælaframleiðslu á heimaslóð, þar með talið sölu bænda frá býli og beint úr bát.

15.   Grænlendingum og Færeyingum yrði boðin aðgangur að öllum menntastofnunum og aðstoð eftir þeirra eigin mati á þörf fyrir slíkt.

Stjórnsýslan

16.   Farið yrði í gegn um allar  útgefnar samþykktir frá Evrópu hér á landi og þær endurskoðaðar með tillits til Íslensks veruleika og hagsmuna.

17.   Kosningalög yrðu miðuð við framboð einstaklinga en ekki flokka.

18.   Forsætisráðherra yrði kosin beint af þjóðinni og embætti Forseta yrði lagt af.

19.   Alþingi yrði gert að vinnustað þar sem unnið væri alla virka daga ársins, þingmenn tækju sýn sumarleyfi og kölluðu inn sýna varamenn eins aðrir þegnar samfélagsins gera, og nytu sömu lýðeyriskjara og aðrir opinberir starfsmenn, þeir fengju greiddan bifreiðarstyrk eins og aðrir opinberir starfsmenn, samkvæmt akstursbók, en ættu sína bíla sjálfir.

þjónustustarfsmönnum við þingmenn yrði fjölgað hjá Alþing,i en allir aðstoðarmenn þingmanna og Ráðherra yrðu aflagðir.

Gæðastjórnun yrði tekin upp á  Alþingi, og allir nefndarfundir yrðu opnir á netinu.

20.   Nefnd verði sett á laggirnar, sem hafi það hlutverk að endurskoða lög og reglur Lýðveldisins, og koma á framfæri athugasemdum vegna íþyngjandi ákvæða og eða skörunar laga, sem og  að leita leiða til að einfalda regluverkið, þetta starf yrði unnið með laganemum háskólana.

21.   Stjórnsýslan yrði rafeindavædd, opnuð og einfölduð, rekjanleg og gegnsæ.

22.   Öll  lagafrumvörp frá Alþingi, reglugerðir frá Ráðuneytum, sem og samþykktir frá nefndum sveitarfélaga, yrðu að fara í gegn um kostnaðargreiningu fyrir samþykkt.

23.   Sala Ríkiseign og allar sölur skiptaráðenda þrotabúa, yrðu skyldaðar á opið  rafrænt markaðstorg, sem og allar framkvæmdir, fjármagnaðar af opinberu fé, jafnt ríkis sem sveita.

24.   Allir þeir er kæmu að ákvarðanatöku sem fulltrúar fólksins, þingmenn, sveitarstjórnarmenn , fulltrúar í O.H.F.sem og aðrir, yrðu skyldaðir til að gefa upp allar eignir sem og skuldir, sem og ættar og eða vináttutengsl við hagsmunaraðila.

25.   Sýslumannsembættin yrðu lögð af og verkefnum deilt á milli Sveitarfélaga og Tollstjóra

26.   Lögregluembættin yrðu sameinuð í eitt embætti sem Tollgæslan rynni saman við, sem og yrði Varnarmálastofnun og embætti Ríkislögreglustjóra lögð niður, en landhelgisgæslan tæki yfir sérsveitina, sem og vita og hafnamál, þyrlur Landhelgisgæslu yrðu staðsettar við sjúkrastofnanir landsins, og flyttu sig til eftir veður útliti og metinni þörf.

27.   Starfsmönnum við toll og löggæslu yrði gert að undirgangast sálfræðimat til að hljóta ráðningu, óháðu sérfræðiteymi yrði falið að annast innra eftirlit, sem og tryggja að ásakanir um harðræði og eða brot gegn rétti borgarana yrðu rannsökuð ef tilefni þætti til, jafnframt yrðu launakjör bætt og einstaklingum í þessum erfiðu störfum, veittur stuðningur.

28.   Vegagerðin yrði lögð niður og verkefnum dreift til sveitarfélaganna og lögreglu.

29.   Ríkiskaup yrði eflt og færi með yfirumsjón allra útboða á vegum ríkis og sveita, sem og yrði Framkvæmdasýsla Ríkisins látin í eftirlitshlutverk, með framkvæmdum Ríkis og sveita, annað hvort sjálf eða með því að bjóða eftirlitið út, sem og alla hönnun.

30.   Framkvæmdarvaldið yrði að tilnefna ábyrgðaraðila með einstökum framkvæmdum, aðila sem væri ábyrgur fyrir kostnaðaráætlunum og framkvæmdakostnaði að viðlögðu starfi og bótakröfum.

31.   Forstöðumenn stofnana yrðu látnir víkja ef þeir færu meira fram yfir heimildir en 10% og áminningu ef meira en 5%, látnir fara ef 2 aðvaranir koma vegna umframeyðslu.

32.   Sá sem gegndi starfi Ráðherra, missti þingsæti sitt á meðan, viðkomandi hefði rétt til áheyrnar á þingi, og bæri skilda til að mæta til andsvara á þingi sem og fyrir þingnefndir.

33.   Ráðherra yrði að flytja mál sitt fyrir þingnefnd, sem myndi að lokinni umfjöllun, flytja lagafrumvörp á  Alþingi, fyrir hönd Ráðherra.

Utanríkismál

34.   Úrsögn úr NATO og riftun á Schengen samning, það hefur engin getað bent á einhver óvin utan ESB sem ógnar Íslandi.

35.   Stefna að enn öflugra samstarfi við Noreg, Færeyjar og Grænland á sviði fiskveiðistjórnunar og rannsókna, einnig sameiginlegrar landhelgisgæslu og björgunarþjónustu á sjó.

36.   Taka upp viðræður við Færeyjar og Grænland um ríkjasamband og náið samstarf á öllum sviðum, þeim yrði boðin aðkoma og aðstoð í hverju því,sem þeim sjálfum fyndist þörf á.

37.   Rafeindavæða utanríkisþjónustuna og selja flest allar sendiráðsbyggingar, en óska eftir samstarfi við Norðurlöndin um samnýtingu á rekstri sendiráða.

38.   Efla þróunaraðstoð með því að senda menntaða kennara, lækna og annað það kunnáttu fólk, sem getur hjálpað þiggjandanum til að bjarga sér sjálfum, bjóða Íslendingum ókeypis nám í hinum ýmsu greinum, gegn 1 til 2 ára sjálfboðastarfi við þessi verkefni.

39.   Hátæknisjúkrahús yrðu tvö, eitt á Reykjavíkursvæðinu og annað á Akureyri, Grænlendingum og Færeyingum yrði boðin aðkoma og þjónusta þessara sjúkrahúsa.

40.   Þjóðaratkvæði yrði greitt um könnunarviðræður vegna aðildar að ESB og annarra stærri málefna sem upp gætu komið.

41.   Ísland bjóðist til að vera griðastaður fyrir þá sem vilja leysa ágreining sinn, með viðræðum á öruggum stað.

Önnur málefni

42.   Landsmönnum verði frjálst að velja sér lífeyrissjóð og stéttarfélag, eða vera utan stéttarfélaga.

43.   Enginn höft verði á framleiðslu bænda,önnur en sönnun á beitarþoli lands eða fóðrunargetu, allt kjöt, grænmeti og eða aðrar matvörur verði boðnar á opnum markaði, líka mjólkurvörur.

44.   Allur stuðningur við matvöruframleiðendur, fari beint til framleiðandans, en ekki til milliliða.

45.   Allar stöður tengdar opinberum rekstri yrðu auglýstar, hvort sem um væri að ræða sendiherra, ræstitæknir eða Hæstaréttardómara.

Valnefnd fjallaði um ráðningar, hæfni og reynsla umsækjanda réði ráðningu, en hlutkesti réði ef tveir jafnhæfir einstaklingar væru á meðal umsækjenda, kynjamismunun sætti skaðabótaskildu úr hendi valnefndar.

46.   Siðareglur yrðu settar fyrir Alþingi og stjórnkerfið.

 

Eflaust er margt ekki rétt orðað en ég hendi þessu samt hér inn, ef einhver vildi hafa skoðanaskipti  um máli.

Athugasemdir

[Kjartan Pétur Sigurðsson, 6.12.2008 kl. 06:11]

Til hamingju, hér eru margir góðir punktar.

[Óskar Þorkelsson, 6.12.2008 kl. 09:45]

takk fyrir þessa punkta, gott framtak.

[Marinó G. Njálsson, 6.12.2008 kl. 22:41]

Virkilega góður listi.  Nú þarf bara ríkisstjórnin að hlusta.

[Þröstur Heiðar (IP-tala skráð) 7.12.2008 kl. 01:39]

Svo er sagt að enginn sé að koma með lausnir !

Vertu duglegur að senda þennann lista á sem flesta. það þarf að vekja fólk til umhugsunar um möguleikana sem við erum EKKI að nota.

Fólk veit einfaldlega ekki betur og trúir stjórnvöldum blindandi.

Það væri hægt að fara langt með að stofna stjórnmálaflokk með þessum tilögum.

Er það ekki næsta skref ;)

[Þorsteinn Valur Baldvinsson, 7.12.2008 kl. 02:20]

Kjartan,Óskar,Marinó og Þröstur.

Þakka jákvæðar undirtektir, sendi úrdrátt úr þessum lista til nokkurra þingmanna og Ráðherra, kannski nýtist eitthvað af þessum tillögum.

Held að aðalatriðið sé núna að koma með tillögur inn í umræðuna, hvort nýtt stjórnmálaafl rís upp úr þessu umróti er óvíst, oftast endar þetta með innbyrðis deilum og valdabaráttu einstaklinga, er einn að stofnendum Bandalags Jafnaðarmanna með Vilmundi heitnum.

Kannast aðeins við byltingar, yfirleitt eru forsprakkarnir róaðir með góðri stöðu eða hnakkaskoti í mannorðið.

Væri samt gaman að reyna einu sinni enn, að opna leið fyrir hinn venjulega Íslending á þing, og fá raunverulegan þverskurð þjóðarinnar þangað, í stað þess að horfa upp á einokun hagsmunahópa á Alþingi.

Ég opnaði á Facebook síðuna, Nýtt Framboð, ef einhver hefur áhuga.

http://www.facebook.com/groups/create.php?success=1&customize=&gid=52773175109#/group.php?gid=52773175109

[Runólfur (IP-tala skráð) 7.12.2008 kl. 06:09]

Ágætis listi, með meiri tíma væri hægt að bæta meira kjöti á beinin. Þar sem að liðir 26 og 27 varða mig beint vil ég koma eftirfarandi á framfæri.

Einn af yfirmönnum ríkislögreglustjóra hefur hvatt til að sameina öll lögreglulið í eitt. Verið er að sameina Tollgæsluna nú þegar. Af hverju sérsveitin ætti heima hjá landhelgisgæslu skil ég ekki því hún er skipuð lögreglumönnum og á heima hjá þessu eina lögregluliði sem vonandi verður til fljótlega.  Sérsveitin er ávallt á hendi lögreglu því hún sinnir lögregluverkefnum.(Þeim allra erfiðustu.)

Ég tel mikilvægt fyrir trúverðugleika lögreglu að varnarmálastofnun verði sérapparat því það er mjög slæmt að blanda saman hernaðarmálefnum við löggæslu. Þetta eru ósamrýmanlegir pólar. Sameining LHG og Vita og hafnamálastofnunar er góð hugmynd en afleitt að staðsetja þyrlur við sjúkrastofnanir. Hávaðamengun auk mikils kostnaðar við einhverskonar aðstöðu við sjúkra-stofnanirnar sparar ekki peninga.  

Lögreglumenn undirgangast talsvert af prófum áður en þeir eru ráðnir og allar kærur og kvartanir um harðræði eru rannsakaðar. Þetta sérfræðiteymi (innra eftirlit) sem þú minnist á þarf að hafa lögregluvald því að ekki er hægt að mismuna lögreglumönnum, þeir eiga rétt á þeirri miklu réttarvernd sem Alþingi hefur lögfest til handa þeim sem eru grunaðir um lögbrot. Ófært er að lögreglumenn hljóti minni réttarvernd en aðrir, það sjá allir í hendi sér. Veit ekki til þess að tollverðir hafi verið kærðir mikið fyrir harðræði enda ekki mikið í því að handtaka dýrvitlausa ölvaða eða dópaða einstaklinga.

[Þorsteinn Valur Baldvinsson, 7.12.2008 kl. 10:51]

Runólfur, þakka ábendingar.

Til að leiðrétta misskilning, þá er gert ráð fyrir að Varnamálastofnun hverfi sem slík, enda engin annar óvinur að fást við en innfluttir sakamenn og skipulagðar erlendar glæpaklíkur.

Ástæða þess að mér finnst sérsveitin eiga heima hjá Landhelgisgæslu er einfaldlega tenging við töku skipa vegna landhelgisbrota, og eða tollskoðun við komu inn í landhelgi, þá er sprengileitardeild inna LHG sem og rekstur á þyrlum til mannaflutninga, þannig er komin grunnur að sveit sem getur farið hvert á land sem er með stuttum fyrirvara, og LHG orðin hæfari til að sinna því hlutverki sem hún ætti að sinna.

Sérsveitin á að vera fjölhæf og gegna varnarhlutverki ef þörf, hún á ekki heima hjá almennu Lögreglunni, sem þarf að hafa mildari svip hinna hjálpfúsu, gagnvart almenningi, ekki gas, gas, ímynd.

Varðandi hljóðmengun af þyrlum í grennd við sjúkrahúsin, það er flugvöllur á Akureyri, Reykjavík ofl stöðum, það er bara við komu sem þyrla lendir við sjúkrastofnun, staðsetning þarf því ekki að vera við veg sjúkrastofnana, frekar en hjá öðru sjúkraflugi.

 Ekki er verið að tala um skerðingu réttarverndar lögreglumanna eða annarra, en til að traust ríki um að svona mikilvæg störf séu vel skipuð, þarf að vera sýnilegt utan að komandi eftirlit og umfjöllunaraðili til að taka við umkvörtunum almennings, auk þess þarf strax í ráðningaferlinu að fara fram mat á andlegri getu fólks til að fást við svona störf, slíkt er ekki gert í dag.

Sé almena Lögreglan og Tollgæslan sett saman, er komin grunnur að öflugri liðsheild til að fást við fíkniefnaheiminn, og hægt að kalla til stærri liðsheild ef þörf, þá ætti allur kostnaður við yfirstjórn að minnka og aukin fjölbreytni starfa innan sviðsins, gefur kost á að færa menn til og létta þannig álagi af einstaklingum, sem virðist vera aðal orsökin fyrir atgervisflótta, auk lélegra launa.

Þá er líka mikilvægt að hafa það á hreinu í lögum, að afskipti Ráðherra sem og annarra slíkra af daglegum störfum Lögreglu séu bönnuð.

Ráðherra samþykki reglugerðir og fylgi eftir fjárlagavinnu, en Lögreglan sjái sjálf um sitt skipulag og dagleg störf í samræmi við lög og reglur þar um.

[Gunnar Helgi Eysteinsson, 7.12.2008 kl. 18:24]

Áhugaverður listi en það hræðir mig smá hugsunin að fara úr NATO...

[Heiða B. Heiðars, 7.12.2008 kl. 18:31]

Vá flott....

En ég segi eins og Gunnar, held að málið sé ekki að fara úr NATO

Við eigum auðlindir sem verða eftirsóttari svona global með hverjum deginum

[Þorsteinn Valur Baldvinsson, 7.12.2008 kl. 18:46]

Gunnar og Heiða : Er sáttur við að vera áfram í NATO, ef þið getið bent mér á óvin sem ógnar okkur.

Auk þess er lítil von til að vera alþjóðlegir friðarstillar ef við tökum afstöðu.

[Villi Asgeirsson, 7.12.2008 kl. 19:38]

Líst vel á þennan lista. Ég er, eins og Gunnar og Heiða, ekki viss um úrsögn úr NATO, en það má skoða það mál eins og önnur.

Í fyrstu var ég ósammála því að leggja niður forsetaembættið, en þegar ég hugsa meira um það, finnst mér embættið kannski óþarfi.

Þú varst búinn að skrá þið inn á www.nyjaisland.is, ekki satt? Viltu ekki henda þessum lista þar inn? Ég veit ekki hvort það komi margir þangað en ef einhver sér þetta þar sem ekki hefði komið hingað, hefur eitthvað áunnist.

[Óskar Helgi Helgason (IP-tala skráð) 7.12.2008 kl. 23:07]

Heill og sæll; Þorsteinn Valur, líka sem þið önnur !

Tek undir; í grundvallaratriðum þessarra ágætu stefnumála þinna, Þorsteinn.

Hins vegar; yrði krónu fargað, vildi ég; á ný, taka upp Ríkisdali og skildinga þá, hverjir af okkur voru teknir, árin 1871 - 1873, þá Króna og aurar komu til notkunar, víðast á Norðurlöndum.

Úrsögn úr NATÓ; á að vera efst á blaði, í utanríkismálunum, sem og uppsögn EES hörmungarinnar, ásamt Schengen bullinu.

Með baráttukveðjum vísum, sem fyrr /

Óskar Helgi Helgason

[Þorsteinn Valur Baldvinsson, 8.12.2008 kl. 06:30]

Óskar og Kjartan, Takk

Villi, er búin að setja þetta inn á nyjaisland.is

Varðandi NATO aðild, það reyndi á Vestræna samvinnu okkar við bankahrunið, við vorum dæmd og léttvæg fundin, líka tekin á hnjánum og þvinguð til uppgjafar fyrir afarkostum Breta,Hollendinga og fleiri.

Hvarflar enn þá að einhverjum, að þessar þjóðir fari að fórna dætrum og sonum til að verja okkur, og þá fyrir hverjum?

Rússum sem buðust til að hjálpa okkur upp af hnjánum?

Hvar er þessi óvinur sem fólk óttast, sá eini sem ég sé er inn í höfði fólks og kallast ótti.

Skapaður á áratugum af lágkúrulegum lyga áróðri, verður lygi að sannleik ef hún er bara endurtekin nógu oft.

[Agný, 8.12.2008 kl. 06:42]

Í mínum lista væri númer 46 númer eitt.......

En hver er óvinurinn?....Er það ekki h´æun "grýla " gamla... ? Sem heitir i dag að vísu "terrorisma"...hét áður " kommunisma"? Þaðþarf alltaf einhverja Geæylu tilþess að börnin séu næu þæg og góð..og hlýði yfirboðurum sínum........Verið nú þæg og góð greyin mín......

Það þaef alltaf að búa til eitthvað óttakennt ástand þannig að almúginn verði hræddur og þori ekki annað en að hlýða...Svona álíka og " þú skalt óttast Guð þinn herra".....en ..enginn trúir á það sem hann óttast.....viðkomandi beygir sig bara undir ægivaldið og vonast eftir umbun fyrir þrælslundina síðar meir.....Amen....

[Agný, 8.12.2008 kl. 06:43]

Sorry stafsetninga villur..........

[Þorsteinn Valur Baldvinsson, 8.12.2008 kl. 07:12]

Agný, listinn er settur upp sem drög, verðuð vonandi slípaður svolítið til, enda sjá betur augu en auga, þó ég sé ekki eineygður.

[Aron Ingi Ólason, 9.12.2008 kl. 03:30]

Já flottir punktar en ég ætla þó að gagnrýna nokkra þeirra en byrja á því að koma með fleiri úr gamalli færslu frá mér um aukið lýðræði

 en þessar tillögur tryggja raunar framhvæmd á þinni tillögu númer 40.

1. Almenningur ætti að hafa vetó vald með ákveðnum fjölda undirskrifta og þaðan færi málið í þjóðaratkvæðagreiðslu sem færi fram á netinu með hjálp auðkennislykla

2. Einnig ætti almenningur að hafa vald með ákveðnum fjölda undirskrifta til að kalla fram mál í þjóðaratkvæðagreiðslu sem vísað hefur verið frá af fulltrúum landsins.

3. Almenningi verði gert kleift að leggja fram tillögur á löggjafaþingið beint með því að safna ákveðnum fjölda undirskrifta.

4. Undirskriftum ber að vera auðvelt að safna í gegnum almiðil (þar til gerða net síðu sem veitir einnig upplýsingar) og til að tryggja engar falsannir yrði að gefa upp númerið á þar til gerðum auðkennislykli. (sambærilegum þeim sem við notum í heimabankanum)
   

Nú að nokrum púntum frá þér sem ber að skoða

6.   Skipta um gjaldmiðil að þessu endurfjármögnunar verkefni loknu ,og gefa upp ákveðið skiptigengi fyrir Íslensku krónuna.

vill bara brýna þörfina á því þó svo að með því að vera með eigingjaldmiðil og prenta þannig út fyrir ríkisútgjöldum svona eins hitler tókst vel til fyrir stíð með því að fjárfesta því fé í samfélagslega arðbærar framhvæmdir eins og t.d vegagerð og spítala þá er hættan allto mikil og freisting auðmanna á að misnota gjaldmiðil og svo lítið hagkerfi allt of mikil og allt of auðveld (sem dæmi má nefna franska frankan sem ríkum kaupmönnumtókst að misnota þrátt fyrir samantekinn ráð ebokkura evrópskra seðla banka um að halda frankanum stöðugum) þess vegna tel ég best að raina að ná einhverskonar sam norrænu mynt samkomulagi sem væri nógu stórt svo það byði ekki uppá misnotkun. skársta kostinn en evuna slma en þó skárri en krónuna við það tapast bara ýmis tækifæri sem við og hinar norðurlandaþjóðirnar gætum notað ef við hefðum samnorrænan gjaldmiðil.

38.   Efla þróunaraðstoð með því að senda menntaða kennara, lækna og annað það kunnáttu fólk, sem getur hjálpað þiggjandanum til að bjarga sér sjálfum, bjóða Íslendingum ókeypis nám í hinum ýmsu greinum, gegn 1 til 2 ára sjálfboðastarfi við þessi verkefni.

sem fyrverandi sjáfboðaliði sjálfur þá er þetta góð hugmynd en það yrði að passa upp á okkar nemar verði einnig kennarar til að auka sjáfbærni viðkomandi lands og til að taka ekki störf frá fólkinu í viðkomandi landi. 

Annars er ég samála að mestu öllu hinu og sumu þó kannski meira sammála en öðru en flest allt vel hugsað og rökrétt endilega sendu þessar tillögur á eyjuna líka þar sem undirvefurinn er betra lýðræði og ég vona að þú bætir mínum hugmyndum við eð kommentir í það minnsta á þær.