Gefum valfrelsi um Jólin

Er þetta ekki bara orðið gott, hvernig væri að hætta þessari endalausu forræðishyggju og leyfa fólki að vera heima hjá sér í Grindavík ef það vill.
Það má vel skipuleggja gott námskeið um viðbrögð við mögulegum atburðum, og leyfa svo fólki að ákveða sjálft hvort það fer heim eða heldur áfram að lifa sem flóttamenn í eigin landi.

Ísland er lifandi land og við getum aldrei verið viss um morgundaginn, þannig hefur það verið og mun verða um komandi aldir. Annað hvort tekur þú því sem hluta af lífinu eða ferð eitthvað annað í leit að stöðugleika.

Það þarf að leyfa Grindvíkingum að fá frið til að vinna úr stöðunni, gefum þeim val um framtíðina á eigin forsendum.
Veitum þann stuðning sem Grindvíkingar vilja og hættum þessari kjánalegu forræðishyggju, gefum þeim sjálfræðið og valfrelsið aftur.

Kurteisi og virðing

Fróðlegt að aka Hillary Rodham Clinton og kynnast umfangi svona heimsóknar, hún er merkileg og afkastamikil kona sem hefur gert margt gott. Hún kemur fram við alla af virðingu og kurteisi, hún á skilið það sama frá öðrum. Það er vel hægt að hafa skoðanaskipti við fólk án þess að grípa til lágkúru í orðavali, það er ekki það sem fólk segir eða ritar sem skiptir öllu, það er það sem þú gerir.
Er ekki sammála henni í pólitík, en það má hrósa henni fyrir marga hluti.Hér er slóð á hennar æviferil ef fólk vill kynna sér hennar feril: https://en.wikipedia.org/wiki/Bibliography_of_Hillary_Clinton

Þá er kominn hjá mér nýr kafli í lífsins reynslubók.

Er þetta vitrænt

Er þetta framkvæmd byggð á fagmennsku og þekkingu eða er verið að búa til atvinnubótavinnu fyrir "rétta" aðila.

Var hönnun og er framkvæmd byggð á verðtilboðum eða var handvalið af vinalista.

Stundum virðist fólk tapa vitrænni getu og framkvæma eitthvað frekar en viðurkenna fyrir sjálfu sér að það er ráðalaust.
Greiðandinn er ég og þú en njótandinn er miljarða gróðafyrirtækin, Bláa lónið og HS Orka sem er í eigu Jarðvarmi slhf. og sjóða í stýringu hjá Ancala Partners LLP. Eignarhlutur hvors um sig er 50%.
Við erum því að eiða 2,5 miljörðum að skattfé okkar í að byggja varnargarða utan um einkarekstur sem rakar inn miljörðum og svo getur enginn í raun staðfest að þessir garðar geri gagn því landið er allt á hreifingu upp og niður sem til allra átta.

Frumvarpið samþykkt

Við erum vinnuveitandi Alþingis

Þingið er að vakna eftir mikinn þrýsting frá almenningi, þetta fólk er nefnilega í vinnu hjá okkur. Þingheimur virðist skynja að það skelfur ekki bara jörð, það er þungur skjálfti frá þjóð sem misbíður framkoma ríkisstjórnarinnar sem starfar á ábyrgð alþingis. Kl. 11.00 byrjar umræða um Palestínutillöguna. Umræðunni verða gefnir 2 klukkutímar sem skiptast á milli allra flokka.

Kl. 13.00 þann 9.11.2023 byrjar seinni hluti umræðunnar og atkvæðagreiðsla. Textinn er hér: https://www.althingi.is/altext/154/s/0514.html

Á kostnað annarra

Það á stríðsæsingarfólk um allan heim sameiginlegt, að það ætlar ekki sjálft að fórna lífi og limum eða þola þjáningarnar. Það ætlast til þess að aðrir gjaldi fyrir þeirra eigin orðhvata heigulshátt.

Erum við orðin kjarklaus og siðblind

Nöfn barnanna á Gaza eru skrifuð á útlimina svo hægt sé að auðkenna þau, þá lenda limlestir líkamar barnanna ekki í fjöldagröfum.
Þeir hafa rétt til að verja sig en ekki til að myrða börn og borgara.

Er heiladauði forsenda utanríkisstefnu Íslands

Hvenær fer fólk að nota höfuðið, og leysa úr ágreining með samtölum en ekki vopnum?

Hvenær áttar fólk sig á að það að hætta samskiptum og samtali er uppgjöf en ekki sigur?

Undirlægjuháttur er ekki leið til vináttu, þar liggur leið þeirra fyrirlitlegu.

Talsmenn og konur átaka ætla aldrei sjálf að berjast, þau ætlast til þess að aðrir fórni limum og jafnvel lífi fyrir þeirra skrif og orð. Þetta er fólkið sem hengir á hvert annað heiðursmerkin á meðan þeir sem börðust fá skertar örorkubætur eða kalda gröf.

Harðir bardagar á Gasasvæðinu í nótt

Ævarandi skömm

Það er því fólki sem hvetur til átaka og styður við stríðsrekstur sameiginlegt, að enginn af þessum digurbarkalegu æsingar mönnum og konum mun fara í fremstu víglínu.

Allt þetta lið ætlast til þess að aðrir fórni lífi sínu, eða örkumlist fyrir þeirra orð.

Sjálfskipaðir "sérfræðingar" í varnarmálum belgja sig út og hvetja til átaka, en eru of kjarklausir til að fara sjálfir á vígvöllinn.

Hættum að hlusta á raggeiturnar sem eru að etja saman fólki og færa falsfréttir sem réttlætingu fyrir mannfórnum.

Höfum sjálf samband við "Óvininn" og þá kemur í ljós að það er nánast enginn munur á þeim og okkur, flest fólk er friðsamt og vill frið, öryggi og samskipti, en öfgaöflin beita lygum og fölsunum til að skapa sundrungu sem þóknast stríðs iðnaðinum.

 Sagan sannar svika slóðina.

Friðsemd er ekki tengd kyni

Í fyrsta skipti Íslandssögunar, þegar kona var forsætisráðherra og kona varð utanríkisráðherra, hófu Íslendingar beina þátttöku í stríðsrekstri í Úkraínu, og studdu þjóðernishreinsanir í Palestínu. 

 

Hættið einhliða fréttaflutning og að ljúga

Þetta er ekki flókið vandamál sem fréttamiðlar standa frammifyrir, hættið að flytja einhliða áróður sem fréttir og gera þannig lygar stríðsaðila að ykkar fréttum.

RÚV er skínandi dæmi um "fréttamiðil" sem flytur okkur einhliða "FRÉTTIR" af stríðandi fylkingum ár eftir ár, Úkraína er endurtekning af stríði gegn Írak og Líbýu.

Rakalausar fullyrðingar og lygi frá stjórnvöldum árásaraðilans eru fluttar sem fréttir og almenningur er ekki eins tregur og fjölmiðlafólk virðist halda þannig að leit á netmiðlum sýnir og upplýsir fljótlega um blekkingarnar.

Einmitt að þeirri ástæðu er hafinn stríðsrekstur gegn netmiðlum og talað um falsfréttir af opinberum fulltrúum sannleika, þeir hafa illa stjórn á því sem sagt er á netmiðlum þó ritskoðun undir merkjum falsfrétta baráttu sé sífellt að eflast.

Hluti af þessari barátta er kölluð hatursorðræða og tekur sífellt á sig skýrari mynd ritskoðunar sem og er hið opinbera að dæla skattfé í fréttamiðla sem enginn vill kaupa því falsfréttum hins opinbera skal komið á framfæri þó það þurfi að kosta miklu til enda verið að fara með annars fé.

Eru fjölmiðlar að fjalla um það sem skiptir máli?