Kjánaleg vinnubrögð

Hef aldrei skilið þörf lögreglunar fyrir eltingaleiki, ef skráningarnúmer nást á mynd er ofsaakstur vitleysa.

Finnst að lögreglan ætti að hafa meiri samvinnu við Landhelgisgæsluna og nota þyrlurnar, frekar en efna til ofsaaksturs á bifreiðum.

En þetta er vandmeðfarið og ákvarðanir teknar í hita augnabliksins geta verið afdrifaríkar fyrir alla, því er nauðsyn að fjölga úrræðum sem ekki auka á æsing og kappa hjá bæði brotamönnum og lögreglu.

Ökumaður bifhjóls hálsbrotnaði er hann ók aftan á bifreið í nótt

Nauðganir

 

Las fyrir stuttu frétt um gerendur í nauðgunum, og fannst það mjög skrítið að gerendur eru nánast allir undir 30 ára aldri og margir undir 20 ára aldri.

Virðist sem margir yngri menn, hafi ekki siðferðislega stjórn á sjálfum sér, og beri enga virðingu fyrir öðrum.

Þeir taka bara það sem þeir vilja og eru svo sjálfhverfir að manni bregður.

Þessi gamla sjálfsagða krafa um gagnkvæma virðingu og tillitssemi, virðist ekki vera eins sterk og hún var.

 

Hef oft velt fyrir mér hvort gerðar hafi verið athuganir á því hvort fylgni væri milli tíðni þessara afbrota og myndefnis í fjölmiðlum, eða hvort fatatískan hefði þarna mælanleg áhrif.

 

Annað hvort eru þessi einstaklingar skemmdir í uppeldinu, verða fyrir siðferðislega brengluðum fyrirmyndum, eða það er bara svona grunnt á hömlulausu villidýrinu í okkur.

 

Hver sem orsökin er, þá verður að finna ræturnar á vandanum til að stöðva þróunina, og stofnanauppeldi er ekki lausnin.

Aftur og aftur

Fær fyrirtækið Hringrás endalaust áframhaldandi starfsleyfi og að dreifa sér um landið

Vel gengur að slökkva eldinn við Hringrás

Jafnrétti kynjanna er viðhorfsvandi kvenna.

 

Jafnrétti kynjanna er uppeldisatriði að mestu leiti.

Í þá áratugi sem ég hef unnið við að stjórna fólki, hefur það verið eylíf barátta að fá stúlkur til að takast á við "stráka störf".

Þegar þær svo fást til þess, og finna hvað þær geta þetta auðveldlega, er oft eins og þær rétti úr bakinu og hækki um nokkra sentímetra, við staðfestinguna á eigin getu.

Þessi vanmetakennd á eigin getu og bæld sjálfsvirðing, virðist líka hindra konur í að biðja um betri starfskjör og eða krefjast sömu launa og karlmenn.

Stundum hefur mig langað til að taka um axlirnar á þeim og hrista, til að vekja þær af þessum þyrnirósasvefn, og fá þær til að svara fyrir sig fullum hálsi, en ekki bara líta niður þegar freklega er gengið á þeirra rétt og virðingu.

 

Persónulega finnst mér jafnréttið vera eigið viðhorfsvandamál kvenna, því uppeldis og kennslustörf eru að mestu leiti unnin af konum, og þar fer hugafars mótunin að mestu fram.

Konur verða því að fara að snúa sér að kjarna vandans, en ekki eyða endalaust tíma í að saka karlmenn um það að gera það sem mæður þeirra og ömmur kenndu þeim í uppeldinu.

Drengir eru hvattir til dáða og djarfra aðgerða frá blautu barnsbeini, en stúlkum er uppálagt að hjálpa við heimilisverkin og vera prúðar og fínar.

Þær eru svo gangandi fórnalömb fyrir samviskulausa svikahrappa hins mikla tísku og snyrtivöruiðnaðar, því þær eiga að vera svo fínar.

 

Margar konur eyða miklum fjármunum í fín föt og snyrtivörur, sem jafnvel eru heilsu þeirra skaðlegar, og svo ekki sé talað um háhælaða skó, hvernig er bakið á þessum konum annars.

Auglýsingastofur heimsins sjá svo um að telja þessum fallegu verum, trú um að þær verði að kaupa varalit, maskara, hárlit, morgun, dag og kvöldkrem líka, (þó svo rakin í húðinni komi innan frá, en hver hugsar um það). Svo verða þessar elskur líka að raka sig undir höndunum, vaxa leggina og snyrta skapháralínuna, ekki má sleppa gervinöglum og naglalakkinu eða gleyma öllum ilmefnunum sem þær eiga að ausa á sig, svo þeirra eigin góði ilmur finnist ekki.

Þá er það þessi hafsjó af skrautlegum nærbuxum og brjóstahöldum sem ýmist lyfta eða stækka brjóst, en svo er víst flest af þessu dóti nánast eins og pyntingartæki frá miðöldum, því svo óþægilegt er þetta víst, þá er þessi fatnaður nánast alltaf falin undir öðrum fatnaði.

 

Ég finn til með þessum konum, þær segjast vilja þetta en ég bara get ekki skilið þessa sjálfspyntingarhvöt.

Þið eruð fallegar og frábærar, hættið þessari dellu og verið þið sjálfar stelpur.

Er ekki grunnurinn fyrir þessari sífelldu þörf til að vera fínar og penar skapaður í uppeldinu,

 

Strákarnir meiga vera  grófir og geta líka verið í krumpuðum galla, þeir eru töff action karlar.

Svona njóta þeir æskunnar og aðdáunar hjá mömmu, frænku og ömmu og pabba , en svo kemur dagurinn. Þessi skrítni dagur sem kemur um svipað leiti og við fermumst og röddin dýpkar.

Allt í einu erum við durtar sem göngum á rétt kvenna, bölvuð karlrembusvín og tillitslausir.

Og strákagreyin standa bara þarna og skilja ekki neitt í neinu.

Það er allur þeirra heimur að snúast við, og reglurnar síðan í gær hafa nánast allar umturnast.

Durturinn þarf að fara að vera snyrtipinni og tala um tilfinningar, action maðurinn á að vera mjúkur og gráta jafnvel, en slíkt gerðu bara kellingar hér áður.

Hann á líka að fara að vaxa sig og mála eins og stelpurnar, sulla á sig ilmefnum til að fela liktina af sér og þjóna fyrirtækjum tísku og snyrtivöruiðnaðarins.

 

Vissulega eru til bölvaðir durtar á meðal karlmanna, alveg eins og meðal kvenna, og margt þarf að laga.

En er ekki bara komin tími á að snúa sér að kjarnanum í málinu, uppeldinu.

Seljum Ísland

 

 

 Ég held að best sé fyrir okkur að selja Ísland, áður en landið er endanlega rúið öllum verðmætum, og orðið að verðlausri stóriðju og láglaunanýlendu.Sjálfstæðis og Framsóknarflokkur, hafa gefið burt veiðirétt og fiskinn í sjónum, og vilja nú gefa frá sér jarðhitann og fallvötnin.Næstur verður líklega Samfylkingar draumurinn um afsal fullveldisins látin fylgja á eftir, og láglaunanýlendan Ísland látin ganga í E.S.B. Þessi magnaða sjálfstortímingarhvöt Íslendinga hlýtur að vekja víða undrun.Það er bannað samkvæmt lögum að hvetja til uppreisnar, og virði ég það. En ef ekki væri slíkt bann, þá myndi ég líklega hvetja til slíks.Það eru örugglega margir af þeim sem börðust fyrir fullveldi og sameign þjóðarinnar, búnir að snúa sér við í gröfinni af skömm yfir áformunum.

 

Segir að byrjað sé að undirbúa sölu Landsvirkjunar

Skelfilegt

Skelfilegt hvað miklir öfgar eru til, fólk myrðir jafnvel börnin sín, fædd sem ófædd.

Gerir einhver önnur dýrategund en mannskepnan svona lagað?

Norsk lögregla leitar manns sem talinn er hafa myrt konu og barn

Skelfdur

Ég er óttaslegin

Aldrei fyrr hef ég fundið svona nagandi kvíða og óvissu heltaka mig

Ótti minn eykst því nær sem dregur að kosningadegi.

Ástæða þessa ótta er sú að ég er farin að hallast svo mikið til vinstri, ef ég hrasa í kjörklefanum og kýs vinstri græna, mun Ísland færast aftur til forneskju og alræðishyggju.

Ég bara verð að finna annan flokk til að kjósa, en það er ekkert annað val nema skila auðu.

 

Valið er:

Rasismi hins einna máls flokks Frjálslinda.

Tilfinningastefna Íslandsflokks hina ráðalausu.

Spillingar saga Framsóknarflokks og landsbyggðar eyðing.

Græðgivæðing og samfélagssala Sjálfgræðisflokks.

Framboð eldri og öryrkja, sem gleymdu nánast framboðinu og stefnunni.

Og svo Vinstri Grænir, sem finnst þeir þurfa að hafa vit fyrir öllum hinum.

 

Ég virði þetta fólk og þeirra skoðanir en finn mér bara ekki samastað. Mig langar svo að finna flokk sem vill bara láta fólkið í friði, flokk sem vill hafa gott félags og heilbrigðiskerfi í öruggu samfélagi, en leifa fólki að hugsa og framkvæma sjálft innan þess ramma að það skaði ekki aðra.

 

Sennilega er þetta bara draumsýn?.

 

Eða er einhver með svarið?

 

Hugrakkur læknir

Gott hjá Þorsteini lækni á Kárahnjúk.

Loksins kom maður sem þorir að segja það sem segja þarf, og þá á að sjálfsögðu að senda embættisbáknið til að hjálpa Impregilo, við að þagga niður í honum einu sinni enn.

Hann er stærri maður að mínu áliti, fyrir að þora að segja sitt álit með sýnu orðalagi, en nota ekki lærða frasa Landsvirkjunar við hönnun fréttaflutnings frá Kárahnjúk

Impregilo mótmælir vinnubrögðum og ásökunum læknis

Góð tillaga

Gekk í Siðmennt eftir þennan lestur, og hvet aðra til þess líka.

Trúfélög fái heimild til að gefa saman samkynhneigð pör

Klaufaleg vinnubrögð

Það eru afskaplega klaufaleg vinnubrögð hjá Landsvirkjun, að láta framkvæmda eftirlitsmenn verkkaupa líka starfa á sama tíma sem eftirlitsmenn með öryggismálum verktakanns.

Slíkt kallar á efasemdir og vangaveltur.

Væri heppilegra að fá sjálfstæðan og óháðan aðila í slíkt eftirlit.

Landlæknir ætlar austur að Kárahnjúkum eftir helgi