Uppreisn

Gerði uppreisn í vor gegn hefðum og vana.

Hef ekki tekið sláttuvélina út úr geymslunni og neita því alfarið.

Hef bæði fengið athugasemdir annarra heimilismanna og nágrana, þeir mega slá ef þeir vilja en ég neita.

Þetta hlutverk sem karlmenn eru alltaf settir í sökum kyns er óþolandi, karlar eiga að slá túnræfilinn eins og við séum að fara að fóðra búfé, og svo eiga karlmenn að sinna öllu viðhaldi utan sem innanhús, og ökutækin eru alfari á þeirra ábyrgð, og í þeirra umsjón ef bila eða eru til leiðinda á annan hátt.

Kvennarembur

Segi bara nei takk, ég þvæ þvott, stoppa í sokka, elda og þríf, geng í öll störf.

Nú heimta ég raunverulegt jafnrétti á borði, en ekki bara í orði eins og konur gera.

Sjáið svo fallega garðinn og hvílíkur ylmur      

Athugasemdir

[Anna Einarsdóttir, 23.7.2007 kl. 21:13]

Heyrðu kallinn minn !  Ég slæ minn garð með litlu leikfangasláttuvélinni minni.   

Og svo ég monti mig nú í allt kvöld..... þá fer ég með bílinn í smur og negli nagla, skipti um perur og mála pallinn og..............

[Þorsteinn Valur Baldvinsson, 23.7.2007 kl. 22:26]

Anna, þú ert æðislegur kostagripur og eigulegust allra kvenna.

Vonandi fleiri svona jafnréttis konur til, nóg til af sérréttinda konum.

[Anna Einarsdóttir, 24.7.2007 kl. 16:16]

   Það er ekkert annað. 

[Jóna Á. Gísladóttir, 24.7.2007 kl. 22:45]

hei hei hei. alveg rólegur. Ég sló nú garðinn um helgina á meðan Bretinn hékk í sófanum og horfði á golf. Hef hingað til séð um minn bíl sjálf, neglt nagla og meira að segja skipt um ljósaperur.

[Laufey Ólafsdóttir, 17.8.2007 kl. 21:09]

Ég hef aldrei átt kall og ef eitthvað þarf að gera þá geri ég það sjálf. Annars gerir það víst enginn. Afi minn kenndi mér að slá í denn og ég hjálpaði honum stundum. Mamma kenndi mér að tengja rafmagnsnúrur og fikta í rafmagnstöflum. Á engan bíl en myndi sennilega sjá um hann ef svo væri. Í hvaða landshluta býrð þú eiginlega kæri vinur!?

[Þorsteinn Valur Baldvinsson, 18.8.2007 kl. 20:52]

Anna, þú ert  er einstök.

Jóna, þú átt aðdáun mína fyrir ansi margt

Og laufey, þú ert að mínu áliti alveg sérstaglega áhugaverð manneskja og orkubolti.

Ef þið þrjár eruð fulltrúar þeirrar kynslóðar sem er að taka við samfélaginu, þá er framtíðin björt fyrir okkur hin.