Duglegir

Gaman að sjá fórnfýsi manna sem eru að taka frí úr vinnu til að hjálpa fólki við þessar aðstæður.

Sumir atvinnurekendur greiða líka mönnum laun á meðan þeir eru að sinna útköllum og eiga þakkir skildar.

Svo er það spurningin hvort ekki eigi að láta þá borga, sem fara samt af stað, þrátt  fyrir lokun vega og tilkynningar þar um.

Það eiga allir að bera ábyrgð á sér og gerðum sínum.

 

Björgunarsveitir að störfum á Fagradal

Athugasemdir

[Steingerður Steinarsdóttir, 4.2.2008 kl. 13:28]

Þarna er ég fyllilega sammála. Mér finnst undarlegt að líta svo á að okkur beri að bjarga fólki sem veður út í hvaða veður sem er án þess að nokkur skynsemi virðist komast þar að. Það er sjálfsagt að fólk fái að njóta náttúrunnar og alltaf geta gerst slys en stundum gengur fram af manni fílfdirfskan og heimskan.

[Þorsteinn Valur Baldvinsson, 4.2.2008 kl. 13:41]

Finnst oft vanta smá tengingu á orsök - afleiðing.

Þetta er samt vandmeðfarið, en oft hélt maður aftur af sér þegar fólk á lakkskóm og sléttum sumardekkjum var komið þversum og stöðvaði snjóruðningstæki með tilheyrandi töfum.

Sjúkrabílar og slökkvilið þurf nefnilega líka að fara um í vondu veðri, og tafir vegna svona ábyrgðarlausra einstaklinga þurfa að hafa afleiðingar til að fólk læri og skilji að þetta er ekki alltaf leikur.

[Ármann (IP-tala skráð) 4.2.2008 kl. 14:08]

Ótrúlegt hvað fólk finnst alltaf að einstaklingar sem koma sér í krapa eigi að borga fyrir björgunina á þeim.

Ef einhver er að keyra í slæmu veðri og festir sig eða lendir í einhverskonar vandræðum, er þá ekki betra að sá einstaklingur hugsi "Ég er nú í vondum málum. Best að hringja á neyðarlínuna og láta vita af förum mínum áður en ég lendi í frekari hættu" heldur en að hugsa "Æj, ég festi mig. Best að hringja í kunningja minn sem vonandi festir sig ekki til að sækja mig, eða þá að ég bíði bara inni í bíl nokkrar klukkustundir þangað til veðrið verði kannski skárra af því ég nenni ekki að borga skuldina fyrir það að láta björgunarsveit koma og sækja mig."

Björgunarsveitarfólk er ekki í þessu starfi til að fá borgað. Þeir gera þetta með góðum vilja til að geta hjálpað öðrum, að kostnaðarlausu. Og jafnvel þó það yrði tekið upp á því að taka pening fyrir bjarganir þá lendir það hvort eð er örugglega á tryggingafélögunum þannig hegðun fólk breytist örugglega lítið.

[Þorsteinn Valur Baldvinsson, 4.2.2008 kl. 14:24]

Sé bara ekkert að því að fólk beri ábyrgð á öryggi sínu og annarra.

[Illugi (IP-tala skráð) 4.2.2008 kl. 19:35]

Ármann, þú spyrð hvort það sé ekki betra ef einhver sem "er að keyra í slæmu veðri og festir sig eða lendir í einhverskonar vandræðum" hringi í 112 heldur en hugs; "Best að hringja í kunningja minn sem vonandi festir sig ekki til að sækja mig, eða þá að ég bíði bara inni í bíl nokkrar klukkustundir þangað til veðrið verði kannski skárra af því ég nenni ekki að borga skuldina fyrir það að láta björgunarsveit koma og sækja mig."

Hvernig væri ef fólk myndi nú bara athuga veður og færð áður en það leggur af stað? Og meta aðstæður með sitt farartæki í huga, í fréttum sáust fremur linir jepplingar og þótt ótrúlegt megi virðast fólksbíll!

Það myndi þá síður lenda í aðstæðum þar sem þyrfti að hugsa með sér "ég er nú í vondum málum".

Það segir sig bara sjálft að ef þú leggur af stað yfir svona veg, í svona veðri á jeppling, hvað þá fólksbíl, þá lendirðu í vandræðum, þetta er nokkuð sem kallast heilbrigð skynsemi!!

Myndir þú þá ana út í hvað sem er af því að þú veist að þú getur hringt í 112 ef (þegar) þú lendir í vandræðum??