Austfirsk þjónusta á Héraði

Austfirsk þjónusta á Héraði er fróðlegt fyrirbrigði.

Hér sit ég á Eiðum og bíð eftir því að gatan verði rudd, kannski ekki óvanalegt á Íslandi þessa dagana, en þetta er dagur númer tvö, sem segir allt sem segja þarf um þjónustu sveitarfélagsins.

Að vísu reyndi einn starfsmaðurinn í morgun, að ýta við snjónum á litlu jeppa greyi sem rétt ber sjálfan sig og snjótönnina, en hann ræður ekki við annað en nýfallin og lausan snjó.

Hefði kannski gengið snemma í gær með jeppanum en ekki í dag þegar snjór hefur sest.

Virkilega nýtt fyrir mér þessi snjómokstur hjá Fljótsdalshéraði, svona kannski skipulagt kaos.

Hringdi og spurðist fyrir, fékk svarið : þetta er í vinnslu en gat ekki fengið nánari tímasetningu frekar en í gær og svo er víst bara ekki svarað núna eftir hádegi.

Skil verkefnið samt vel, hef stjórnað snjómokstri í yfir áratug og þekki þetta.

Vonandi kemst ég í verslun með vorinu.

Athugasemdir

[Þorsteinn Valur Baldvinsson, 5.2.2008 kl. 17:19]

Það mætti verktaki kl 15:30 á vörubifreið með snjóplóg til að ryðja götuna, svo við gætum fært bílana.

Gott mál, en hefði átt að gerast í gær.

[Guðrún Jóna Gunnarsdóttir, 5.2.2008 kl. 21:04]

Eru menn orðnir blankir þarna austur frá

[Þorsteinn Valur Baldvinsson, 5.2.2008 kl. 21:25]

Nei, held bara að forgangsröðuninni og skipulagið sé ekki alveg í lagi, lét sjálfur ávallt byrja á opnun gatna og sneri mér svo að breikkun og frekari mokstri eftir að búið var að opna gatnakerfið.

Þetta snýst nefnilega líka um að slökkvilið, lögregla og sjúkrabílar geti farið um ásamt skólaakstri ofl slíkt, en menn tapa sér oft í hita leiksins og snúast í hringi vegna utanaðkomandi afskipta.

 Er greinilega sjálfur að komast í hóp allra hinna sem vita miklu meira um snjómokstur, en þeir sem eru að vinna verkið.

En hef þó langa reynslu til að vís í.