Öflun óvina og efling kynþáttahaturs

Öflun óvina er einföld og fljótleg, líka að kynda undir kynþáttahatri og ofstæki.

Þegar einn trúarhópur eða fólk frá ólíku menningarsvæði kemur til nýs lands og vill setjast þar að, verður það að sætta sig við reglur og siði landsins sem býður það velkomið.

Að búa á friðsælum stað með atvinnu og öryggi er ekki sjálfgefið, og að rjúfa friðinn er mjög fljótleg aðferð til að eyðileggja alla von um áframhaldandi gestrisni vestrænna þjóða.

Á Íslandi hafa verið stofnuð til þessa dags, 3 þekkt félög fólks sem vilja koma útlendingum úr landi, svona atburðir eru bara til að styrkja baráttu þessara félaga og fjölga félagsmönnum í þeim.

Við tölum um að berjast gegn fordómum og kynþáttamismunun en þegar nýbúarnir byrja að brenna bíla og hús, vegna þess að ritskoðunin sem þeir eru vanir frá heimalandinu er ekki samþykkt, er illa komið, og þeir gætu alveg eins verið að bera eldinn að sjálfum sér, því þeir styrkja málstað andstæðinga sinna og eyðileggja áratugalanga baráttu gegn fordómum á einni nóttu.

Líki fólki ekki samfélagið, eru leiðir til að breyta því friðsamlega, en ofbeldi og kúgun með óttastjórnun er ekki leiðinn, vilji fólk búa við slíkt er til fullt af löndum sem bjóða upp á þau búsetuskilyrði.

Þó illa hafi farið í Kaupmannahöfn, er óþarfi að spyrða saman alla nýbúa og útlendinga sem ofbeldislýð og óæskilegt fólk, við ættum frekar að læra af þessu og fara að taka í alvöru á móti útlendingu, kenna þeim Íslenskuna og siðina sem þeir verða að sætta sig við, ef þeir vilja búa hér.

Þessum siðum okkar og reglum er líka sjálfsagt að breyta þegar þess er þörf, en menn verða að læra af sögunni og reynslunni.

Hafi ríkt friður í yfir 600 ár í viðkomandi landi, er best að gera allar breytingar án flýtis og flumbrugangs.

Íkveikjur og óspektir í Danmörku

Athugasemdir

[Muddur, 15.2.2008 kl. 10:59]

Ég er alveg sammála þér í þessu. Annað hvort aðlagast fólk samfélaginu eða sleppir því að flytja þangað. Til dæmis hef ég engan áhuga á að flytja til Saudi Arabíu af því að ég samþykki ekki þeirra kúgunarstjórn. Ef ég myndi hins vegar neyðast til að flytja úr mínu landi af einhverjum ástæðum myndi ég reyna að flytjast til lands sem hefði svipaða siði og menningu og mitt land, til að ég ætti auðveldara með að aðlagast. Ef Danmörk er ekki gósenland fyrir ofstækismúslima, heldur bara land einhverra frjálslyndra dóna og guðlastara, þá ættu þessir múslimar ekki að flytja þangað. Einfalt mál.