Pólítík en ekki skynsemi

Pólitík en ekki skynsemi hefur einkennt rekstur og staðsetningu Fjórðungssjúkrahúss Austurlands á Norðfirði í áratugi.

Það hlýtur að koma að þeim degi að einhver stjórnmálamaður hafi kjark til að láta endurskoða þessa vitleysu, og endalausa sóun fjármuna úr sameiginlegum sjóðum.

Fara þarf yfir vegalengdir og samgöngur á svæðinu sem Fjórðungssjúkrahús á Austurlandi á að sinna, skoða flutningsleiðir að og frá, bæði landleiðis og flugleiðis, skoða íbúadreifingu og fleiri þætti sem varða almannaöryggi, og taka svo ákvörðun um jafnvel nýja staðsetningu Fjórðungssjúkrahúss, og efla svo heilsugæslu út frá þörfum notenda þjónustunnar en ekki pólitískra þarfa og skoðana einstakra bæja eða stjórnmálamanna.

Staðsetning Fjórðungssjúkrahúss Austurlands á Norðfirði er ekkert náttúrulögmál, né er hægt að hefta alla frekari þróun, sökum gamalla mistaka í staðsetningu, sem voru gerð vegna skorts á framtíðarsýn og í tilgangi atkvæðaveiða fortíðar.

Hagsmunir eins fjarðar, geta ekki endalaust verið látnir ganga fyrir hagsmunum samfélagsins á Austurlandi.

 

Lýsa yfir áhyggjum af ástandi Norðfjarðarflugvallar

Athugasemdir

[Gestur (IP-tala skráð) 22.2.2008 kl. 12:06]

Að staðsetja Fjórðungssjúkrahúsið fyrir austan á Neskaupsstað var alveg ótrúlegt klúður á sínum tíma. Þessi staður liggur í botnlanga og er engan veginn miðsvæðis í landshlutanum, þetta er svona svipað og ef menn hefðu sett niður Fjórðungssjúkrahúsið á Norðurlandi á Siglufirði

[Hlynur S (IP-tala skráð) 22.2.2008 kl. 12:31]

Kynnið ykkur nú aðeins sögu sjúkrahússins í neskaupstað áður en þið fari að henda fram fullyrðingum!! Sjúkrahúsið var ekki staðsett þarna að gamni!! Það var byggt að af stórhuga Norðfirðingum! það er ekki eins og ríkið hafi byggt það eða ákveðið að hafa það 

þarna!!  

[Þorsteinn Valur Baldvinsson, 22.2.2008 kl. 12:51]

Hlynur. Þetta hefur ekkert með tilfinningar að gera né fortíðar afrek, setjum söguna á byggðasafnið og höldum til framtíðar.

[Áslaug (IP-tala skráð) 22.2.2008 kl. 13:01]

Er það ekki pólitík að vilja færa allt í Egilsstaði ?
Eflum það sem fyrir er og styrkjum austurlandið sem heild en ekki að færa allt á einn stað.  Reynum frekar að fá fjölbreyttari fyrirtæki , þjónustu og stofnanir inn í fjórðungin og hættum þessari bölvuðu neikvæðni.

Hvor fjallvegurinn skildi nú vera oftar illfær eða ófær Oddsskarð eða Fagridalur ? :o)
ÖLL DÝRIN Í SKÓGINUM EIGA AÐ VERA VINIR

[Þorsteinn Valur Baldvinsson, 22.2.2008 kl. 13:38]

Áslaug. Það liggur ekkert fyrir að Egilsstaðir séu besti kosturinn, en það liggur fyrir að staðsetningin er orðin trúaratriði frekar en metnaðarfull framtíðarlausn fyrir heildina.

Og varðandi öll dýrin í skóginum, verð ég að vísa á framkomuna við hreindýrin á Austurlandi.

[Hlynur (IP-tala skráð) 22.2.2008 kl. 15:33]

Nú, auðvitað hefur þetta með fortíðina að gera. Afhverju var sjúkrahúsið byggt og hvernig og afhverju er það staðsett þar sem það er? "sökum gamalla mistaka í staðsetningu, sem voru gerð vegna skorts á framtíðarsýn og í tilgangi atkvæðaveiða fortíðar"

Hva áttu stórhuga norðfirðingar að hugsa þegar þeim datt þetta í hug....""jááá förum uppá egilstaði eða reyðarfjörð og byggjum sjúkrahús, frábær hugmynd"!!!

Þú verður að pæla í því afhverju það er þarna, ég er ekki að segja að þetta sé besta staðsetningin, en hún er það að mörgu leyti. t.d mjög nálægt fiskimiðinum og sjónum!!(þegar allt er ófært í landi og lofti er hægt í versta falli að koma sjúklingum að á sjó)

Og væri ekki hálfgerð klikkun að fara að færa sjúkrahúsið uppúr þessu? Ég held að þetta verði alltí fína lagi þegar göngin góðu koma....ef þau koma

[Þorsteinn Valur Baldvinsson, 22.2.2008 kl. 15:54]

Hefðum kannski átt að halda okkur við gufuvélarnar Hlynur, þær komu á undan öðrum vélunum, alger óþarfi að halda áfram með einhverja þróun, svo var kolakyndingin líka á undan, kannski snúa sér að henni aftur.

Alltaf gott að vita um fortíðina, en alger óþarfi að vera huglægur fangi hennar endalaust, svo væri gaman að fá að vita fjölda þeirra sem komið hafa sjóleiðina til innlagnar á sjúkrahúsið undanfarinn ár.

[hallibjarna (IP-tala skráð) 23.2.2008 kl. 10:43]

Þetta er allt hárrétt hjá þér Þorsteinn. Sjálfur bjó ég um árabil bæði á Norðfirði og Héraði. Staðreyndin er sú að Austurland hefur setið eftir í ýmusm framförum, jafnt á heilbrigðissviði sem öðru vegna þess að alltaf ef einhver nefnir eitthvað sem horfir til betri vegar og framtíðar þá koma svona sjónarmið eins og sett hafa verið fram í athugasemdum hér. Það er allt gott að segja um stórhug Norðfirðinga varðandi sjúkrahúsið á sínum tíma og staðsetning þess kannski skiljanleg þá. Svo margt hefur breyst á hálfri öld að það á bara ekki lengur við núna. Til dæmis bara það að Norðfirðingum hefur fækkað stöðugt á sama tima og annarsstaðar hefur fjölgað.

[Þorsteinn Valur Baldvinsson, 23.2.2008 kl. 15:58]

Halli Bjarna. 

Virðist oft vanta að líta á Austurland sem eina heild, en ekki sem handfylli af hamstrabúrum sem öll eru að draga til sýn, án hugsunar um aðra.

Svo má líka minnast á gull glópana sem gleymdu sé í stórveldisdraumum dagsins, í stað þess að nýta tímann til að byggja upp framtíð.

Þar er ég að tala um Héraðsbúa, sem eru að rembast við að byggja nýja miðbæjarstrikið, en létu tjaldsvæðið og ferðamennina sitja á hakanum, og seldu líka Eiðar sem nú eru nánast að leggjast í eyði.

 Hvort ætli að gefi okkur meiri tekjur inn í byggðarlagið, ferðamenn eða skýjaborgir og mynnismerki stjórnmálamanna.

[Halli Bjarna (IP-tala skráð) 23.2.2008 kl. 18:08]

Sammála um glópagullið, sem nær þó lengra en á Héraðið. Þú gleymir Valaskjálf í þessari upptalningu. Tjaldstæðið er nú ennþá á sínum stað og undirbúningur fyrir nýtt stendur yfir. ég veit nú ekki hvort nokkuð er slæmt við að skipuleggja miðbæ á Egilsstöðum, hann kemur smátt og smátt bæði heimamönnum og ferðamönnum til gagnsþ Eiðar eru nú ekkert fámennari en verið hefur til þessa og fara ekki í eyði á meðan þú ert þar. Hitt veit ég manna best að Austfirðingar virðast aldrei ætla að verða ein heild og það stendur þeim fyrir þrifum í öllum málum.

[Þorsteinn Valur Baldvinsson, 23.2.2008 kl. 21:03]

Gott að skipuleggja framtíðaráform og hafa stefnu, en betra að nota meðbyr til að skapa tekjugrunninn sem á að standa undir þessum áformum framtíðarinnar.

Tjaldsvæðið á Egilsstöðum er fyrir löngu orðið of lítið, úrelt, sjúskað og aðstaða fyrir húsbíla nánast enginn, þarf að drífa upp nýtt nútíma svæði og gera út á ímyndina sem hefur verið, gott veður og náttúruvænt umhverfi.

Því miður hefur fækkað enn meira á Eiðum og fleiri en ég að fara þaðan.

Það virðist vera lögmál, að til sameina hóp fólks þarf að finna sameiginlegan óvin, eða annan þann hvata sem yfirvinnur gamlar væringar og andúð, Álverið og Kárahnjúkavirkjun voru svona hagsmunir sem sameinuðu meirihlutann til að þagga niður í efasemda röddum og standa saman á meðan markmiðinu var náð.

Efast um að Austfirðingar geti sest niður í bráð, og náð sáttum um að efla landshlutann enn frekar með ýmsum nauðsynlegum framkvæmdum, eftir síðustu útspil frá frammámönnum Fjarðabyggða, gagnvart nágrönum sýnum til allra átta.

Hefði verið gaman að sjá Seyðisfjörð, Borgarfjörð, Vopnafjörð, Héraðið allt,  Breiðdalsvík, Djúpavog og Hornfirðinga setjast niður og vinna saman að eflingu ferðaþjónustunnar, Fjarðabyggð skilar sér inn eftir 4 til 8 ár.

Held að heildstæð markaðssetning svæðisins, með allri náttúrufegurðinni og þeirri matarmenningu sem væri hægt að flétta inn í þetta, gæti gefið mikið til allra og verið gríðarleg lyftistöng fyrir svæðið.

[Hlynur (IP-tala skráð) 24.2.2008 kl. 22:30]

Ég sé ekki alveg samtenginguna hjá þér í því að halda áfram með gufuvélar og halda áfram með sjúkrahúsið á norðfirði. Eins og ég sagði hérna að ofan er neskaupstaður kannski ekki besta staðsetningin, en sjúkrahúsið er þarna og hvað er hægt að gera við því? Er hægt að færa það? Hvert yrði það fært og hver yrði kostnaðurinn? Yrði hann réttlætanlegur, ég veit það ekki. Upphaflega "commentaði" ég á þetta hjá þér afþví að mér líkaði ekki orðalagið sem þú notaðir (sem voru gerð vegna skorts á framtíðarsýn og í tilgangi atkvæðaveiða fortíðar )

Þetta er einfaldlega rangt hjá þér eins og þú myndir sjálfur komast að ef þú læsir sögu  

sjúkrahússins. Auðvitað myndi þessi staðsetning ekki verða valin í dag ef byggja ætti fjórðungsjúkrahús hér fyrir austan nú. En þeir sem vellta fyrir sér afhverju það er ekki á Egilstöðum þá er alltaf mjög gaman að minna héraðsbúa á að Egilstaðir sem bær var ekki til þegar þetta sjúkrahús byggðist upp heldur var þar aðeins tveir sveitabæir.

[Þorsteinn Valur Baldvinsson, 25.2.2008 kl. 09:59]

Hlynur.

Ég er að vísa til fortíðarhyggju og fortíðarþrár þeirra sem eru fastir í hjólfari vanans og hefðarinnar, þessi uppsetning þín á Neskaupsstað gegn Egilsstöðum, staðfestir bara sýn á málefnið í gegn um þröngt rör.

Sumir virðast bara ekki geta séð eða hugsað um annað en eigin hag, og neita að taka hagsmuni heildar fram fyrir eigin stundar hagsmuni.

Það er enginn að tala um að rífa þetta hús á Neskaupsstað, sem tæki samt líklega innan við mánuð að gera, heldur er verið að benda á að það þarf ekki endalaust að horfa á upphaflegu mistökin, sem lögmál sem ekki er hægt að breyta.