Er þetta ekki löglegt í dag

Er þetta ekki löglegt í dag, það eru kaupin á þjónustunni sem eru ólögleg, ekki salan.

Grunur um vændi

Athugasemdir

[corvus corax, 6.5.2008 kl. 09:50]

Bíddu nú aldeilis hægur! Síðan hvenær eru kaup á vændi ólögleg? Ég hélt að það eina ólöglega í sambandi við vændi hér á landi væri ef þriðji aðili hagnast á vændinu, þ.e. einhvers konar melludólgur eða "vændisútgerðarmaður".

[Ríkharður (IP-tala skráð) 6.5.2008 kl. 09:50]

Sæll

Eftir því sem ég hef skilið þetta þá er hvorugt ólöglegt. Það er eingöngu ólöglegt ef þriðji aðili hagnast á því.  Er þetta misskilningur hjá mér, ekki það að ég sé fylgjandi vændi í neinu birtingarformi

[Arngrímur (IP-tala skráð) 6.5.2008 kl. 10:22]

Kaup á vændi eru ekki refsiverð, þú ert að tala um "sænsku leiðina", er ekki hér á landi.

[Anna Einarsdóttir, 6.5.2008 kl. 18:29]

Síðasta ríkisstjórn, D og B, laumuðu vændisleyfi í gegnum þingið og ég er ekki frá því að þeir hafi hvíslað í atkvæðagreiðslunni svo enginn kæmist nú að því hvað þeir voru að bralla.  Þeir mölluðu upp furðulegar ástæður máli sínu til stuðnings... eitthvað um að allt yrði svo gott ef vændi væri uppi á borðinu en vont ef það væri falið í undirheimunum.  Mér er skapi næst að halda að einhverjir þeirra hafi verið í þörf fyrir svona þjónustu.  En kannski er ég bara svona illa þenkjandi ? 

Ég segi eins og einn bloggvinur minn........ PIFF ......og bæti svo við  frá mínu hjarta.....SVEI´ATTANN.

[Þorsteinn Valur Baldvinsson, 6.5.2008 kl. 20:28]

Ef bæði er löglegt að selja og kaupa vændi, á hverju byggðist þá handtakan, var hún lögleg

[Þorsteinn Valur Baldvinsson, 6.5.2008 kl. 20:35]

Kæra Anna

Veit að þér líkar þetta ekki, en svona svaraði ég í umræðu annarstaðar um daginn, stóð þá í þeirri meiningu að kaup vændis væru ekki lögleg, er núna í vafa um hvort sú ályktun hafi verið rétt, og vona að kaup vændis séu lögleg, ef engin annar en seljandin fær greitt. 

Vændi hefur fylgt mannkyninu frá upphafi og mun gera það áfram um langan tíma, sem betur fer er búið að lögleiða vændi á Íslandi og þyrfti að auka frelsi þeirra sem það stunda sem atvinnu enn meira,  en jafnframt að auka stórlega eftirlit með velferð þeirra og öryggi.

þægindahjónabönd finnst mér vera hægt að flokka undir vændi, engin ást er til staðar og sambúðin byggist á fjárhagslegu öryggi og vissu um að svölun kynhvatar fylgir með sem hlunnindi, í mörgum tilfellum yrðu viðskipti við vændiskonu/karl jafnvel til að auka lífsgæði margra og hamingju, því ástlaus sambönd eru kal á sálinni.

Blaðaviðtal við Danska vændiskonu um daginn, sem er að koma í sýna þriðju vinnutörn til Íslands, vakti athygli mína, hún segir Íslenska karlmenn mjög kurteisa og er ánægð með viðskiptin.

Lögleiðing vændis gerir þeim sem starfa við vændi kleift að leita til Lögreglu ef viðskiptavinir þeirra beita harðræði, því tel ég að vel sé hægt að koma í veg fyrir misnotkun vændiskvenna/karla með þessari viðurkenningu á starfsgrein sem er eins sú elsta í heiminum.

Ég tel það gæfuspor að leifa vændi og banna um leið starfssemi melludólga, hinsvegar tel ég að bann við kaupum á vændi sé bölvað rugl, með því er verið að búa til óþarfa brotaflokk, og Lögreglan hefur nóg annað að gera en eltast við einstaklinga sem eru að greiða fyrir löglega starfssemi, sem er þó bannað að kaupa.

Glæpalýðurinn gerir út stúlkur og drengi sem eru háð fíkniefnum, sem og fólk sem er lokkað með gylliboðum, neitt til að stunda vændi og beitt harðræði, nauðgað og misþyrmt.

Með því að gera vændi frjálst til að kaupa, er glæpalýðnum nánast gert illmögulegt að græða á vændi í stórum stíl, og löglega starfandi vændiskarlar/konur, munu örugglega hjálpa til við að uppræta misnotkunina, því það þjónar þá orðið þeirra hagsmunum.

Eftir baráttu við að banna vændi í hundraði ára, og eftir að hafa eitt gríðarlegum tíma og orku til þess, tel ég rétt að sættast við eðli og þarfir, koma skinsamlegri skipan á þetta og snúa okkur að raunverulegri glæpum, til dæmis baráttu við fíkniefnamarkaðinn og mansalið.

Öll þessi fíkniefnaneysla, sjálfsmorðstíðni og ofbeldi sem fylgi vændi í dag, minkar stórlega ef við hættum að ofsækja vændiskarla/konur.

[Anna Einarsdóttir, 6.5.2008 kl. 21:08]

Já Þorsteinn Valur.  Við erum ekki sammála þarna.  Mér hugnast bara engan veginn tilhugsunin um að maður geti keypt sér konu.  Þægindahjónaband er orð sem ég skil ekki....... skil ekki hvernig fólk getur sætt sig við að stunda kynlíf, sem þeim líður jafnvel illa með að stunda,  til að hafa í staðinn meiri eignir og peninga. 

Æ, það er svo margt sem ég skil ekki. 

[Þorsteinn Valur Baldvinsson, 7.5.2008 kl. 17:29]

Það eru ekki bara konur sem stunda vændi Anna, en ef fólk vill óþvingað selja aðgang að líkama sýnum til kynmaka, tel ég það einkamál viðkomandi, hvort sem mér hugnast það sjálfum eða ekki.

Finnst bara að við ættum að forgangsraða í baráttunni gegn glæpum, og hætta að þykjast geta leist vændi með banni, það hefur ekki gengið í þúsundir ára að banna lauslæti, og vændi er bara kapítalísk útgáfa af lauslæti.

Einbeitum okkur frekar að stríðum sem við getum náð árangri í, orustum sem eru um fjölda mannslífa en ekki bara kynlífshegðan, baráttunni gegn eiturlyfjunum og afleiðingum þeirra.

[Helga Guðrún Eiríksdóttir, 7.5.2008 kl. 20:03]

 *smirk*

[Anna Einarsdóttir, 7.5.2008 kl. 21:27]

Veist þú um einhvern/einhverja sem ætlar að verða vændismaður/kona, þegar hann/hún verður stór ?  Er einhvern sem dreymir um frama í þessari grein ?  Skoðaðu huga þinn vel.  Eru ekki kaupendurnir að nýta sér neyð annarra ? 

Þú gætir skrifað heilu ljóðabálkana og sagnfræðiritin, máli þínu til stuðnings kæri Þorsteinn, en þú færð mig ekki til að skipta um skoðun í þessu máli. 

Fallegar myndirnar þínar af himninum. 

[Þorsteinn Valur Baldvinsson, 7.5.2008 kl. 21:41]

Virði þína skoðun Anna, er bara að reina að sjá vitræna leið út úr aldargömlum ógöngum fortíðar, tekur greinilega tíma.

Sé að Helga Guðrún hefur húmor sem hæfir.