Nátttröll

Það er greinilegt að Pétur H Blöndal telur það vera verk langskólagenginna að sitja á Alþingi og efnahagslegur ávinningur eigi að felast í slíku.

Á Alþingi á að vera þverskurður þjóðarinnar en ekki aðalsfólk nútímans, á Alþingi á að vera fólk sem hefur hugsjónir og er tilbúið til að færa fórnir af sjálfu sér til að koma góðum málum í gegn.

Við höfum fengið reikninginn fyrir þingsetu atvinnumannanna sem voru að moka fé í flokkssjóðina í stað þess að setja samfélaginu lög eins og þeir voru kosnir til og því er kominn tími á að losna við atvinnufólkið af Alþingi.

Þingmenn sem eru orðnir nátttröll eiga að draga sig í hlé ef hugsjónareldurinn er slokknaður en það er rétt hjá Pétri að orðanotkun sumra á netinu er til skammar og segir meira um viðkomandi bloggara en þann sem um er fjallað.

Óbilgjarnt blogg í garð þingmanna

Athugasemdir

[jonthor (IP-tala skráð) 14.5.2009 kl. 10:53]

Er semsagt betra að hafa íþróttakennara, flugfreyju og Líffræðing til að taka ákvarðnair um efnahagsmál heldur en fólk sem er bæði þjálfað og menntað til þess?

Flestir þeir sem sita á þingi hafa hvorki menntun né reynslu til að taka ákvarðanir um efnahagsmál.  Þeir sem hafa setið lengst hafa einmitt enga þekkingu á því sem þeir eru að sinna.

Skoðaðu ráðherrana, hvaða menntun og bakgrunn þeir hafa.

kv.

Jón Þór

[Þorsteinn Valur Baldvinsson, 16.5.2009 kl. 08:07]

Alþingi er löggjafasamkoma en ekki banki, því miður virðast margir ekki skilja hvert verkefni Alþingis er í raun og rugla endalaust saman framkvæmda og löggjafavaldinu.