Hvað varð um stóryrðin Steingrímur

Mikið er nú gott að geta hörfað svona hratt á flóttanum með Heilaga Jóhönnu og Steingrím til að leiða flóttann.

Hvað varð um stóryrðin Steingrímur?

Hætt við málssókn gegn Bretum

Skömm þjóðar

Það er skömm fyrir þjóðir að grýta þá sem segja sannleika og vara við áföllum, það er skömm að beita einstaklinga endurteknu einelti fyrir það að þora að segja frá.

Það verður ekki glansandi minnisvarðinn um þá stjórnmálamenn sem réðust á sendiboðann sem færði viðvörunarorð og fréttir af komandi hörmungum, til að beina frá sjálfum sér athygli, já til að fela eigið ráðaleysi, hylja slóðina og ummerkin um hvað þeir voru að gera á meðan stuttbuxnaliðið skokkaði um heiminn með heila þjóð sem ábyrgðarmenn á óútfylltum víxil.

Sporin liggja úr sameiginlegum sjóðum þjóðarinnar til reksturs flokkanna, aðstoðarmanna þingmanna í atkvæðasmölun fyrir þingmenn á kostnað þjóðarinnar og digurra eftirlaunasjóða.

Það er skömm að horfa á Davíð hent fyrir ljónin til að skemmta og svala blóðþorsta lýðsins, það verður skömm sem þjóðin mun draga á eftir sér sem fangakúlu samviskunnar, og mun verða minnismerki um heigulshátt þeirra stjórnmálamanna sem benda og hrópa, til að forða og hlífa sjálfum sér frá athyglinni á getu og ráðaleysinu, þeirra sem fórna öllu fyrir sæti í klúbbnum.

Bjóði Davíð Oddson sig fram, mun ég í fyrsta skipti á ævinni kjósa Sjálfstæðisflokkinn.

Helgi Magnús: Davíð sendi bréf

Var svona mikil grunnhyggja ráðandi

Hvað er það sem veldur svona mikilli grunnhyggju og firringu, var virkilega engin farin að átta sig á blekkingunum.

Það er ótrúlegt að fólk hafi ekki vitað að fyrirtæki sem blása út eins og blöðrur án nokkurra raunverulegra eigna, annarra en uppreiknaðra eigna úr endurmati eldri eigna og gefinna forsendna um verðmæti  í viðskiptavild,  eða reiknaðra eigna í öðrum blöðrum sem eru álíka innantómar skelja.

Slík fyrirtæki sem lifa á væntingum og trú hluthafa frekar en eigin getu, hljóta að hrynja saman.

Það selur enginn mjólk ef engar kýr eru til að mjólka.

 

Hlutabréfaverði var haldið uppi

Svakalegt svínarí ef satt

 Hér er afrit af bloggi Ragnars Þórs Ingólfssonar, sem ég vill vekja athygli á.

Ég hef ekki leitað staðfestinga á þessu, en ef satt er þá er gott að þetta sé í umræðunni um siðferði.

6.2.2009 | 12:00

Blekkingar lífeyrissjóða

Það er óþolandi að horfa upp á blekkingar lífeyrissjóða.

Margir þeirra reyna vísvitandi að blekkja grandalausa sjóðsfélaga með tali um lítinn rekstrarkostnað, siðferði í fjárfestingum og heilindi í hagsmunagæslu fyrir hönd umbjóðenda sinna, meðan forstjórar og stjórnendur hugsa fyrst og fremst um eigið skinn og sinna nánustu valda-vina. Þetta er gert með vægast sagt villandi framsetningu á tölulegum staðreyndum.

Þekktustu dæmin eru villandi upplýsingar um rekstrarkostnað og ávöxtun þar sem sumir sjóðir setja fram himinháa rekstrartekjuliði til að lækka sýnilegan rekstrarkostnað og setja hann fram sem hlutfall af heildareignum. Blekkingarleikurinn felst einnig í því að setja fram gríðarlega velgengni í ávöxtun og taka sem dæmi 5 ára ávöxtun yfir mestu uppsveiflutímabilin í stað10-15 ára meðalraunávöxtunar sem nær þá yfir a.m.k. eitt niðursveiflutímabil. Undantekningarlaust er sú ávöxtun litlu hærri en meðalraunávöxtun verðtryggðra innlánsreikninga.

Svo er vísað til hinna ýmsu tryggingafræðilegu úttekta og útreikninga máli sínu til stuðnings svo að sjóðsfélagar skilji örugglega ekkert í því sem þeir eru að segja eða gera, heldur taki villandi upplýsingum sem heilögum sannleika.

Í ljósi þess að rekstrarkostnaður lífeyrissjóða á Íslandi er ekki undir 3 milljörðum ákvað ég að taka smá dæmi sem er beint úr ársskýrslum nokkurra sjóða.

Hér er dæmi um rekstrarkostnað nokkurra stærstu lífeyrissjóðanna.

	Rekstrarkostn.	Launakostn.	Stöðugildi	Forstj.laun
Lsj. starfsmanna ríkisins	815.281.000	245.000.000	38,4	19.771.000
Lífeyrissj. Verslunarmanna	424.426.000	269.000.000	27,5	30.000.000
Gildi lífeyrissjóður	367.750.000	188.373.000	23	21.534.000
Sameinaði Lífeyrissjóðurinn	237.346.000	135.463.000	16	16.768.000
Stapi Lífeyrissjóður	173.494.000	86.000.000	11,6	12.917.000
Stafir	153.420.084	94.290.790	10,5	19.048.011
Samtals.	2.171.717.084	1.018.126.790	127	120.038.011

Þetta eru 6 af 37 sjóðum sem taka við iðgjaldi. Hafa ber í huga að margir þeirra eru smáir og umsýsla þeirra er í höndum bankanna sem taka umsýslugjald fyrir.

Það er sorglegt til þess að hugsa hve miklu sjóðirnir hafa tapað án þess að koma hreint fram við sjóðsfélaga sína og opna bækur sínar og viðurkenna tapið.

Í staðinn eru viðhafðir endalausir feluleikir og talnaútúrsnúningar.

Rekstrarkostnaður sjóðanna er algerlega glórulaus í ljósi þess að fjárfestingar sjóðanna eru að upplagi nákvæmlega eins. Það er hreint með ólíkundum að ekki skuli vera búið að sameina og hagræða meira en raun ber vitni.  Til hvers er verið að reka alla þessa sjóði sem gera nánast það sama?

Það sem aðallega hefur staðið í vegi fyrir sameiningu sjóða er þríþætt:

1. Sjóðirnir standa misvel og hafa mjög mismunandi samtryggingu fyrir sína sjóðsfélaga, en þetta eru megin rök þeirra sem stjórna.

2. Sjóðirnir standa fyrir mismunandi hagsmunagæslu fyrirtækja, þ.e. sum fyrirtæki setja það sem skilyrði við ráðningu starfsfólks að það greiði í tiltekinn lífeyrissjóð sem hugnast viðkomandi fyrirtæki og veitir því t.d. aðgang að fjármagni. Enda eru Samtök Atvinnulífsins ráðandi afl í flestum lífeyrissjóðum.

3. Stjórnendur sjóðanna hafa öðlast gríðarleg völd og eru með valdamestu mönnum þjóðarinnar í viðskiptalífinu. Þessi völd verða ekki gefin eftir átakalaust, en í ljós hefur komið að hagsmunagæsla þessara aðila er í fæstum tilfellum í þágu eigenda, þ.e. sjóðsfélaganna.Aðeins brot af því rugli sem viðgengist hefur í sjóðunum hefur litið dagsins ljós. Fyrir vikið er  ekki skrítið að þeir verji sig með þessum hætti.

Tap sjóðanna er varlega áætlað að lágmarki um 40% -50% af öllum eignum.

Klíkustefna hefur viðgengist í fjarfestingum sjóðanna um áratugaskeið enda hafa sjóðirnir ákvörðunarvald um hverjir fá að eignast og reka fyrirtækin og hverjir ekki. Þetta ákvörðunarvald birtist m.a. í formi stjórnasetu í stærstu fjármálastofnunum landsins þar sem stjórnarmenn sjóðanna sitja í bankastjórnum og ráðstafa völdum til vildarfyrirtækja og vildarvina.

Þekkt dæmi um óheftan aðgang fyrirtækis að fjármagni úr sjóðum lífeyrissjóðs og banka í hans eigu, er dæmi Víglunds Þorsteinssonar eiganda og stjórnarformanns BM-Vallár og fyrrverandi stjórnarformanns Lífeyrissjóðs Verslunarmanna. Þetta væri ekki í frásögu færandi nema fyrir þær sakir að BM-Vallá hefur ekki skilað ársskýrslum til RSK síðan 1995, sem er jú grunnforsenda eðlilegra lánveitinga við mat á greiðslugetu og áreiðanleika fyrirtækja, fyrir utan að vera ólöglegt. Ætli þeir hafi verið beittir dagsektum fyrir vikið?

Dæmi um villandi framsetningu:

Stafir Lífeyrissjóður

Rekstrarkostnaður var aðeins 84,5 milljónir árið 2007

Bls. 4 í ársskýrslu Lífeyrissjóðsins Stafa frá árinu 2007

“Rekstrarkostnaður sjóðsins á árinu 2007 var 84,5 milljónir króna og lækkaði um

37,3 milljónir króna eða um 31% frá fyrra ári. Rekstrarkostnaður sem hlutfall af

iðgjöldum hefur því lækkað um rúmlega 2,3 prósentustig sl. 2 ár. Heildarkostnaður,

þ.e.a.s. rekstrarkostnaður að viðbættum fjárfestingagjöldum, lækkaði um 32,9

milljónir króna frá fyrra ári eða um 17,8%. Hefur þá að fullu verið tekið tillit til

sameiningarkostnaðar frá 2006. Á fyrsta heila starfsári sínu náðist því fram mikil

hagræðing og reyndar mun meiri en áætlanir gerðu ráð fyrir miðað við árslok

2007.” Sem hlutfall af eignum var rekstrarkostnaður aðeins 0,1%.

Hvernig getur rekstrarkostnaður verið 84,5 milljónir þegar launakostnaður er 94.3 milljónir ?

Sjóðirnir virðast búa til rekstrartekjulið á móti kostnaði til að blekkja sjóðsfélaga.

Rekstrarkostnaður sjóðsins á 10,5 stöðugildi var 153.420.084,-

Bls. 33 í ársskýrslu Lífeyrissjóðsins Stafa frá árinu 2007

Fjárfestingargjöld
Skrifstofu- og stjórnunarkostnaður .....................................  68.885.618

Rekstrarkostnaður
Skrifstofu- og stjórnunarkostnaður .....................................  84.534.466

Bls. 41 í ársskýrsla Lífeyrissjóðsins Stafa frá árinu 2007

Laun og launatengd gjöld greinast þannig:

Laun                                                                             79.313.976

Launatengd gjöld                                                            14.976.814

Samtals launakostnaður                                                 94.290.790

Laun og tengd gjöld sbr. ofar skiptist á milli rekstrarkostnaðar og fjárfestingargjalda.

Stöðugildi árið 2007 voru 10,5

Ólafur Sigurðsson, framkvæmdarstjóri var með 19.048.011 í laun.

Gildi Lífeyrissjóður.

Bls. 34
Fjárfestingargjöld:             

Skrifstofu- og stjórnunarkostnaður                  125.233.000
Rekstararkostnaður:

Skrifstofu- og stjórnunarkostnaður                  242.517.000

Rekstrarkostnaður samtals          367.750.000

Laun á 23 Stöðugildi.

Launatengd gjöld                                              188.373.000

Árni Guðmundsson, framkvæmdastjóri            21.534.000

LSR Lífeyrissjóður starfsmanna Ríkisins.

Rekstrarkostnaður LSR og SH  Bls. 50

Skrifstofu- og stjórnunarkostnaður     270.169.000

Annar rekstrarkostnaður                        9.502.000

Rekstrarkostnaður alls                  279.671.000

Fjárfestingargjöld

Skrifstofu- og stjórnunarkostnaður     187.331.000

Önnur fjárfestingargjöld                     348.279.000

Fjárfestingargjöld alls                   535.610.000

Samtals Rekstrarkostnaður      815.281.000

Bls. 78
Launakostnaður og fjöldi starfsmanna
Hlutdeild sjóðsins í heildarlaunakostnaði Lífeyrissjóða Bankastræti 7 nam 245 millj. kr. árið 2007. Hann skiptist þannig að heildarlaun voru 203,6 millj. kr. og launatengd gjöld 41,4 millj. kr. Stöðugildi hjá Lífeyrissjóðum Bankastræti 7 voru 38,4 á árinu 2007 og hlutdeild sjóðsins metin 35,3 stöðugildi.

17. Laun til stjórnar, framkvæmdastjóra og endurskoðenda

Heildarlaun til stjórnar og framkvæmdastjóra sjóðsins á árinu 2007 greinast þannig:

Ögmundur Jónasson, stjórnarformaður 2007 1.520.000

Birna Lárusdóttir 760.000

Eiríkur Jónsson 805.000

Gunnar Björnsson 775.000

Maríanna Jónasdóttir 1.186.000

Páll Halldórsson 802.000

Sigrún Valgerður Ásgeirsdóttir 760.000

Trausti Hermannsson 820.000

Varamenn í stjórn:

Elna Katrín Jónsdóttir 23.000

Ingvi Már Pálsson 46.000

Viðar Helgason 91.000

Þórhallur Vilhjálmsson 137.000

Samtals greiðslur til stjórnarmanna 7.727.000

Haukur Hafsteinsson, framkvæmdastjóri LSR og LH  19.771.000

 

Lífeyrissjóður Verslunarmanna.

Fjárfestingargjöld

Skrifstofu- og stjórnunarkostnaður . . . . . . . . . . . . . . . . . . . . . . 221.211.000

Rekstrarkostnaður

Skrifstofu- og stjórnunarkostnaður . . . . . . . . . . . . . . . . . . . . . . 203.215.000

Samtals Rekstrarkostnaður                                                        424.426.000

Launakostnaður                                                                          270.000.000

Þorgeir Eyjólfsson framkv.stjóri                                                     30.000.000

Stöðugildi eru 27,5

Ef veitt væru verðlaun fyrir mest villandi framsetningu gagna þá væri Þorgeir Eyjólfsson Íslandsmeistari.

Þorgeir Eyjólfsson forstjóri Lífeyrissjóðs verzlunarmanna:“Rekstrarkostnaður LV hefur ætíð verið með því lægsta sem gerist meðal lífeyrissjóða landsins og var til dæmis 0,05% í hlutfalli af eignum á árinu 2007”.

Eignir voru í árslok 2007 rúmir 269 milljarðar. Þá ætti rekstrarkostnaður 0,05% einungis að vera 135 milljónir. Þegar launakostnaður einn og sér er 270 milljónir getur þetta ekki staðist, enda gufar þessi raunkostnaður ekki upp í bókhaldstilfæringum, svo mikið er víst.

Hvað ætli Þorgeir sé með í laun sem hlutfall af þjóðarframleiðslu eftir skatta og afborganir lána ?

Líklega væri útkoman ekki mjög há.

Dæmi um villandi upplýsingar frá landsambandi lífeyrissjóða.

”Gjaldmiðlavarnarsamningar lífeyrissjóðanna hafa dregið úr sveiflum á gjaldeyrismarkaði.

Það er villandi að tala um að lífeyrissjóðir hafi tekið stöðu með krónunni og „veðjað“ á að hún myndi styrkjast þar sem ekki er hægt að aðskilja erlendu eignirnar og gjaldmiðlaskipta- samningana. Það er ennfremur beinlínis rangt að halda því fram að íslenskir lífeyrissjóðir hafi stundað spákaupmennsku með gjaldmiðilinn, þvert á móti hafa þeir stuðlað að sveiflujöfnun á innlendum gjaldeyrismarkaði, öfugt við spákaupmennsku sem stuðlar að ýktum sveiflum á gjaldeyrismarkaði.”

Grein Hrafns Magnússonar, framkvæmdastjóra Landssamtaka lífeyrissjóða sem birtist í Morgunblaðinu.

Ef það væru til viðurlög við rakalausum þvættingi þá væri Hrafn í afar slæmum málum.

Bankarnir gátu ekki veðjað gegn krónunni nema hafa einhvern til að veðja á móti.

Það þarf að lágmarki  tvo til að gera veðmál.

Kær kveðja

Ragnar Þór Ingólfsson.

Sama spillta sérhagsmuna liðið

Það eina sem hefur breyst er að nú berjast flokkarnir sýn á milli, vinstri sérhagsmunalýðurinn tekur alla af lífi sem tilheyra hægri sérhagsmunaliðinu, eftir situr þjóðin sem fær að borga fyrir endurskipulagningu sem miðast við að rétt flokksskýrteini sé forsenda stöðuveitinga.

Var þetta byltingin, var hún gerð til að bakka aftur til gamla aftökustílsins frá Stalín gamla, tíma hreinsana pólitískra óvina.

Er það virkilega enn í fullu gildi að  vera með innantóm loforð og bjóða kjúkling í hvern pot, án þess að hafa neinar lausnir á því hvernig á að borga fyrir kjúklinginn, gengur enn að gera svoleiðis hluti.

Vill þjóðin bara heyra fallegar sögur frá atvinnustjórnmálamönnum sem eru í vinsældakosningum, vill hún sofna aftur og missa af næstu kosningum, sem ráða úrslitum um það hvort við hendum út sérhagsmunaliði flokkana eða gefumst upp og gerumst ölmusafólk hjá ESB til allrar framtíðar.

Hvað ætli kosti að fljúga til Noregs eða Kanada

Pólitískar hreinsanir og ofsóknir

Ábyrg afstaða

Ég tek ofan fyrir Björgvin G. Sigurðsson viðskiptaráðherra, sem tekur táknræna ábyrgð og víkur til að skapa frið um uppbygginguna frekar en setja eigin frama og fjárhaga, framar þjóðarhag.

Það er eftirtektarvert að ungur Ráðherra tekur svona ákvörðun, en gömlu valdahundarnir sitja sem fastast, afneita eigin ábyrgð og naga sitt hagsmunabein af ákefð.

Með þessu opnar Björgvin fyrir endurkomu sýna því þeir sem játa eru fyrstir til að fá fyrirgefningu kjósenda, og listi með Björgvin innanborðs fælir ekki mitt atkvæði brott nema að flokkur fylgi.

 

 

Björgvin segir af sér

E.S.B. Draumurinn

Er ekki ESB Draumur Samfylkingarinnar, lönd hunangs og velsældar um alla framtíð.

Sé ekki að næstum 2.000.000 atvinnulausra í Bretlandi eða fasteignaeigendur í Danmörku sem hafa upplifað 50% verðfall, séu sama sinnis.

Sé ekki ástæðu til að gleypa fullyrðingar stjórnmálamanna sem enga ábyrgð bera á eigin gerðum sökum siðblindu, um að innganga í ESB sé gáfulegri en einkavæðingin var, sem við erum að borga fyrir núna.

Látum ekki tungufossa og fagurgala blinda okkur með glansmyndum, krefjumst sannanlegra raka í stað væntinga og óskhyggju um brauðmola sem gætu dottið að háborðum hins Evrópska aðals.

Þeir keyrðu okkur á hnén með efnahagslegu ofbeldi og nú vilja stjórnmálamenn að við förum á hnén og kyssum hönd eða skó, þeirra sem kúguðu okkur til að setja þrælaklafa skulda á börnin okkar.

Og þetta vilja þeir sem komu okkur í þrot með spillingu, aðgerða og dugleysi.

Fulltrúar flokkana, eða er ekki réttara að segja afkvæmi flokkana.

1,92 milljónir atvinnulausar í Bretlandi

ESB

Hélt að ESB aðild væri boðuð sem uppgangur og velsæld um alla framtíð

Fasteignaverð hrynur í Kaupmannahöfn

Ýkju fréttamenska

Samkvæmt fréttastofu RÚV segja vakthafandi læknar að þetta hafi ekki verið alvarleg meiðsl, trúi RÚV frekar en MBL, sem er farin að nota ýkjukennda fréttamennsku fram úr hófi,

Tveir lögreglumenn slasaðir

Virkilega hlutdræg fréttamennska og villandi

Þessi frétt er virkilega hlutdræg, villandi og ekki góðri fréttamensku sæmandi, þetta er líkara áróðri en féttamensku.

Þeim orðum mínum bendi ég á til stuðnings eftirfarandi orðalag úr frétt : Hart var barist milli meðlima Hamas hryðjuverkasamtakanna og Ísraelskra hermanna.

Fyrir mér er svona frétt ekkert nema hugsanalaus þýðing á áróðurstilkynningum annars aðilans, og í stað þess að láta lesandanum eftir að mynda sér skoðun út frá kinningu á sjónarhóli beggja deilenda, er annar aðilin kynntur sem hryðjuverkasamtök.

Morgunblaðið ætti að hafa meiri sjálfsvirðingu en þetta, og meiri metnað sem fréttablað.

 

Harðir bardagar í nótt