Góð frétt fyrir Akureyri og nágrenni

Til hamingju Akureyri, það munar um minna til styrktar sveitarfélaginu og atvinnulífinu.

Svo er bara að bíða eftir að skæruliðahreyfingarnar "Sól í Straumi og Landvernd" komi til skjalanna og reyni að hindra þetta, eins og annað sem horfir til framfara utan Stór Reykjavíkursvæðisins.

Vonandi ekki þörf að styrkari loftlínum til Akureyrar vegna aukningu á raforkunotkun, það eru ær og kýr, Sól í Straumi og Landverndar skæruliðana, að kæra loftlínur og tefja framkvæmdir.

Eiginlega sömu vinnubrögðin og voru á Alþingi, þegar menn töluðu svo klukkustundum skipti, til að tefja mál um nokkra daga, engum til gagns en öllum til ama.

Skildu þessir skæruliðar enn njóta opinberra styrkja.

60 störf fyrir verksmiðjufólk

Athugasemdir

[Haraldur Bjarnason, 25.3.2008 kl. 23:19]

Sammála þér að þetta séu góð tíðindi fyrir atvinnulíf við Eyjafjörð en kaupi ekki alveg það sem þú segir um það sem þú kallar "skæruliðahreyfingar". Ég held að full þörf sé á einhverjum svona samtökum til að standa aðeins á bremsunni, en vissulega hættir þeim á stundum til að fara of geyst. Það er nú bara eðli hugsjónamanna og þá sama á hvaða sviði þeir eru.- Þú nefnir loftlínur og ekki finnst mér þær fallegar og mér finnst að allt þurfi að gera til að minnka áhrif þeirra og helst að koma sem mestu í jörð. Auðvitað kostar það miklu meira en ég held við höfum vel efni a að setja stórfyrirtækjunum þau skilyrði. Við færum þeim svo mikið á silfurfati samt. Auk þess ætti öryggið í raforkuflutningum að vera margfalt með jarðfstrengjum, sem óháðir eru öllu veðri.

[Þorsteinn Valur Baldvinsson, 26.3.2008 kl. 16:44]

Það er þörf og nauðsyn á gagnrýni vegna framkvæmda, en líka á ábyrgum vinnubrögðum.

Ég er einfaldlega að vísa til endalausra kærumála frá þessum aðilum og vinnubragða sem eru ekkert nema misnotkun, nefni til dæmis Sól í Straum sem er að reina að etja sveitarstjórnar mönnum saman á Höfuðborgarsvæði og þar í grennd, til að hindra styrkari háspennulínur til Helguvíkur, þrátt fyrir að háspennulína sé til staðar nú þegar á sama stað, og allar framkvæmdir eru löglegar.

Það endar bara á því að menn fara að hætti Alþingis, og loka á kæruferlið, með sama hætti og gert var til að stoppa málþófið á þingi.

Temji menn sér ekki vandaðri og þroskaðri vinnubrögð, verða allar brýr brenndar að baki, og hvað þá.

Það er rétt hjá þér að hægt er að krefjast jarðstrengja, það er líka fyrirtækjunum í sjálfsvald sett að hætta við framkvæmd, hver kallar svo gasprarana til ábyrgðar þegar atvinnan er farin og eignirnar komnar á uppboð.