Hönnuð atburðarrás

Þetta virkað allt eins og hönnuð atburðarrás á mig, svona eins og undirbúningur fyrir innrásina í Írak á sýnum tíma, búið að hella endalausum hræðsluáróðri yfir þjóðina og svo kemur "rétt útkoma" úr skoðanakönnun og þá er hægt að leggja í hann.

Sjáum svo hvort óbragðið verður ekki bara meira og varanlegra, við inngönguna, en eftir innrásina.

 

67,8 vilja hefja undirbúning aðildarumsóknar

Athugasemdir

[Björn Heiðdal, 20.4.2008 kl. 12:14]

Það er auðvelt að plata fólk.  Fólk úr Samfylkingunni segir að það nenni ekki ræða um kosti og galla.  Þetta sé miklu frekar spurning um meðfædda trúarsannfæringu en eitthvað sem hægt sé að festa hönd á.

[Ólafur Þórðarson, 20.4.2008 kl. 12:21]

Áróður í einsleitum braskarastjórnuðum fjölmiðlum er stóra geimið í dag. Smáaurasparnaður á grísasteikum er agnið og flest erum við of upptekin við vinnu til að geta sest niður og vegið og metið hvað sé rétt eða ekki. 

[Jónas Tryggvi Jóhannsson, 20.4.2008 kl. 12:22]

Samfylkingin er búin að vera ræða kosti og galla aðildar síðan hún var stofnuð, þess vegna finnst mörgum þar vera nóg komið af því að andstæðingar reyni að segja að umræða hafi ekki farið fram. Bókin um hver samningsmarkmiðin ættu að vera frá Samfylkingunni er 8 ára gömul, og síðan hefur nær ekkert breyst nema að Landbúnaðarstefnan er orðin betri.

.

Það að sækja um, einsog þessi könnun vill, þýðir heldur ekkert aðild.. heldur aðeins að fá samninga til að gæta rætt aðild út frá staðreyndum, en ekki vera í þessum skotgrafahernaði að nota aðildasamninga annara þjóða sem rök á móti ágiskunum og uppkokkunum þeirra sem eru á móti. Það er því alveg sjálfsagt að undirbúa aðild, sækja svo um og fá þannig aðildarsamninga til að byggja umræðuna á.

[Þorsteinn Valur Baldvinsson, 20.4.2008 kl. 12:22]

Getur verið Björn

Finnst þörf á skýrum svörum um fullveldið og framsal valds, einnig hvort við getum bakkað út og þá hvort bakreikningur fylgir.

En rétt, þetta minnir ansi mikið á trúarbrögð

[Hjörtur J. Guðmundsson, 20.4.2008 kl. 12:24]

Hvers vegan breytti Fréttablaðið spurningunni? Mýkti hana aðeins? Venjulega spyr blaðið hvort fólk vilji að hafnar verði aðildarviðræður við Evrópusambandið, en núna var spurt hvort fólk vildi að hafinn verði undirbúningur að aðildarviðræðum við sambandinu. Mér dettur aðeins í hug að markmiðið hafi verið að auka líkurnar á stuðningi við undirbúning að aðildarviðræðum við ESB.

Hverju verður spurt að næst? Vilt þú að byrjað verði að huga að undirbúningi að aðildarviðræðum við Evrópusambandið? Og hvað felst í slíkum undirbúningi? Að koma efnahagsmálunum aftur í lag?

Gleymum síðan ekki að ef einhver ríkisstjórn hér á landi í framtíðinni tæki upp á því að sækja um aðild að Evrópusambandinu væri með því að lýsa yfir eigin getuleysi til að stjórna landinu og efnahagsmálum þess.

[Hjörtur J. Guðmundsson, 20.4.2008 kl. 12:27]

Jónas:
Það eruð nú þið Evrópusambandssinnar sem sífellt kvartið yfir því að engin umræða sé í gangi um Evrópumálin. Hefurðu ekkert verið að fylgjast með?

[Þorsteinn Valur Baldvinsson, 20.4.2008 kl. 12:30]

Hjörtur

Kannski er fólk einfaldlega að segja, að það hafi ekki trú á að innlendir stjórnmálamenn geti stjórnað landinu, séu of sokknir í úthlutun hlunninda til hvors annars, og eina leiði út sé uppgjöf.

[Hjörtur J. Guðmundsson, 20.4.2008 kl. 12:46]

Þessi könnun Fréttablaðsins, Jónas, kallar síðan ekki eftir því að sótt verði um aðild að Evrópusambandinu heldur aðeins að slíkt verði undirbúið. Þess utan hafa forystumenn innan sambandsins lýst því yfir að einhvers konar könnunarviðræður, til þess eins að kanna hvað sé í boði af hálfu þess, séu ekki í boði. Hugur verði að fylgja máli.

[Hjörtur J. Guðmundsson, 20.4.2008 kl. 12:50]

Þorsteinn:
Ef svo er þá er fólk í raun að lýsa því yfir að það hafi ekki trú á að við Íslendingar sem slíkir getum stjórnað okkur sjálfir, enda ljóst að ef þeir, sem nú stjórna landinu, eru ekki hæfir til þess liggur einfaldlega beinast við að velja einhverja aðra til verksins. Nema, eins og ég segi, að fólk telji að það fyrirfinnst einfaldlega ekki nokkur sála í þessu ágæta landi okkar sem getur séð um þau mál. Getur það staðist?

[Friðrik (IP-tala skráð) 20.4.2008 kl. 12:57]

Ef eitthvað flokkast undir blind trúarbrögð, þá finnst mér það nú frekar þetta blessaða fullveldi sem and-evrópusambandssinnar tala svo mikið um.

Haldið þið virkilega að míkróríkið Ísland sé fullvalda ríki sem þurfi ekki að 

taka tillit til annarra þjóða og utanaðkomandi áhrifa þegar við tökum hinar

ýmsu ákvarðanir, hvort sem þær eru um innanríkis eða utanríkismál?

Að auki erum við aðilar að EES, og þ.a.l. tökum við beint upp um 70% 

af allri evrópulöggjöf.... án þess að hana nokkuð til málanna að leggja

við gerð hennar!

Held að þig ættur nú að kynna ykkur hugtakið fullveldi aðeins betur 

áður en notið það svona í áróðursskyni.... Óháð því hvort að ESB aðild 

sé æskileg eða ekki.

Furða mig reyndar á því hvað sumir sjá ESB sem einhvert logandi helvíti,

er kjósendum á íslandi ekki treystandi til að taka afsöðu um aðildarsamning?

Er ekki bara upplaggt að leggja lýðræði líka niður í leiðinni.  Aldrei að vita

nema þessir blessaðir kjósendur kjósi fullveldið frá sér! 

[Þorsteinn Valur Baldvinsson, 20.4.2008 kl. 13:08]

Hjörtur

Held að tapað traust á stjórnmálamönnum spili stórt hlutverk, verk þeirra í þágu eigin hagsmuna hræða, ásamt fullyrðingum ýmissa manna í viðskiptalífinu, um upptöku evru og aðild að E.S.B.

[Fannar frá Rifi, 20.4.2008 kl. 18:03]

Samfylkingingarmenn og konur eru upp til hópa aumingjar þegar það kemur að ESB. já ég segi Aumingjar. Afhverju?

Nú fyrir síðustu kosningar var öll umræða um ESB sleginn af borðinu og hún átti ekki að vera á dagskrá næstu fjögur árinn. en um leið og það þarf ekki lengur að spyrja kjósendur eru kratarnir farnir af stað til þess að framselja fullveldi þjóðarinnar.

Jón Sigurðsson snýr sér í gröf sinni. Að Íslendingar vilji ganga Forseta ESB á hönd.