Að kaupa atkvæði með áfengi

Mikið svakalega hlýtur Samfylkingin að vera stolt af ungliðahreyfingunni, sjá þessa slóð: 

http://www.facebook.com/profile.php?id=1089624717#!/event.php?eid=117038318336078

Ungir Jafnaðarmenn í Reykjanesbæ bjóða til veislu í tilefni að prófin eru búin og opnar húsið klukkan 22:00.

Uppistandarinn Arnar Ingi, sem hefur slegið í gegn undandarið, verður með uppistand auk þess sem einn besti trúbador Íslands, Helgi Valur, stígur á stokk.

Dj Atli Már sér svo um að spila bestu tónlistina fram á rauða nótt!

Ungir Jafnaðarmenn bjóða upp á ískaldann bjór frá opnun og á meðan birgðir endast.

Endilega látið sjá ykkur og fagnið próflokunum með Ungum Jafnaðarmönnum á Halanum um helgina.

 Það er gæfulegt að vita til þess að stjórnmálaflokkar sem hirða hundruð miljóna stuðning úr ríkis og sveitarsjóð, skulið nýta fjármunina til að hella áfengi í ungt fólk, er málefna staðan svona slæm?

Dómskerfi sýndarmennskunar

Gefin er út handtökuskipun á Sigurð Einarsson af Interpol og blásinn upp í fjölmiðlum sem og á netmiðlum, handtökuskipun sem er eingöngu gild á Íslandi.
Þetta er sem sagt spuni til að draga athyglina og þrýstingin ofan af stjórnmálastéttinni og það hefur tekist.

Sigurður ræður breskan lögmann

Um kaupleigur og þeirra vinnubrögð

Vill vekja athygli á þessari grein:
http://thordisb.blog.is/blog/thordisb/entry/1054379/?fb=1

Gæfuspor fyrir Austurland

Sameining allra sveitarfélaga á Austurlandi yrði mikið gæfuspor fyrir flest alla íbúana og þar af leiðandi fyrir öll sveitarfélöginn.
Eftir mikla uppbyggingu einstaka sveitarfélaga umfram skinsemi og nánast stöðnun annarra á undanförnum árum, er ljóst að of mikil nálægð kjörinna fulltrúa er ekki alltaf til góðs og skort hefur yfirsýn á heildarmyndina.
Bæði Fjarðabyggð og Fljótsdalshérað virðast hafa gert ráð fyrir að flest allir starfsmenn álvers, myndu vera aðfluttir og kaupa sér nýtt húsnæði á staðnum.
Hvorugt sveitarfélagið virðist hafa haft mikið samráð við hitt um uppbygginguna né virðist hafa verið gerð könnun á raunverulegum vilja væntanlegra kaupenda.
Þú getur rekið hestinn að vatnsbólinu en ekki neitt hann til að drekka.
Í gleði framkvæmda og uppbyggingar og með drifkraft græðginnar, var ráðist í gatnagerðaframkvæmdir umfram þörf og fjármagnað með lánsfé.
Þetta lánsfé er nú að sliga sveitarfélöginn og að fangelsa fasteignaeigendur í illseljanlegum eigum um ókominn ár.
Eigum sem rýrna í verði og skerða þar af leiðandi eigið fé eigendanna sem í mörgum tilfellum líta á þessar eigur sem sinn lífeyrissjóð til framtíðar, eigum sem bera sífellt hærri opinber gjöld til að standa undir afborgunum sveitarfélagana af lánsfénu, samhliða öðrum skatta hækkunum á íbúana.
Önnur sveitarfélög eru sem fangar fátæktar og föst í stöðnun vegna lækkandi tekna og gamalla skulda eða vonleysis.
Stundum er sagt að eins dauði sé annars brauð.

Í þessu tilliti er svo ekki því samfélagið er svo samtengt þvert á öll sveitarfélagamörk, við erum flest öll nátengd ættar og hagsmunaböndum sem er bæði okkar veikleiki og styrkur.
Sem betur fer eru enn til sveitarfélög sem standa vel en þeirra örlög eru svo nátengd hinum að þeirra framtíð er frekar döpur að sjá.
Með sameiningu allra í eitt er framtíð austurlands sem eins sveitarfélags björt og öllum til hagsbóta.
Að sjálfsögðu munu einstaka hagsmuna aðilar sjá sameiningu allt til foráttu enda fyrirséð að þeir sem telja sig hafa hag af óbreyttu ástandi verða á móti
en fólk verður að horfa fram á veginn og ganga hann með reynslu fortíðar sem vegnesti.
Sameinað sveitarfélag mun verða Austurlandi gæfu og vegsauki, en áframhaldandi sundurlindi og þröngsýni mun reynast öllum þungur baggi að bera.
Tækifærin sem svona stór sameining skapar eru svo yfirgnæfandi yfir ókostina að þetta er bara spurning um tíma, og allur dráttur á sameiningu er sem tapaðir fjármunir fyrir okkur íbúa Austurlands.
Nú í aðdraganda kosninga til sveitarstjórna skulum við íbúarnir gera frambjóðendum ljóst, hvaða verkefni við felum þeim að vinna og höfum þar sameiningu sveitarfélagana sem þeirra fyrsta verkefni.

Viðræðum um sameiningu hætt

Valdi á að fylgja ábyrgð

Fljótsdalshérað hefur verið til sérstakrar skoðunar af hálfu eftirlitsnefndar með fjármálum sveitarfélaga.

Er ekki rétt að frambjóðendur í sveitarstjórnakosningunum svari því hvernig þeir vilji leysa vandan og þá sérstaklega þeir sem skuldsettu sveitarfélagið niður á hnén, síðasta kjörtímabil.

Kjósendur þurfa að hafa hugfast að það eru enginn viðurlög við því að keyra framtíð sveitarfélags inn í skuldaklafa, og festa íbúa þeirra í átthagafjötra vegna óseljanlegra eigna sem munu bera hæðstu álagningu opinberra gjalda til að borga skuldir, sem sveitarstjórnarmenn stofnuðu til í umboði kjósenda og sendu framtíðinni, sú framtíð kemur fyrr en varir.

Það er því rétt fyrir kjósendur að vanda valið og kjósa ekki eftir ætterni eða orðaflæði, heldur spyrja sjálfa sig hvort þeir treysti viðkomandi flokk eða framboði til að fara með óútfylltan víxilinn sem þeir afhenda undirritaðan sem ábyrgðamenn á kjördag og fá í hendur kjörnum fulltrúum, því það eru þessir kjörnu fulltrúar sem skrifa inn upphæð víxilsins og senda á framtíðina.

Þetta á að sjálfsögðu ekkert endilega við um þennan framboðslista, þetta á við um alla framboðslista í öllum sveitarfélögum.

Framboð Á-lista á Fljótsdalshéraði

Ofar lögum eða hvað

Geta starfsmenn þjóðkirkjunnar valið sér lög til að fara eftir, hvaða rugl er þetta.

Það á tafarlaust að skera þetta kýli burt af ríkisspenanum og svo geta dómstólarnir séð um að afgreiða laga hliðina ef lög eru ekki virt.

Viðbrögð kirkjunnar komu ekki á óvart

Hættið ríkisstyrkjum strax

Þetta er yfirgengilegt, þetta eru hálaunaðir ríkisstarfsmenn sem eru menntaðir í Háskóla Íslands, launaðir af skattfé, og eru svo að röfla um það á launum hvort þeir eigi að fara eftir fyrirmælum löggjafavaldsins.
Hættum ríkisstyrkjum strax og gerum þetta upp, það er ekkert mál að styrkja net félagsráðgjafa sem og annarra opinberra starfsstétta til að yfirtaka þessi störf sem prestar hafa annast, þeir geta svo sinnt sínum trúarlegu störfum á eigin kostnað sem og á framfærslu hinna trúuðu sem eflaust munu efna til samskota.

Fyrir mér er þetta starfsmanna vandamál sem taka verður á af festu, því frumskilda allra launamanna er að fylgja löglegum fyrirmælum yfirmanna og ef það er ekki gert er uppsagnaréttur starfsmanns enginn.

Tóku ekki afstöðu

Sterkur brotavilji

Þessi ríkistjórn ætlar sér að þvinga þjóðina inn í ESB þvert á vilja hennar, valdhrokinn og yfirgangurinn er líkari hegðun brotamanna en kjörnum fulltrúum almennings.

Of lengi hefur þessi þjóð látið fólk komast upp með að segja eitt í aðdraganda kosninga og gera svo annað eftir kosningar, voru Vinstri Grænir ekki á móti ESB aðild fyrir kosningar en sviku svo kjósendur næsta morgun.

Vinstri grænir þáðu kannski engar greiðslur(buðust það ekki),en er þeirra siðferði eitthvað betra en Samspillingarinnar sem hámaði í sig mútufé, telst það í lagi að blekkja kjósendur til fylgis við sig og leyna áformum sem lygamörður.

Sterkur brotavilji er það kallað er einhver er nánast staðráðin í að brjóta af sér og mér finnst flokkarnir hafa unnið til þess titils, að vera flokkar sem hafa sterkan siðferðislegan brotavilja.

Sárt finnst mér að sjá hvað Íslenska stjórnmálastéttin virðist vera mikið mönnuð af kjarklausum einstaklingum sem virðast nánast siðblindir, hræddir við að bera ábyrgð á gerðum sýnum og tilbúnir að leggjast lágt í mannlegri reisn til að halda stöðum sem stólum gegn vilja kjósenda sem þeir kalla lýð á milli kosninga.

Það verður enginn sátt eða friður fyrr en nýjar þingkosningar hafa farið fram og afsagnir kostaðra þingmanna hafa átt sér stað, friður byggist á trausti.

Stjórnendur fyrirtækja andvígir ríkisstjórninni

Skýr forgangsröðun

Það er greinilegt að skýr forgangsröðun er hjá flokkunum og mikilvægustu málin sett fremst í röðina.
Það er að segja hagsmunir flokksins á undan þjóðinni.

Upplýsingaskylda frambjóðenda í forsetakosningum

Hugsum til framtíðar

Flutningur vélana er rökrétt ákvörðun, en að vera ekki búin eð byggja upp varanlega aðstöðu á Akureyri sýnir hina miklu þröng og skammsýni sem Landhelgisgæslan og fleiri hafa búið við í uppbyggingu aðstöðu.

Hér er ég að tala um þessa firru að halda að ekkert geti komið fyrir Reykjavíkursvæðið sem er á öflugu eldgosa og jarðskjálftasvæði.

Hvar er varastaðsetning fyrir Neyðarlínu, Samhæfingarmiðstöð Almannavarna, Landhelgisgæslu og svo ekki sé talað um það sem mestu skiptir, hvar verður hátæknisjúkrahúsið nýja byggt og hvert á að fara þegar það lokast.

Ég skrifa þegar vegna þess að það mun lokast einn daginn, ekki endilega vegna þess að eldgos eða jarðakjálfti verður heldur getur fjölmargt annað lokað Hátæknisjúkrahúsi eins og til dæmis veirusýking ofl slíkt.

Það er sorglegt að heyra aldrei af æfingu á virkjun stjórnstöðvar á Akureyri eða verða var við einhverja fyrirhyggju varðandi öryggi höfuðborgarsvæðis.

Ég legg til að stórslysaæfing verði sett upp fyrir rýmingu höfuðborgasvæðis og Reykjanesskaga, æfa hvernig bregðast eigi við framtíðar lokun á því svæði.

Sýnum fyrirhyggju og skiptum Hátæknisjúkrahúsi í tvennt svo öll eggin séu ekki í sömu körfu þegar illa fer.

Farþegaskipið Titanik gat ekki sokkið, sögðu sjálfumglaðir menn.

Flugvél og þyrla Gæslunnar færðar á Akureyri