Félagslegt húsnæði málað

Fallegt af þingmönnunum að mála félagslegt leiguhúsnæði fyrir sveitarfélag á Grænlandi, það er gott fyrir sveitarfélög á Íslandi að vita af þessum vilja til að taka til á lóðum og mála hús sem eru í félagslega leigukerfinu.
Ég bíð spenntur eftir fréttum og myndum af þessum þingmönnum mála hin ýmsu hús í framtíðinni og alveg óþarfi að ríkið sé að greiða flug fyrir þá til annara landa.
Það er hægt að fá meira fyrir peningana með því að ráða bara málara á viðkomandi stað í verkið og spara fargjöldin.
Mikið afskaplega liktar þetta mikið af sýndarmennsku þeirra sem eru að selja ímynd til kjósenda.

Þingmenn máluðu húsið

Bulluskrúfa

Orðið bulluskrúfa var oft notað um krakka sem bulluðu mikið hér áður fyrr, Össur hefur aldrei vaxið upp úr því og þvaðrar oft tóma vitleysu upphátta.
Það er sagt að margir virðist viskumiklir á meðan þeir þegja en Össur ýmist bloggar eða segir upphátt hluti sem koma upp um alla viskuna sem hann lumar á.
Þetta er utanríkisráðherra Íslands og óska ég kjósendum hans til hamingju.

Aukinn stuðningur við aðild

Hreinskilni

Það er sorglegt þegar að erlendir þingmenn sýna sjálfstæði Íslendinga meiri virðingu en okkar eigin mútuþægu þingmenn.
Ég virði þennan þingmann fyrir hreinskilnina og heiðarleikann en skammast mín fyrir mína eigin samlanda sem ljúga sig inn á þing.

Ekki ganga í ESB!

Frjósi fyrr í helvíti

Fyrir mér er það landráð að standa í þessum viðræðum og svik við þjóðina sem aldrei hefur samþykkt þetta.

Það er verið að þvinga okkur inn í ESB með svikum og undirferli og fyrr frýs í helvíti en ég sætti mig við það þögula valdarán sem hér er verið að framkvæma.

Aðildarviðræður sem fyrst

Skilyrði fyrir innihaldsríku lífi

Níu skilyrði fyrir innihaldsríku lífi 

Heilsan sé nægilega góð til að vinnan sé ánægjuleg.

Fjárráðin séu fullnægjandi til að sjá fyrir þörfum þínum.

Styrkur til að sigrast á erfiðleikunum.

Göfuglyndi til að játa yfirsjónir og vinna bug á þeim.

Þolinmæði til að vinna sleitulaust þar til árangri er náð.

Mannkærleikur sem fær þig til að sjá hið góða í öðru fólki.

Elska sem knýr þig til góðra verka öðrum til hagsbóta.

Trú sem gerir Guðs ætlunarverk að raunveruleika.

Von sem fjarlægir allar áhyggjur um framtíðina. 

Svo mælti Johann Wolfgang von Goethe 1749-1832 

Gott mál en skítalykt flokkshagsmuna loðir við

Góð verk ber að lofa og þetta er slíkt verkefni, en tímasetningin daginn fyrir kjördag sveitarstjórnakosninga virkar á mig sem skítalykt flokkshagsmuna sé látin loða við þarft og gott verkefni.
Ég hélt að menn væru kannski að átta sig á viðhorfs breytingum í samfélaginu.
Hvað sem því líður þá er verkefnið sem súrefni fyrir kafnandi samfélag.

30 hjúkrunarrými á Egilsstöðum

Ábyrgð þeirra sem kjósa

Hún kemur nú í ljós, ábyrgðin sem hvílir á kjósendum þeirra flokka sem eru í ríkisstjórn.
Það voru þeir sem veittu Samfylkingu og Vinstri Grænum það brautargengi sem þurfti til að ná völdum, söluræðurnar og hræðsluáróðurinn virkaði hjá þessum flokkum til að komast í stólana kæru sem hafa verið falir til styrkþega.

Meirihluti þjóðarinnar kaus þessa flokka af frjálsum og fúsum vilja og við eigum þetta því skilið, en ég finn til með þeim þúsundum sem þjást og mun svíða undan kosningasvikunum um skjaldborgina.

Nú göngum við til sveitarstjórnakjörs og þeir sem þar ná kjöri þar geta gert það sem margir hafa nú þegar gert hjá sveitarfélögum landsins, þeir geta skuldsett sveitarfélöginn svo mikið að fasteignir verða verðlitlar og ill seljanlegar til framtíðar vegna þess hvað álögur verða miklar, því það eru íbúar sveitarfélaganna sem borga reikningana fyrir rest.

Það er því mikil ábyrgð sem fylgir hverju atkvæði og því rétt að vanda valið eða skila auðu.

Betra er autt sæti en illa skipað.

Heimili undir hamarinn

Tekin með hagsmuni Samfylkingarinnar að leiðarljósi

Jæja, það er þó skýrlega tekið fram að það eru hagsmunir flokksins sem réðu þessu en eiðurinn sem þingmenn sverja að stjórnarskrá og siðferðið var ekki að þvælast fyrir.
Mikið sefur maður nú betur þegar það er skýrt tekið fram, að flokkshagsmunir eru ofar öllu innan Samfylkingarinnar eins og hjá öðrum flokkum landsins.

Setur þrýsting á aðra

Til hamingju Steinunn með að sýna kjark

Það er gleðilegt að hún Steinunn tekur þetta skref og það er virðingavert þegar fólk hefur kjark til að breyta rétt.
Hvar eru hinir hugumstóru karlmenn sem þessu þora, það fer lítið fyrir kjark þeirra karlmanna sem við miljónum tóku en konurnar þora.
Stattu að baki mér skræfa geta þær konurnar nú sagt við Guðlaug Þór og hina kappana sem eru að sanna sig sem kjarklausa hálfgildings karlmenn.

Fékk 12,7 milljónir í styrki

Ekki aftur

Hvað er að?
Fyrst er gefin út handtökuskipun á Sigurð Einarsson fyrir Íslendinga af Interpol, handtökuskipun sem er svo ekki gild annarstaðar en á Íslandi og svo kemur þetta mál sem þarf að höfða erlendis af erlendum lögmönnum vegna lélegrar löggjafar á Íslandi, sem vekur spurningar um hæfi löggjafans í gegn um árin.
Hér verður víst ekki um aðfarahæft mál að ræða.
Á nú enn og aftur að endurtaka klúðrið sem einkenndi málaferlin gegn Baugs feðgum, hvað er að hjá ákæruvaldinu á Íslandi.

Dómur sem fellur í Bandaríkjunum ekki aðfararhæfur