Saklaus þar til sekt er sönnuð

Man engin eftir þessum grunni réttaríkisins, saklaus þar til sekt er sönnuð.
Getur einhver sagt mér hvað Jóhannes hefur gert og rökstutt eða sannað sekt hans.

Ég er ekki að óska eftir órökstuddum fullyrðingum og upphrópunum, heldur rökum, vísun í lagagreinar sem Jóhannes hefur brotið og vísun í skjalfestar sannanir eða trúverðug vitni til að staðfesta brot.

Ég þekki þennan einstakling ekkert en veit að eitt fyrirtækja hans Bónus, hefur verið okkur fyrir austan betri kjarabót en allir kjarasamningar undanfarin áratug og ef þessi lágvöruverslun hyrfi héðan væri illa komið.

Hverjir eru Jóhannesi reiðir, eru það heildsalarnir sem hann hefur pínt eða samkeppnisaðilarnir sem hann hefur sigrað, er það láglaunaður almúginn sem hann hefur styrkt með lágu vöruverði og árlegum miljónastyrkjum til mæðrastyrksnefndar árlega.

Ef Jóhannes hefur engin lög brotið, er þá ekki rétt að kalla þá sem lánuðu fé til fyrirtækja hans til ábyrgðar á gjörðum sínum.

Mér leiðist að horfa á nornaveiðar, er ekki stjórnendum sjóða vel greitt vegna þeirra miklu ábyrgðar.

Er ekki ráð að kalla þá til ábyrgðar og hætta að níða duglegan kaupmann.

80% vilja ekki Jóhannes í Bónus

Taka verður á vandanum, ekki bara fresta

Í aðdraganda kosninga 2009 var mikið talað og malað um skuldir heimilanna, þær eru enn að aukast þó mörg fögur orð hafi verið sögð af frambjóðendum til að afla fylgis.

Margoft áréttaði ég á framboðsfundum að það yrði að taka á þessu með afgerandi hætti í stað skyndilausna sem frestuðu bara vandanum.

Við nauðungarsölu á fasteign fara fram afskrift á áhvílandi skuldum sem eru umfram mat á söluverði fasteignar á almennum markaði, því er það ekki annað en tímaspursmál hvenær slíkar afskriftir verða gerðar á skuldum þúsunda heimila

Það þarf að grípa inn í fyrirséða atburðarás með lagasetningu sem færir ráðgjafamiðstöð heimilanna vald til að skipa skiptastjóra til handa hverjum þeim eiganda fasteignar (ekki fyrirtækjum) sem eftir því óskar og ráðgjafamiðstöð heimilanna hefur metið greiðslufæra.

Slíkur skiptastjóri ætti að hafa vald til að kalla saman veðhafa og framkvæma þessar afskriftir með lokuðu uppboði á viðkomandi fasteign, þar sem til hliðsjónar yrði haft raunmat á verðmæti eignarinnar. Að þessu loknu yrði fyrri eiganda fasteignar gefin kostur á forkaupsrétt og 36 mánaða leigðu/keyptu fyrirkomulagi, þar sem leiga yrði metin að hluta til sem útborgun.

Einstaklingar sem lent hefðu í alvarlegum fjárhagsáföllum fengju því að búa áfram í sinni íbúð og gætu keypt hana aftur, en væru jafnframt búnir að fá afskrifaða alla yfirveðsetningu.

Fari sem horfir er gert ráð fyrir að þúsundir heimili fari fljótlega í greiðsluþrot sem þýðir sundraðar fjölskyldur og brotnir einstaklingar, persónuábyrgðir vina og vandamanna hafa spunnið vef samábyrgðar í samfélaginu sem mun valda meiri sundrungu í samfélaginu en nokkurt fé fær bætt, slíkum hamförum verður að forða með skipulögðum hætti og langtímalausnum í stað skyndilausna.
Fjárhagslegt uppgjör sem byggir á staðfestri greiðslugetu einstaklinga og á raunverðmæti fasteigna er framtíðarlausn.

Án vonar um viðreisn mun fólk gefast upp eða yfirgefa landið, og eftir sitja verðlausar lánastofnanir með verðlitlar fasteignir í fátækari samfélagi sundrungar og hnignunar.

Tekjulágir bera stóra byrði heildarskulda heimila

Hættum Schengen þátttöku

Svar dómsmálaráðherra er villandi því ekki er gert ráð fyrir að viðhalda samstarfi við aðildarríkin í formi upplýsingagjafar, né er tekin með í reikninginn tjónið og skemmdirnar vegna glæpalýðsins sem hingað hefur flætt og flutt út þýfi í gámavís.
Það er nóg til að brotafólki hér á landi nú þegar og við þurfum ekki aðstoð brotamanna erlendis frá eins og yfirfull fangelsi landsins vitna um.
Að auðvelda erlendum skipulögðum glæpasamtökum að ná fótfestu hérlendis er glapræði sem mun hefna sýn grimmilega í formi aukinnar fíkniefnaneyslu ungs fólks sem mun grípa til vændis og annarra afbrota til að fjármagna neysluna.
Að nánast galopna landamæri á sama tíma og löggæsla er skorin niður er glapræði.
Ísland er ein af fáum löndum heimsins þar sem hægt er að tryggja öryggi án mikils tilkostnaðar vegna staðsetningar landsins í miðju Atlantshafinu.
Er ekki nær að byggja hér upp öruggt, hlutlaust svæði utan bandalaga svo deiluaðilar heimsins hafi kost á griðastað til að leita leiða til sátta.

Schengen hefur reynst vera okkur til bölvunar, bökkum út áður en það er of seint.

Landamæraeftirlit ekki til bóta

Hópslys á austurlandi

Þegar þetta er skrifað eru fréttir óljósar en ég vona að engin sé alvarlega slasaður, ástæða skrifanna er til að vekja athygli á því að flytja verður slasaða til Neskaupsstaðar og þó flug hálka sé er fært þangað núna, ef einhver er illa slasaður þarf sjúkraflug til Akureyrar frá Egilsstaðarflugvelli.

Hér er mynd sem sýnir ástandið á vegakerfinu núna og það hefði geta verið verra.

Er ekki ráð að endurskoða heildarmyndina varðandi staðsetningu staða sem geta veitt skyndihjálp á Íslandi og fara að vinna með heildarmyndina í huga í stað þess að byggja eitt stórt hátæknisjúkrahús í Reykjavík en fjársvelta um leið landsbyggðina og þar með tel ég Reykjanesskagann.

Oft er talað um að heimskur maður setji öll eggin í sömu körfuna og sú speki kemur mér oft upp í huga varðandi hátæknisjúkrahúsið sem reist er á hugsanlegu svæði  eldgosa og jarðskjálfta, í stað þess að halda því sem til er gangandi, og reisa tvö minni hátæknisjúkrahús í sitt hvorum landshlutanum.

Níu fluttir á sjúkrahús

Framfara spor eru lofsverð

Það er gott ef fólk leitar saman að lausnum og betur sjá augu en auga, þetta framtak íbúa á Álftanesi er til fyrirmyndar og ætti að vera öðrum íbúum skuldsettra sveitarfélaga fyrirmynd til eftirbreytni áður en fleiri sveitarfélög verða komin í sömu stöðu.

Hér á austurlandi virðist vera víða brostin á flótti úr röðum sveitarstjórnarmanna sem tóku lán og fjárfestu duglega í góðærinu þannig að núna þegar þörf er á að ráðast í framkvæmdir til að halda atvinnulífinu gangandi eru nánast allir sjóðir tómir og skuldsetningin að verða slík að verkefni næstu sveitarstjórnar er að skera niður inn að beini til að lifa út næsta kjörtímabil.

Framfara spor eru lofsverð og viðbrögð íbúa á Álftanesi tel ég vera leiðbeinandi um hvernig ber að bregðast við vandanum sem er framunda, það nefnilega besta lausnin að fá væntanlega greiðendur lánanna til að taka þátt í niðurskurði útgjalda og forgangsröðun verkefna.

Íbúar Álftaness búnir að fá nóg

Vinnubrögð Stasi

Ef vinnustaðaskírteinin verða notuð sem þvingunartæki fyrir stéttarfélöginn er komin upp Íslensk útgáfa af Stasi, hinni illræmdu Austur Þýsku leyniþjónustu.

Vinnustaðaskírteini eru að mörgu leiti góð hugmynd með mikla möguleika og þörfin er til staðar, en hvers vegna eru ekki sameinuð vinnuvéla, sprengiréttinda og önnur slík skírteini inn í fyrirhugað vinnustaðaskýrteini til að draga úr flækjustiginu og kostnaðinum, hvers vegna er það ekki Vinnueftirlitið sem annast eftirlit í stað þess að draga inn stéttarfélögin.

Með vinnustaðaskírteinum er hægt að tryggja það að starfsmenn séu skyldutryggðir,hafi sótt öryggisnámskeið og geti sýnt staðfestingu á starfsferilskrá, sýnt fram á verkkunnáttu eða til dæmis staðfest námskeiðsþátttöku í fyrstu hjálp, séu löglegir starfsmenn og skattgreiðendur.

En það að setja stéttarfélögin inn sem eftirlitsaðila með þessu kerfi er ekkert nema upptaka á mafíu vinnubrögðum því þetta kerfi verður notað af stéttarfélaga mafíunni sem innheimtukerfi félagsgjalda og þvingunartæki til að tryggja áframhaldandi þvingaða félagaðild fólk, sem er í sjálfu sér ógeðfelld þvingun gegn sjálfræði einstaklinga og ekki lagaskilda þó öðru sé oftast haldið fram af forkólfum stéttarfélaga sem hafa í áratugi barist innbyrðis um það hvaða stéttarfélagi fólk tilheyrir vegna félagsgjaldanna.

Í áratugi hafa stéttarfélögin þvingað vinnuveitendur til að samþykkja forgangsákvæði til vinnu fyrir félagsmenn viðkomandi stéttarfélaga og þannig komið í veg fyrir að stofnuð væru ný stéttarfélög eða að þessi einokun á vinnumarkaði væri brotin á bak aftur, og svo hafa félögin skipt upp á milli sín svæðum landsins og flokkað einstaka starfsheiti sem sín störf með réttinum til innheimtu félagsgjalda.
Vinnustaðaskírteini verða notuð sem enn eitt þvingunarúrræðið til að tryggja tilvist félagana og tekjuöflunar í formi hótana um starfsmissi ef fólk er utan félaga, þetta hindra alla von um endurnýjun eða framþróun félaga og eða frjálst val um hvaða lífeyrissjóð þú treystir eða stéttarfélagi þú vilt tilheyra.

Á sínum tíma var þvingun talin réttlætanleg en tímarnir hafa breyst og gömlu hugsjónamennirnir eru flest allir horfnir á braut, í staðin hafa flokksdindlar og hálaunað sjálftökulið hreiðrað um sig í stjórnum stéttarfélagana.
Í dag eru flest öll stéttarfélögin ekkert nema afætur á félagsmenn og hafa mestan áhuga á að ná inn félagsgjöldum af skráðum meðlimum sem flestir hafa aldrei óskað eftir inngöngu frekar en skráðir meðlimir þjóðkirkjunnar.

Hvaða frelsi eða virðing fyrir frjálsu vali einstaklinga er í samfélagi sem byggir sig upp á þvingaðri félagaðild gegn vilja viðkomandi.
Gerir fólk sér grein fyrir þeim hundruðum miljóna sem stéttarfélögin skrapa saman úr launaumslögum fólks á hverju einasta ári og svo raðar stéttafélagsliðið sér í stjórnir lífeyrissjóðanna og víða annarsstaðar fyrir launakjör sem eru sem ævintýrasögur fyrir almenna félagsmenn.

Sem betur fer eru samt víða starfandi hugsjónamenn og fólk sem vinnur vel fyrir félagsmenn og það fólk á lof skilið, en fólk verður af fara að mæta á félagsfundi til að hreinsa til í þeim félögum sem starfa frekar sem mafíur en stéttarfélög.

Að Félagsmálaráðherra flytji frumvarp til laga sem leppur fyrir stéttarfélögin segir allt sem segja þarf um hans virðingu fyrir frjálsu vali einstaklinga og það að framselja eftirlitshlutverkið til þeirra sem helst hafa hagsmuni af áframhaldandi stöðnun og þvingaðri félagsaðild, er sem upptaka á vinnubrögðum hinnar illræmdu Austur Þýsku leyniþjónustu Stasi.

Samfylkingin er orðin sem lifandi komin eftirmynd af sögunni Animal Farm eftir George Orwell, og við þjóðin erum sem dýrin á búgarðinum eftir brotthvarf drykkfelda sjálfstæðis bóndans.

Við hefur tekið lið sem ætlar að drepa niður allt frumkvæði og er að slökkva vonarneistana um breytingar í átt að gegnsæju og frjálsu samfélagi, þar sem einstaklingum er sýnd sú virðing að hafa valrétt.

Setti tengingu inn á kvikmyndina Animal Farm í tenglalistan, undir stjórnmál efst til hægri á síðuni.

Vinnustaðaskírteini og eftirlit

Ekki gott vinnulag

Ég hef staðið í þeirri trú að eina leiðin til að brjóta á bak aftur fíkniefnasala og skipulagða glæpi væri með samvinnu lögreglu og almennings.
Núna þegar lögregla virðist vera að nálgast það að missa tökin á baráttunni vegna skorts á fjármunum og lagaramma sem er úreltur að miklu leiti kemur þetta framtak.
Það að fara um og löðrunga fólkið sem maður þarf aðstoð frá hefur aldrei talist gáfumerki og er frekar sem stuðningur við andstæðinginn en hitt.
Er þetta það samfélag sem við viljum byggja upp, þar sem komið er fram við saklaust fólk sem glæpalýð sem loka má inni í byggingum á meðan gramsað er í persónulegum eigum.
Finnst fólki þetta virkilega í lagi án þess að rökstuddur grunur liggi fyrir.
Viljum við búa í ríki ótta, þar sem svartstakkar ríkja.

Óskar skýringa á fíkniefnaleit

Uppboð fór fram á Álfaskeið 74

Uppboð fór fram á Álfaskeið 74 í Hfn. Eigandi var staddur í Noregi en leigjendur voru ekki á staðnum. Brotist var inn í íbúð af lásasmiði.

Hér er slóðin á myndband sem sýnir þá uppákomu:

http://www.youtube.com/watch?v=2f7doUGfDX4

Þúsundir heimila eiga von á þessu í boði skjaldborgar Samfylkingarinnar um heimilin í landinu.

Hverju ber að trúa

Setti hér inn til gamans frétt af sama atburð frá þremur miðlum, bloggað er við fréttina hjér á MBL.IS næsta frétt fyrir neðan er frá RUV.is og svo er neðsta útgáfan frá Vísir.is

Það komu sem sagt nokkur hundruð manns, 400 manns og 800 manns eða verðum við ekki bara að taka meðaltalið og giska á 600

Fyrst birt: 13.02.2010 16:15 GMTSíðast uppfært: 13.02.2010 17:00 GMT

Nokkur hundruð á Austurvelli

Kröfufundur á Austurvelli 13. febúar 2010.Nokkur hundruð manns söfnuðust saman á Austurvelli klukkan þrjú, á tíunda kröfufund samtakanna Nýs Íslands. Samtökin höfðu boðið Birnu Einarsdóttur, bankastjóra Íslandsbanka, að tala á fundinum og skýra frá því hvað bankinn geti gert til að hjálpa fólki í fjárhagskröggum. Birna afþakkaði boðið og svaraði því til, að upplýsingar um úrræði bankans væri að finna á heimasíðu hans.

[e-mail]

 Vísir, 13. feb. 2010 15:10

Hátt í 400 manns á Austurvelli

Hátt í fjögurhundruð manns eru nú stödd á mótmælafundi á Austurvelli en þar hefur fólk safnast saman síðustu mánuði á hverjum laugardegi. Mótmælin eru skipulögð af samtökunum Nýtt Ísland og Hagsmunasamtökum heimilanna.

Fyrir hönd Hagsmunasamtaka heimilanna flytur Ólafur Garðarsson varaformaður erindi um boðað greiðsluverkfall. Þá mun Lúðvík Lúðvíksson ávarpa fundargesti og gera áskorun á Íslandsbanka, en Birnu Einarsdóttur bankastjóra var boðið að mæta á fundinn en hún afþakkaði.

 

800 manns á Austurvelli

Vinnubrögð skæruliða

Alveg er þetta dæmigert fyrir vinnubrögð manna með slæma samvisku sem hafa vond verk til að verja.

Steingrímur sendir vin sinn Indriða til að vinna skemmdarverk á væntanlegum viðræðum um hagstæðari Icesave samningskjör, með því verður kannski bjargað orðstír sendisveina Steingríms þeim Svavari og Indriða en öllum meðulum verður beitt til að koma í veg fyrir að þjóðin felli Icesave samkomulagið og lögin.

Það er bara gott að draga svona skjöl upp á borðið til síðari tíma söguskoðunar en að draga upp gömul drög af samningum núna er ekkert nema vísvitandi skemmdarverk að hætti örvæntingafullra skæruliða.

Það er samt gott að þjóðin fái að sjá hver forgangsröðunin er, fyrst er það flokkurinn og fylgismennirnir, svo er það að ríghalda sér í ráðherrastólanna og tryggja að flokkarnir haldi föstum greiðslum úr ríkissjóð óskertum á meðan réttu fólki er raðað í stjórnir fyrirtækja og opinberarnefndir.

„Reyna að þvo hendur sínar af eigin verkum“