Að girnast

Já, þeir girnast alltaf Lífeyrissjóðina,blessaðir Úlfarnir í bönkunum, gott ef hægt væri að láta Lífeyrissjóðina kaupa meira af hlutabréfum og koma áhættunni og tapinu þangað inn.

Finnst erfitt að lokka erlenda fjárfesta í partíið.

Búnir að vera að róa að jarðaför Íbúðarlánasjóðs, greinilega þreifingar í gangi um fjármuni til að bjarga einkavinum frá eigin gjörðum.

Vandi hve illa gengur að laða að erlenda fjárfesta

Bölvun

Sé ekki annað en Schengen samningurinn sé bölvun, sem við þurfum að segja upp sem fyrst.

Samstarf á sviði öryggis- og lögreglumála rætt

Skotbómulyftari valt

Skotbómulyftari valt í Vestmannaeyjum, ekki grafa.

Grafa valt í Vestmannaeyjum

Hissa

Nú er ég hissa, hélt að við værum enn á nornaveiðum með reglulegu millibili hér í bloggheim.

Svona var gert hér áður að sögn Baggalúts, sem eru víst mjög sannsöglir: http://baggalutur.is/frettir.php?id=4073

 

 

Síðustu nornirnar náðaðar

Krossferð Sjálfstæðisflokksins gegn landsbyggðinni

Landsbyggðin virðist vera eitthvað sem Sjálfstæðisflokkurinn hatar sem pestina, ef fólk fer yfir feril Bæjar og Ríkistjórna þess flokks síðustu kjörtímabilin, þá má meðal annars sjá eftirtaldar aðgerðir flokksins, oft  unnar í skjóli samstarfsflokka, sem dæmi um þessa eyðingarstefnu.

• 1. kvótakerfið, sem svipti fólkinu atvinnu og sjálfbjargræðis möguleikanum, gerði eignir þess verðlausar og í mörgum tilfellum nánast óseljanlegar. Kerfið hefur kvatt til slíkrar rányrkju á miðunum að nú er nánast búið að eyðileggja fiskistofnana til frambúðar.
• 2. Landflutningarnir, sem eru komnir til vegna aðgerða í einkavæðingu og tollamálum, flutningskostnaður er að sliga heimilin á landsbyggðinni og að gera öll framleiðslufyrirtæki vonlaus í rekstri og ósamkeppnishæf, með svipuðum afleiðingum og kvótakerfið.
• 3. Raforkumarkaðurinn, sem var gerður að samkeppnismarkaði á milli ríkisfyrirtækja, og opnaði fyrir skriðu kostnaðarhækkana, hækkaði verð á raforku og gjöld á landsbyggðinni, sem nýtur í engu þess að orkan er framleidd í túnfætinum.
• 4. Útboðsfyrirkomulag byggingarlóða, sem er aðferð sveitarfélaga til að komast framhjá reglum, sem bönnuðu þeim að reikna gatnagerðargjöldin hærri en nam sannanlegum kostnaði við lóð, sem hefur sprengt allt lóðarverð upp í jafnvel tugi miljóna og gert fólki ókleyft að byggja sjálft, nema með óhóflegri skuldsetningu á okurvöxtum bankana, sem hefur gert landsbyggðarfólki nánast ómögulegt að flytja til stærri þéttbýlissvæða, vegna verðlítilla eigna á landsbyggðinni, er hafa étið upp allt, eigið fé fólks.
• 5. Væntanleg Íbúðarlánasjóðs útför, sem á að vera gjaldið fyrir hryðjuverkahegðun stóru bankana á orðstír landsins erlendis, Íbúðarlánasjóður er eina von landsbyggðarinnar til að njóta kjara á við þéttbýlið, dauði sjóðsins mun stöðva nýbyggingar og sölu á landsbyggðinni, nema á stærstu stöðum. Gegndarlaus græðgi og sjálftaka launa hefur einkennt bankana, og svo á að refsa almenningi fyrir áhættusækni bankana erlendis, með því að ráðast á Íbúðarlánasjóð og loka fyrir aðgang almennings, sem verður þá ofurseldur okurvöxtum bankanna.
• 6. Stóriðjudekur stjórnmálamanna hefur verið notað sem plástur á sárin, en er eingöngu til þess að flýta fyrir eyðingu landsbyggðarinnar utan nokkurra verksmiðjuþorpa sem verða svo háð verksmiðjunum, að við brotthvarf þeirra leggjast þessi þorp nánast af. Það er fyrir séð að þegar hagkvæmari verksmiðjur rísa annarstaðar, verður núverandi lokað.

Hvaða ályktanir getur maður dregið af þessari glæsilegu ferilskrá, Ríkisstjórna Sjálfgræðgiflokksins undanfarinn ár, aðrar en markvissa stefnu til eyðingar búsetu utan stærstu þéttbýlisstaða.

Verði ekki farið að vinna í eflingu byggðar á landsbyggðinni, verðu Ísland að mestu óbyggt til sveita og stranda.

Smávægilegur vonarneisti getur samt kviknað við lengingu flugbrauta, þar sem grundvöllur er fyrir eflingu ferðaþjónustu og vöruflutninga.

Við eflingu á flutningshöfnum í landsfjórðungum.

Við opnun á möguleika fyrir, netþjónabú, iðnfyrirtæki og aðra stórra notendur, til að njóta nálgunar við stóriðjutaxta til starfsseminnar, sé flutningsvegalengd raforkunnar styttri en þvert yfir landið.

En stærsta einstaka, og áhrifaríkast aðgerð, sem hægt væri að framkvæma fyrir landsbyggðina, væri sú að gefa krókaveiði smábáta frjálsa.

Sú aðgerð myndi valda straumhvörfum, og þýfið kæmist þá aftur heim.

Þá yrði samskonar frelsisgjöf til handa Íslenskum landbúnaði, álíka áhrifarík til sveita landsins.

Ljós í myrkri

 

Það er gaman að sjá fréttir sem eru sem ljós í myrkri og svartsýni, vonleysistalsins sem hefur verið undanfarna mánuði.

Vonandi verður hægt að fjármagna þetta allt saman og koma í framkvæmd, þrátt fyrir hryðjuverkahegðun stóru bankana á orðstír landsins erlendis.

Gegndarlaus græðgi og sjálftaka launa hefur einkennt bankana, og svo á að refsa almenningi fyrir áhættusækni bankana erlendis, með því að ráðast á Íbúðarlánasjóð og loka fyrir aðgang almennings, sem verður þá ofurseldur okurvöxtum bankanna.

Bláa lónið springur út

Nokkrir gullmolar fyrir helgina

Nokkrir gullmolar úr læknaskýrslum:

-Að höfðu samræði við lækni féllst hann á að koma sjálfviljugur inn.

-Á öðrum degi var hnéð betra og á þriðja degi var það alveg horfið.

-Daginn fyrir innlögn borðaði hún kvöldmat á eðlilegan hátt með kjötbollum.

-Eðlileg augnskoðun fyrir utan sérkennilegt andlitsfall...

-Eftir það var hún í samkvæmi...

-Fékk vægan verk undir morgunsárið...

-Hún hefur þroskast eðlilega framan til...

-Hún rann til á svelli og virðist að lappirnar á henni hafi farið í sitt hvora áttina í byrjun desember.

-Húðin var rök og þurr.

-Misnotaði áfengi í óhófi áður fyrr...

-Móðir getur látið barnið sitja með því að setja fæturna í hring...

-Nú er svo komið fyrir henni að hún getur að mestu hjálpað sér sjálf...

-Saga er fengin hjá uppgefnum ættingjum...

-Sjúklingur á vanda til að fara austur í sveit um helgar. Þar datt undan henni hestur...

-Sjúklingur var í morgun að drekka te og borða maís þegar að bar mann sem heitir Kristmundur.

-Skoðun við komu leiðir í ljós unglingspilt...

-Tekin var mynd af sjúklingi sem sýndi breytingar í Hafnarfirði...

-Við komu á spítalann var sjúklingur fljótlega skoðaður af undirrituðum og kemur þá í ljós að um er að ræða 46 ára karlmann sem er mjög þrekvaxinn og vöðvastæltur...

-Við rectal exploration fannst stækkaður skjaldkirtill...

-Við skoðun á sjúklingi kemur fram áberandi kyndeyfð...

-Við skoðun eru engar eitlastækkanir að gagni...

-Það sem fyllti mælinn var þvagleki...

-Það vottar fyrir gyllinæð hægra megin á kálfa...

-Þegar hann var lagður inn hafði ör hjartsláttur stoppað og honum leið betur.

-Þessi maður veit ekkert um skyldleika í ætt....

-Sjúklingur batnar ef lagst er ofan á hann...

-Sjúklingur borðar reglulegt mataræði...

-Sjúklingur er ekki þekktur fyrir að fremja sjálfsmorð.

-Sjúklingur er fertug, að öðru leyti ekkert athugavert.

-Sjúklingur er svo hress að hann gæti gengið langleiðina til Akureyrar...

-Sjúklingur er tilfinningalaus frá tá og niður úr.

- Sjúklingur fékk sér vöfflur í morgunmat og var kominn með lystarstol í hádeginu.

-Sjúklingur fékk þá mjög langsótt kvef...

- Sjúklingur fær verki í bringuna ef hún liggur á vinstri hlið lengur en í eitt ár.
 
- Sjúklingur hefur aldrei fundið fyrir þessum verkjum nema þegar hann vaskar upp í sumarbústað - en er ráðlagt eftirlit ef verkirnir koma fram við önnur tækifæri...

-Sjúklingur hefur átt við gott heilsufar að stríða...

-Sjúklingur hefur fremur óbærilega verki...

-Sjúklingur hefur formlegar hægðir...

-Sjúklingur hefur skilið eftir hvítu blóðkornin á öðrum spítala.

-Sjúklingur hefur verið að þyngjast af asmanum sl. sólarhring...

-Sjúklingur hefur verið mædd sl. fimm ár...

-Sjúklingur hefur verið niðurdreginn alveg síðan hann byrjaði að hitta mig 1983.

-Sjúklingur lenti á parketgólfi og bar fyrir sig höndina með þeim árangri að hún brotnaði...

-Sjúklingur hefur verið í vandræðum með gervifótinn en hann hefur haft fjóra fætur frá því að hann lenti í slysinu, en þann síðasta fékk hann í apríl sl.

-Sjúklingur lærði söngnám...

-Sjúklingur tekur engin lyf en magnyl þess á milli...

-Sjúklingur tárast og grætur stöðugt. Virðist líka vera niðurdreginn.

-Sjúklingur var í góðu ásigkomulagi þangað til flugvélin hans varð eldsneytislaus og hrapaði.

Grínið í dag

1 

Þrír lögfræðingar og þrír verkfræðingar ætluðu með lest á ráðstefnu.

Á brautarstöðinni keyptu lögfræðingarnir þrír hver sinn miða, en verkfræðingarnir þrír bara einn. "Hvernig ætlið þið þrír að ferðast á einum miða?, spyr einn lögfræðinganna. "Við skulum bíða og sjá til", svarar einn verkfræðinganna.

Þeir fara um og lögfræðingarnir setjast hver í sitt sæti en allir verkfræðingarnir troða sér inn á salernir og læsa að sér.

Skömmu eftir að lestin leggur af stað gengur lestarstjórinn um og safnar saman farmiðum.

Hann bankar á dyrnar á salerninu og segir: Miðann, takk. Örlítil rifa opnast og handleggur réttir miðann út um rifuna.

Lestarstjórinn tekur miðann og heldur áfram.

Lögfræðingarnir sjá þetta og fannst þetta að sönnu snjöll hugmynd.

Að ráðstefnu lokinni hugðust þeir feta í fótspor verkfræðinganna, kaupa bara einn miða og spara pening.

Þegar þeir koma á brautarstöðina kaupa þeir einn miða en sjá sér til mikillar furðu að verkfræðingarnir kaupa alls engan miða. "Hvernig ætlið þið eiginlega að ferðast miðalausir, spyr einn lögfræðinganna.

Við skulum sjá til, svarar einn verkfræðinganna.

Þegar þeir koma um borð troðast lögfræðingarnir inn á salerni og verkfræðingarnir þrír inn á annað við hliðina.

Skömmu síðar laumast einn verkfræðingurinn út af salerninu, bankar hjá lögfræðingunum og segir: Miðann takk?

 

2

Lögfræðingur og ljóska sitja hlið við hlið í flugvél, lögfræðingurinn stingur uppá að þau bregði á leik á leiðinni. 

Ljóskan er þreytt og vill frekar sofa, en lögfræðingurinn er þrjóskur og tuðar í ljóskunni.

Hann útskýrir: "Sko, ég spyr þig spurningar og ef þú veist ekki svarið, þá borgar þú mér og svo öfugt." Aftur afþakkar ljóskan og reynir að sofna.

En lögfræðingurinn gefst ekki upp svo hann gerir henni tilboð: "Allt í lagi, í hvert skipti sem þú veist ekki svarið þá borgar þú mér 500kr en ef ég veit ekki svarið þá borga ég þér 50.000kr, ha hvernig líst þér á það." Þetta hljómar vel og ljóskan samþykkir að taka þátt.

Lögfræðingurinn spyr: "Hvað er langt frá jörðunni til tunglsins?" Ljóskan þegir, teygir sig í budduna sína og réttir honum 500kall.

En svo spyr ljóskan:" Hvað fer uppá fjall með þrjá fætur en kemur niður með fjóra?"Lögfræðingurinn horfir á hana alveg kjaftstopp.

Hann tekur upp fartölvuna sína og fer að leita á netinu, mailar á vini sína en allt kemur fyrir ekki.

Eftir klukkutíma eða svo játar hann sig sigraðan og borgar henni 50.000kall, ljóskan tekur peninginn og fer að sofa.

Lögfræðingurinn er nú ekki alveg sáttur við þessi málalok og hnippir í ljóskuna og krefst svars við þessari spurningu.

Ljóskan snýr sér að honum teygir sig í budduna sína og réttir honum 500kall.

3

Kúreki sem var búktalari, kemur gangandi inn í smábæ og sér þar indíána sitjandi á bekk.

Kúreki: Hey, flottur hundur. Er þér sama þó ég tali við hann?

Indíáni: Hundur ekki tala.

Kúreki: Heyrðu hundur, hvernig hefurðu það?

Hundur: Ég hef það fínt !

Indíáni: [Undrunarsvipur]

Kúreki: Er þetta eigandi þinn? [Bendir á indíánann]

Hundur: Jamm.

Kúreki: Hvernig fer hann með þig?

Hundur: Mjög vel. Hann fer með mig út að ganga tvisvar á dag, gefur mér góðan mat og fer með mig niður að vatninu einu sinni í viku og leikur við mig.

Indíáni: [trúir ekki eigin eyrum]

Kúreki: Er þér sama þó ég tali við hestinn þinn?

Indíáni: Hestur ekki tala.

Kúreki: Heyrðu hestur, hvernig hefurðu það?

Hestur: Komdu sæll kúreki.

Indíáni: [Undrunarsvipur]

Kúreki: Er þetta eigandi þinn? [Bendir á indíánann]

Hestur: Jamm.Kúreki: Hvernig fer hann með þig?

Hestur: Nokkuð vel, þakka þér fyrir. Hann fer reglulega í útreiðartúra, kembir mér oft og lætur mig inn í hlöðu í skjól fyrir náttúruöflunum.

Indíáni: [Gjörsamlega hissa] 

Kúreki: Er þér sama þó ég tali við kindina þína.

Indíáni: Kind ljúga.

 

 

Grín að láni

1. 

Tvær konur eru að bíða á biðstofunni við Gullna hliðið og eru að bera saman sögurnar af því hvernig þær dóu. Sú fyrri segir: “Ég fraus til bana.”
“En hræðilegt,” segir hin, “að frjósa til bana. Það hlýtur að hafa verið kvalarfullt?”
“Ekkert svo,” segir sú fyrri, “þegar maður er hættur að skjálfa af kulda verður maður bara syfjaður og finnur fyrir hlýju. Loks dettur maður bara út. Hvað með þig? Hvað gerðist?”
“Ég fékk hjartaáfall. Mig var búið að gruna manninn minn lengi um framhjáhald og ákvað að koma snemma heim úr vinnunni einn daginn. En þegar ég kom heim, sat hann bara inni í stofu og horfði á sjónvarpið.”
“Nú?” spyr sú fyrri. “En hvað gerðist?”
“Ég var alveg viss um að það væri önnur kona í húsinu, svo ég hljóp um allt að leita. Upp á háaloft, niður í kjallara, inni í alla skápa og undir öll rúm. Ég hélt þessu áfram þar til ég var búin að kemba allt húsið. Þegar því var lokið var ég svo örmagna að ég hné niður, fékk hjartaáfall og dó.”
“Hmm,” segir sú fyrri, “leitt að þú skyldir ekki kíkja í frystikistuna.
Þá værum við báðar á lífi.”

 

2. 

Gamall maður sat á bekk í Kringlunni þegar ungur maður með hanakamb settist hjá honum. Hárið hans var gult og grænt með appelsínugulum og purpuralituðum strípum og hann var með málaðar augabrúnir.
Gamli maðurinn starði í forundran á unga piltinn í nokkrar mínútur. Strákurinn varð órólegur og spurði þann gamla:
Hvað er þetta eiginlega, hefur þú aldrei gert neitt villt um dagana?
Gamli maðurinn svaraði: “Jú reyndar, ég datt einu sinni allhressilega í það og hafði kynmök við páfagauk. Ég var bara að velta því fyrir mér hvort þú gætir verið sonur minn”.

3.

„Hæ, elskan! Þetta er pabbi. Er mamma þín þarna?“

„Nei, pabbi, hún er uppi í svefnherbergi með Sigga frænda.“

„En þú átt engan Sigga frænda,“ sagði pabbinn eftir smáþögn.

„Víst, og hann er núna uppi í herbergi með mömmu!“

„Úff, ókei ... mig langar að biðja þig um að gera svolítið fyrir mig. Settu símtólið á borðið, hlauptu upp, bankaðu á svefnherbergisdyrnar og segðu að pabbabíll sé að keyra upp innkeyrsluna.“

„Allt í lagi, pabbi!“

Nokkrum mínútum síðar kom litla stúlkan aftur í símann og sagði: „Ég gerði það sem þú baðst mig um, pabbi.“

„Og hvað gerðist?“

„Sko, mamma hoppaði allsber upp úr rúminu, hljóp öskrandi um, síðan datt hún um teppi og flaug út um gluggann! Ég held að hún sé dáin.“

„Guð minn góður, en hvað með þennan Sigga frænda?“

„Hann varð voða hræddur og stökk allsber út um gluggann. Hann lenti á botninum á lauginni og hefur verið búinn að gleyma því að það var verið að hreinsa hana og ekkert vatn í henni. Ég held að hann sé líka dáinn.“

Löng þögn. Síðan sagði pabbi: „Sundlaug? Er þetta ekki sími 524-3210?“ 

Fordómafullur og Rasisti

Eftir því sem maður les meira um átök milli ólíkra trúarbragða og menningarheima, virðist maður taka eindregnari og harðari afstöðu gegn eða með einhverju málefni eða skoðun, Ein er sú skoðun sem er kölluð af sumum (Navíismi eða bara einfeldnings stefna), aðal einkenni hennar er sögð vera, eftirgjöf Vestrænna gilda um réttindi fólks og aðlögun að menningarheim Múslima, ásamt siðum.

Kannski er þetta raunhæf friðarleið og í anda rómantískra Kristinna gilda draumhyggju, en hér er svona yfirlit um ástandið hjá vinum okkar í Sádi Arabíu : http://www.visindavefur.hi.is/svar.php?id=2356

Kannski er ég svona fordómafullur og rasisti, en ég vill ekki aðlagast að þessum viðhorfum né bjóða dætrum mínum upp á svona samfélag.

Það hlýtur líka að vera þannig, að eftirgjöf siða og gilda virki á báða aðila.

Um klæðaburð kvenna : http://www.visindavefur.hi.is/svar.asp?id=1980