Svekktur yfir dugleysi

Maður er eiginlega sársvekktur yfir dugleysi stjórnvalda, það er núna sem á að veita skattaafslátt á hlutabréfakaupum í innlendum fyrirtækjum til að styrkja atvinnulífið.
Það er núna sem á að tengja saman iðnnám, starfsnám og greiðslur atvinnuleysisbóta til að byggja upp menntun fólks sem er atvinnulaust, bætur eiga ekki að greiðast nema nám sé stundað því við viljum bæta fólk en ekki brjóta.
Íslenska krónan er lítils virði en með því að nýta hana innanlands til hagkvæmra framkvæmda er hægt að skapa verðmæti til útflutnings, við öflum ekki gjaldeyris með öðrum hætti en að selja vörur og þjónustu.
Það er enginn skortur á verkefnum til að vinna en það er skortur á hvatningu til athafna og leiðsögn.

Óráð að hækka skatta í kreppu

Athugasemdir

[Guðjón Sigþór Jensson, 12.1.2010 kl. 17:21]

Góðir punktar.

Á kreppuárunum varð gríðarleg aukning í menntun í Danmörku. Hér einnig en ekki í eins stórum stíl enda menntakerfið okkar enn í mótun. Sérstaklega voru lýðskólanir vinsælir í Danmörku og skilaði miklum árangri þegar fram liðu stundir.

Okkar vandræði eru auðvitað að ekki verður aukið á skuldir, skattahækkanir hafa einhverja möguleika til aukinna tekna en alltaf spurning með þennan hagvöxt. hef alltaf fengið gæsahúð þegar hagfræð'ingar taka sér það orð í munn. Þá er ekkert eftir annað en niðurskurðurinn. Ætli það sé unnt að skera niður öllu meira en þegar er orðið?

Mosi

[Þorsteinn Valur Baldvinsson, 14.1.2010 kl. 11:27]

Það eru komnar í gang aðgerðir vegna yngra fólksins en verknám og starfsþjálfun fyrir eldra fólk en 24 ára er nauðsynlegt til að styrkja sjálfið og auka líkur á endurkomu út á vinnumarkaðinn.

Sérstaklega held ég að endurmenntun í til dæmis uppbyggingu eldri húsa, bátasmíð ofl slíku þar sem verkþekking er að glatast niður sé mikilvæg ásamt ýmissi annarri þekkingu sem opnar fyrir ný tækifæri og það að spyrja fólkið sjálft um hvað það vilji læra eða bæta við sig þekkingu í er fyrsta skrefið.

[Hólmfríður Bjarnadóttir, 15.1.2010 kl. 13:45]

Þessar hugmyndir þínar eru mjög athyglisverðar og sem nauðsyn er að skoða í fullri alvöru. Þá er eg að tala um bæði skattaafsláttinn til þeirra sem kaupa hluti í ísl fyrirtækjum og einnig aðgerðir fyrir atvinnulausa. Við þurfum djarfar og bjartsýnar lausnir til að koma okkur upp að nýju.

Auðvitað veit ég að útfæra ber þetta hvorutveggja betur og það er ekki fyrirstaðan. Velkominn í bloggsíðuna mína