Að snúa öllu á hvolf

Að snúa öllu á hvolf eru viðbrögð Forsætisráðherra sem virðist ekki skilja hvað var rangt af Hönnu Birnu að gera, segir það ekki allt sem segja þarf um siðferðisþroskann.

Skelfilegast er samt að sjá hvað innviðir stjórnsýslunar eru orðnir skemmdir og veikburða eftir áratuga inngrip stjórnmálamanna í starfsmannamál, þeir sem eiga að þekkja lög og reglur gefa eftir sem fúasprek fyrir yfirgangi ráðherrans og aðstoðarmanna.

Af þessu þarf þingið að læra og styrkja innviði stjórnsýslunar, tryggja hæfi starfsmanna og vernd gegn yfirgangi tímabundinna stjórnmálamanna.

Þingið ætti líka að hafa vit til að taka á ráðningu aðstoðarmanna ráðherra og láta það ferli fara fram á vegum stjórnsýslunar, þar á hæfasti umsækjandinn að vera ráðinn og skýrt að húsbóndavaldið sé ekki stjórnmálamannsins.

Við ættum líka að ræða í fullri alvöru breytingar í þá átt að ráðherrar séu ráðnir á faglegum grunni til að stýra stjórnsýslunni og svara á Alþingi fyrir störf sýn, en ekki sé mishæfum tímabundnum stjórnmálamönnum komið í embætti sem þeir hafa hvorki getu né þekkingu til að takast á við.

Auk þess voru þessir stjórnmálamenn aldrei kosnir til að gegna ráðherraembætti, þeir voru kosnir til að sitja á Alþingi Íslendinga sem fulltrúar við setningu laga en ekki til að vera að grufla í daglegum störfum stjórnsýslunar.

Það hefur lengi verið talið einkenna þá sem ekki ráði við starf sitt að þeir gangi stöðugt inn í störf undirmanna sinna, að fólk á löggjafaþinginu sé sífellt ð ganga í störf stjórnsýslunar er því ekki gæfumerki.

Ég skil samt vel að forsætisráðherra sé órótt við að sjá hvað þjóðin er orðin virk og farin að fylgjast vel með verkum stjórnmálamanna, sem hingað til hafa nánast gengið lausir um sameiginlega fjármuni og eignir þjóðarinnar.

Fjármála og forsætisráðherra sem eru fulltrúar hinna efnameiri hafa eflaust orðið áhyggjur af komandi endalokum valdatíðar og hugsanlegu uppgjöri á þeirra eigin verkum.

Trompið sem felst í að skattleggja þrotabú föllnu bankana á samt eflaust eftir að virka sem afsalsbréf ef vel tekst til.

Þjóðin læri af lekamálinu

Einangrun Rússa og stríðsfíknin

Það er greinilegt að bjarga á efnahag USA með sölu vopna til Evrópu og stríðsæsings gegn Rússum til að tryggja sölu sem og samþykki fyrir nýjum herstöðvum.

Vilji menn yfirtaka ríki án átaka og tryggja efnahagsleg yfirráð, er best að láta ríkið biðja sjálft um vernd gegn óvini sem þú hefur búið til.

Leikritið sem réttlætti yfirtöku á auðlindum í miðausturlöndum hefur og mun kostað tugi ef ekki hundruð þúsunda mannslífa og miljónir eru á flótta, nú er róið að sömu upplausn í og umhverfis Úkraínu.

Fyrst var það Halldór Ásgrímsson sem ataði Íslenskan þjóðfánan blóði saklausra Íraka, nú vill Gunnar Bragi fá blóðslettur frá Úkraínu í safnið.

Merkilegur flokkur þessi Framsóknarflokkur sem vill ólmur fá að vera með í liði strýðsfíklana sem lifa á að skapa upplausn og valda hörmungum um allan heim.

 

Rússar virðast hafa tileinkað sér speki Napoleons.

"Never interrupt your enemy when he is making a mistake."

Napoleon Bonaparte

Pútín fær ekki hlýjar móttökur

Hver stjórnar þessu landi?

Er það svo að embættismenn eins og Ríkislögreglustjóri og Forstjóri Landhelgisgæslu eru að njósna um Íslenska ríkisborgara, og um það sem gerist innan okkar lögsögu fyrir erlendar leyniþjónustur gegn greiðslu í vopnum. 

Landhelgisgæslan fyrir Norðmenn og Ríkislögreglustjóri fyrir Bandaríkjamenn. 

 

Geta þessir menn bara komið sér upp vopnuðum og hervæddum sveitum að eigin geðþótta?

Er verið að endurtaka valdaránið sem Jörundi Hundadagakonungi mistókst, eru fullorðnir menn látnir komast upp með að vera hér í stríðsleikjum á kostnað skattborgara.

Kusum við einhvern flokk sem boðaði hervæðingu lögreglu og landhelgisgæslu, ásamt viðvarandi æfingarflugi erlendra herþotna fyrir okkar skattfé.

Kusu kjósendur virkilega flokk sem hefur sett ógæfu mann í ráðherraembætti, mann sem fer um heiminn og biður á hnjánum um að fá að vera með í hóp sem er að myrða óbreytta borgara út um allan heim.

Er það virkilega svo að Ísland er orðið boðberi ófriðar og átaka, frekar en friðar og sáttaumleitana.

Báðu kjósendur um að Ísland yrði óttavætt með njósnum og hervæddri lögreglu?

Fyrir stuttu var geðfatlaður maður skotin af lögreglu í atburðarás sem einkenndist af fáti og viðvaningslegum flumbrugang, er ekki betra að læra af þeim atburð en fjölga slíkum.

Er ekki skrítið að núna er afbrotum hefur fækkar mikið eigi að hervæða lögreglu, man einhver til þess að lögreglumaður hafi verið skotin á Íslandi?

Er þetta það land sem við viljum erfa komandi kynslóðir af? 

Er það svona sem við viljum skila þeim arfi kynslóðanna sem okkur var trúað fyrir, skaddaðri náttúru sökum græðgi og óttavæddri þjóð.

Leynd yfir byssum engum til góðs

Samfélagssátt þarf um hvað dugar til

Það þarf að tryggja að lágmarkslaun félagsmanna ASÍ, sem eru notuð sem viðmið í bótakerfi ríkisins verði aldrei undir raun framfærslu og það er best tryggt með lögum um lágmarkslaun.

En það þarf líka að gera samfélagssátt um þak á yfirgengilega græðgina sem þrífst best þar sem siðlausir einstaklingar fara með annarra fé, við getum sett þak með lögum um  hámarkslaun og notað kostnað við menntun í stað neysluviðmiðs þannig að fólk fái laun til samræmis við kröfur um fjárfestingu í menntun.

Við þurfum að gera samfélagssátt um skiptingu þess auðs sem við fengum í arf og eða myndum sjálf, við getum ekki haldið áfram að kljúfa þjóðina niður með misskiptingu lífsgæða og sundrað henni enn frekar en orðið er.

Það er löngu tímabært að fara að sauma saman sárin sem skorin hafa verið í samhjálpina og samstöðuna undanfarin ár, örin munu samt standa enda áminning um hvernig græðgin og spillingin getur farið með þjóð.

Sátt um lágmark og hvað telst nóg, væri gott veganesti í slíkan leiðangur sem þjóðin verður sjálf að leggja í því ekki eru þeir sem sköpuðu vandan færir um að leysa hann eins og sést á áformum um frekari misskiptingu.

 

Ræða þak á laun stjórnenda

Animal Farm samfélagið

Fyrir ekki svo löngu skaut Íslenska lögreglan mann til bana sem átti við geðræn vandamál að etja, ég veit ekki til þess að lögreglumaður hafi verið skotin til bana af íbúum þessa lands.

Er ekki réttara að auka fyrst kröfur um menntun og þjálfun lögreglumanna sem og um fagleg vinnubrögð frekar en að gera svona lagað.

Aldrei hef ég heyrt af rannsókn sem sýnir að öryggi lögreglumanna hafi aukist við vopnaburð né að alvarlegum glæpum hafi fækkað, hinsvegar hef ég heyrt af stigmögnun í framhaldi af svona aðgerðum.

Lengi hafa talsmenn lögreglufélags talað um virðingarleysi fyrir lögreglu og óskað eftir vopnum til verndar sér, það er misskilningur að virðing skapist við ógnun eða hótun um notkun svona vopna: http://youtu.be/1ZaIX6LccTg

Þetta eru einfaldlega skýr skilaboð til glæpamanna um að nú skuli þeir líka vopnast og vera tilbúnir til átaka, því ekki sé lengur um hefðbundnar stimpingar við handtöku að ræða.

Þetta mun valda breytingu á viðhorfi til lögreglu, hún er ekki lengur skjól að sækja til heldur ógn að varast sem mun skila sér í þögulli andúð og aukinni fjarlægð. 

Ótti þeirra sem hafa með blekkingum og græðgi söðlað undir sig auðlindir og fyrirtæki þjóðarinnar er skiljanlegur, og þeim finnst þeir eflaust öruggari með vopnaða vernd gegn borgurum þessa lands. 

Mikið afskaplega er Íslenskt samfélag að verða ömurlegt  og líkt Animal Farm samfélaginu sem Georg Orwell lýsir svo vel með þessari mynd: http://youtu.be/w0pys7boNro
 

Hríðskotabyssurnar norsk gjöf

Líklega einn stærsti þjófnaður Íslandssögunar

Það virðist unnið að því með skipulögðum hæti að gera Íslendinga að leigjendum að eigin húsnæði sem búið er að selja ofan af þeim vegna hækkunar verðtryggðra lána. Lána sem hækkuð hafa verið að mestu með handstýrðum hætti undanfarin ár.

Er þetta ekki einn stærsti þjófnaður Íslandssögunar sem Íbúðalánasjóður er að framkvæma.

Sjá http://kjarninn.is/ahrifamikid-myndband-um-meinsemdina-i-reykjanesbae og sjá http://www.ruv.is/innlent/gott-ad-bua-i-gami

 http://www.visir.is/soluferli-ibudalanasjods-ognar-ekki-husnaedisoryggi-leigutakanna/article/2014710089949

Ekki mikil reisn yfir framtíðarsýn leiðtogana fyrir þessa þjóð

ÍLS selur 400 íbúðir

Með allt niður um sig

Það er ótrúlegt að núna fyrst sé verið að dreifa mælum þegar töluvert er liðið á gos og í stað þess að setja upp fasta mæla upp á heiðum sem hringi inn ástandið, eigi að láta lögregluþjóna skottast um með mælana í vasanum.

Hélt að niðurskurður hefði fækkað lögreglumönnum svo mikið að ekki væru til lausamenn í vísindaleik.

Ef menn hefðu lesið gamlar heimildir um eldri gos væri löngu búið að setja upp mælanet ofan við byggð en ekki inn í byggð, það er ekkert nýtt að gerast og til skammar að það hafi verið mælar hjá ALCOA sem greindu þetta fyrst fyrir slysni.

Yfirvöld og stjórnmálamenn hafa verið sem sofandi larfar, uppteknir við að taka “selfie“ í samhæfingarmiðstöð og fá mynd af sér í þyrlu við að skoða aðstæður þó mér vitandi hafi þeir enga þekkingu til að meta aðstæður né sé þörf á að þeir leiki sér á þyrlu eins og litlir strákar í dótakassa.

Þetta er víst gert í útlöndum að eyða miljónum af almannafé í ímyndasköpun stjórnmálamanna í stað þess að kaupa búnað fyrir peningana, og dreifa sem næst hugsanlegum notkunarstað.

Trú mín á getu yfirvalda til að takast á við vandan er nánast enginn en ég hef hinsvegar tröllatrú á flestum starfsmönnum hinna vinnandi stofnana og fyrirtækja ríkisins.

Við skulum vona að stjórnmálamenn hafi vit á að láta þá um undirbúning og framkvæmd aðgerða, en  “selfie“ leikurinn og sviðsettu viðtölin verði bundin við sjálfhverfu Action Man drengina.

Þetta er ekki fyrsta né síðasta gos á Íslandi og rétt að skoða sögu og reynslu fyrri atburða, nú þegar hefur þetta haft töluverð áhrif á heilsu fólks á svæðinu og dæmi um brottflutning af heilsufarsástæðum eru til staðar.

Vilja viðbragðsáætlun fyrir Austurland

Tryggjum mannvirðingu handa öllu launafólki, líka aldraðra og öryrkja

Það lýsir best hinum innri manni hvernig við komum fram við þá sem eru varnalausir og á okkur treysta, rík þjóð sem Íslendingar á að sjá sóma sinn í að tryggja öllum lágmarks framfærslu til samræmis við raunverulegan framfærslukostnað.

Það sparkar engin með heilbrigða siðvitund í liggjandi mann né skerðir lífsgæði þeirra þögulu.

Ég bið ykkur um að hjálpa mér við að safna undirskriftum til að þrýsta á Alþingi um að sett verði lög til að tryggja lágmarkslaun og að við þau verði framfærsla öryrkja, aldraðra, atvinnulausra og annarra sem fá bætur miðuð.

Við eigum ekki að umbera biðraðir eftir matar og fjárhagsaðstoð í jafn auðlindaríku landi og okkar

Friður og sátt tryggir velmegun, mismunun og stéttskipting tryggir ófrið og sundrungu.

Vinsamlega undirritið og deilið áfram sem mest

http://www.avaaz.org/en/petition/Althingi_setji_log_um_lagmarkslaun_Vid_skorum_a_Althingi_ad_logsetja_lagmarkslaun_til_samraemis_vid_framfaerslu/?copy

Gömul speki

Gamall maður sagði við barn sitt.

Í okkur öllum er barátta á milli tveggja afla.

Annað er illt. Það er reiði, afbrýðisemi, fyrirlitning, lygi, dramb og sjálfselska.

Hitt er gott. Það er gleði, friður, ást, von, auðmýkt, samúð, góðvild og sannleikur.

Barnið varð hugsi og spurði, hvort aflið mun sigra.

Gamli maðurinn svaraði.

Það aflið sem þú fóðrar.

Stóri feluleikurinn

Hér á okkar fagra landi er margt gott og mannbætandi en líka sumt þreytandi og mannskemmandi.

 

Þar ber að mínu mati hæðst hræsnin, afneitunin og feluleikurinn á raunveruleikanum.

Ég er þá að tala um þá áráttu að fela eða banna allt sem er óþægilegt og ekki samræmist pólitískri rétthugsun tímans.

Við bönnum vændi og hrekjum það í felur sem virkar eins og beinn fjárstuðningur við undirheima.

Við bönnum öll fíkniefni sem líka virkar sem rekstrarstuðningur við glæpaiðnaðinn og eltumst við neytendur sem eru oftast þarfnast hjálpar en ekki refsingar

Við skiptum um heiti á vandamálum eða hlutum sem valda óþægilegum tilfinningum og bönnum orðanotkun, eins og einhver hlusti á slíkt.

Það má ekki nota sum orð eða segja til dæmis fáviti, niggari eða fjölmörg önnur orð sem mætti telja upp en eru álitin meiðandi eða særandi að mati sumra

Það leysir ekkert að tala ekki um það sem þarf að ræða eða skipta út orðum til að hylja meininguna.

Vilji fólk takast á við fordóma eða vandamál er eina raunhæfa leiðin sú að ræða hlutina, en ekki að þagga þá niður með gífuryrðaflaumi og fela með orðaleikjum eða grafa utan opinberrar vitneskju.

Við komumst ekkert áfram með afneitun á raunveruleikanum eða fordæmingu á skoðunum annarra, við hjökkum bara áfram í fúkyrðafeni athugasemda.

Andið, skýrið ykkar sjónarmið og við finnum skinsamar lausnir saman þar sem allir gefa eftir og enginn sigrar en friður helst og sátt skapast.