Hol og skilningslaus mynd

Mér finnst þessari mynd hampað um fram það sem hún á skilið, það er enginn sannfærandi leikur í gangi og vottar varla fyrir skilningi á þeirri örvæntingu sem grípur menn er dauðinn bankar upp á. Túlkun leikaranna á örvæntingunni er dofinn og dauð sem viðbrögð hasshausa, þessi mynd varð mér mikil vonbrigði. Eftir að hafa sjálfur tekist á við ískaldann sjó í vetrarmyrkri og haldið að öllu væri lokið tel ég mig bæði hafa upplifað viðbrögð annarra, sem og fundið eigin ótta og þá örvæntingu sem grípur. Það er enginn tilfinningaleg flatneskja í gangi við svona aðstæður í byrjun þó kuldinn skapi hana er heilinn fer að tapa hita og menn fara að ruglast. Ég dró fram úr hófi að horfa á þessa mynd því bæði tilfinningar og minningar virðast vakna af dvala, dvala sem maður vill gjarnan viðhalda. Loksins er ég horfði á myndina þá fannst mér ég sem svikinn því þessu mikla tækifæri sem leikararnir og leikstjórinn fengu þarna til að vinna afrek, með því að sýna örvæntinguna og baráttuna fyrir því að lifa. Var gjörsamlega klúðrað.

 

Baltasar: „Það er bara næst“

Vel orðuð hugsun og góð

Ég ætla að leyfa mér að birta hér orð Ómars Geirssonar. 

,,Ég segi bara, velkominn til liðs við Hreyfingu lífsins.

Við vitum hvað við viljum, við viljum lifa, lifa af þessa kreppu sem fólk, sem manneskjur, og við vitum að samúð og samhygð er límið sem heldur samfélögum fólks saman.

Við vitum að maðurinn fæddist frjáls, og vill fá að lifa frjáls þó hann verði að beygja sig undir reglur samfélagsins. En þær reglur eiga ekki að þvinga eða kúga, ofstjórna eða þrúga, þær eiga að snúast um grunngildi og þjóna þeim markmiðum að viðhalda friði og stöðugleika.

Siðaður maður með siðaða lífsskoðun þarf ekki svo margar reglur, hann þekkir muninn á réttu og röngu, og ef athafnasemi hans byggir á þeim gildum, þá fylgir henni gróska og gróandi, öllum til heilla.

Við ofreglum ekki samfélagið til að bregðast við afbrigðilegri hegðun, það er tekist á við hana þar sem hún er, en ekki gengið út frá því að allir séu afbrigðilegir og þurfi hið stranga regluverk.

Það rekur enginn búð sem gengur fyrirfram út frá því að allir sem inn koma séu þjófar, en ekki viðskiptavinir. Vissulega er sú parnója til en henni er sjálfhætt þegar síðasti viðskiptavinurinn hverfur á braut. Vitur búðareigandi tekst á við þjófinn, reynir að verjast hegðun hans, reynir að sjá hann út. En glíman er á milli hans og þjófsins, ekki hans og viðskiptavinarins.

Eins er það heilbrigt samfélag, það gengur út frá því að allt sé í lagi þar til annað kemur í ljós. Það er þjóðfélag réttrar hegðunar en ekki þjóðfélag lögfræðinga, það er þjóðfélag gagnkvæmra viðskipta þar sem báðir hafa hag af, en ekki siðlausra hegðunar þar sem allt er leyfilegt, ef það er ekki sérstaklega bannað.

Sem endar í því að allt má ef af því hlýst gróði.

Hagfræði lífsins segir að rétt ákvörðun á hverju vandamáli sé sú sem veldur ekki öðrum skaða. Einföld hugsun sem opnar nýjar víddir í þróun samfélaga.

Því átakferlin hverfa smátt og smátt þegar hagur allra er að láta samfélagið vaxa og dafna.

Þannig veður þjóðfélag 21. aldar, eða það verður ekkert þjóðfélag.

Því hagfræði dauðans er komin á endastöð, átakaferlin sem hún skapar er komin á það stig að allt er að fara í bál og brand, og enginn sér sér hag í friðnum, allir urra á hvorn annan, vopn eru skekin, skildir brýndir.

Þetta er svo einfalt Óskar, við þurfum aðeins vilja þetta og hitt kemur að sjálfu sér, þar á meðal þessi hugsun orðuð á þann hátt að aðrir skilji.

Ég er aðeins að byrja að orða hana, milljónir eiga eftir að gera það miklu betur, og milljarðar eiga eftir að skilja.

En á meðan þarf einhver að byrja."

Stundum orða aðrir manns eigin hugsun svo vel að litlu er við að bæta.

Vel að verki staðið

Komin er út skýrsla hjá Landsvirkjun sem sýnir hvað maður var að starfa við frá 2007 til 2011.
Skýrslan er 52mb vegna fjölda ljósmynda en þær segja oft meira en mikill texti.
Er bara andskoti ánægður með mig og mína samstarfsmenn en árangur í svona verkefni byggjast á að ná góðu samstarfi við hæfilíkaríka tækjastjórnendur og flestri þeirra bestu hafa komið að þessu.
Ekki má heldur gleyma samvinnufúsum stjórnendum og eigendum verktakafyrirtækja.

Sjá frétt:
http://www.landsvirkjun.is/frettir/frettasafn/nr/1606

Slóð á skýrslu:
http://valli57.blog.is/users/95/valli57/files/karahnjukavirkjun_fragangur_vinnusvaeda.pdf

Tengill er hér neðst á þessari blogg færslu.

Umfjöllun og gangrýni margra umhverfissinna hefur oftast byggst á upplýsingaskorti og þekkingarleysi á staðháttum sem leitt hefur til upphrópana og ýkjufrásagna sem vert er að leiðrétta.
Umhverfismál eru mikilvægt málefni fyrir komandi kynslóðir og öfgakenndar fullyrðingar hjálpa ekki málstaðnum, margir þeir hörðustu umhverfisverndarsinnar sem ég hef kynnst eru starfandi við verklegar framkvæmdir og í stað þess að hrópa á torgum og í bloggheim þá starfa þeir í hljóði og sýna í verki umhyggju sýna fyrir landinu.
Margar myndirnar í þessari skýrslu lofa þeirra verk með réttu.

Skrár tengdar þessari bloggfærslu:

• Kárahnjúkavirkjun. Frágangur vinnusvæða

Misnotaðir drengir eru væntanlegir glæpamenn

Gleymi því seint er talskona Stígamóta gegnsýrð af karlahatri fullyrti í sjónvarpsviðtali að misnotaðir drengir væru glæpamenn í mótun sem seinna hefndu sín með því að misnota aðra drengi og stúlkur.
Varla hefði það verið hvetjandi ef konur hefðu fengið þessi sömu skilaboð um að þær væru ekki fórnalömb heldur hættulegar glæpadræsur sem ætti bara eftir að finna og loka inni.
Misnotkun á drengjum er líklega meiri en talið hefur verið og á því þarf að taka, en fyrirbyggjandi aðgerðir gegn hverskonar ofbeldi þarf að viðhafa á öllum sviðum til að ekki teljist bara eðlilegt að niðurlægja okkar ungu samborgara og skilaboðin sem ungt fólk fái um hvað sé eðlilegt séu óskýr
Dulið ofbeldi sem oft er undir yfirskini til dæmis busunnar eða því að fá innvígslu í félagsskap, er eitthvað sem ætti að stöðva en ekki samþykkja sem eðlilegrar framkomu við aðra manneskju.
Er eðlilegt að löðrunga manneskju og ata aur eða rífa úr fötum og rassskella, en ef slegið er með krepptum hnefa verður það þá að ofbeldi og kæruefni.
Það gengur ekki upp að það sé í lagi að ata nýnema í allskonar óþvera og beita þá hörku né það að rassskella nýliða í íþrótt sé í lagi, ef þessi sama hegðan yrði líklega án undantekninga að sakamáli í daglegu lífi.
Hvernig er hægt að bera traust til skólayfirvalda og íþróttahreyfingar sem á að vera að byggja upp heilbrigða sál í hraustum líkama, þegar svona lagað viðgengst ár eftir ár.
Hvaða siðferðismynd og viðhorf hafa þeir sem þetta upplifa og hvernig er viðhorfið eiginlega hjá þeim sem láta þetta viðgangast.
Ég tengi þetta saman því mikilvægasta veganesti sem hver manneskja fær í upphafi og mótar hana mest á sér stað á æskuskeiðinu, og mér finnst fyrirmyndirnar skelfilegar.

Brot gegn drengjum er staðreynd

Það var kysstur vöndurinn í dag.

Á Austurvelli fóru fram mótmæli í dag sem opinberuðu vel tvískinnung og hræsni, það er gott að í okkar lýðræðisríki skuli fólk fá að koma saman og mótmæla því sem það telur vera óréttlæti.
Við höfum fylgst með og mörg hver hvatt þá mótmælendur sem eru nánast orðnir hluti af götumyndinni við Austurvöll til dáða, og dáðst í fjarlægð af þrautseigjunni og ætlaðri lýðræðisástinni.
Nú komu útvegsmenn og sjómenn til að mótmæla eins og þeim er heimillt sem og öðrum þjóðfélagshópum, og þá bregður svo við að þetta fólk götumyndarinnar sem virðist orðið telja sig vera á hinni einu réttu skoðun, kemur til að þagga niður í þessum mótmælendum með frammíköllum sem og með öðrum hætti.
Stokkhólmsheilkennið hefur heltekið þetta fólk sem telur sig orðið eiga mótmæli við Austurvöll, það vill fá að mótmæla þar að vild en hefur ekki umburðarlindi til að bera þegar aðrir hópar í samfélaginu vilja koma sinni röddu að.
Persónulega vill ég tryggja að allar okkar helstu auðlindir sé tryggilega í eigu þjóðarinnar með ákvæði í stjórnarskrá og bjóða út veiðiréttinn með skilyrðum til ákveðins tíma í senn, ég sé engan eðlismun á því að gera út togara eða vinnuvélar og því ætti útboð með svipuðu sniði og tíðkast í verklegum framkvæmdum ekki að vera mikið mál varðandi sjávarútveg.
Ég sé hinsvegar margt athugunarvert við hegðun þeirra götumyndar mótmælenda sem halda að þessi lífsstíll sem þeir virðast sumir hafa tekið upp geri þá að rétthöfum mótmæla á Austurvelli, það er mikill tvískinnung og hræsni fólgin í þeirri afstöðu en ég er viss um að Jóhanna og Steingrímur eru sátt við að hafa með þrautseigju og þolinmæði snúið götumyndar mótmælendum upp í stuðningsmenn við stjórnvöld.
Það var kysstur vöndurinn í dag.

Fjölmenni á samstöðufundi á Austurvelli

Djöfulsins væl er þetta!

Djöfulsins væl er þetta, segðu helvítis manninum að grjót halda kjafti og skammast sýn.
Kann enginn orðið Íslensku í þessum væluklúbb sem minnir á lélega eftirlíkingu að Breskum snobbklúbb frekar en Alþingi frjálsra einstaklinga.
Menn og konur eiga að nota okkar fagra mál og beita orðanna vali í stað þess að væla eins og litlir krakkar.
Það er góður siður að gera málefnin upp og afgreiða með hreinskilni, svo er hægt að sættast með því að ná saman eða vera sammála um að vera ósammála.
Að bera virðingu fyrir skoðunum annarra er ekki það sama og að vera sammála.
Virðing alþingis byggist ekki upp á blekkingaleik með bjöllubarningi og gömlum hirðsiðum heldu hreinskiptni og skýru máli.
Falskar ásakanir eru sem bergmál og hitta þann fyrir sem ber þær fram.

Þingmenn slegnir yfir ummælum

Nýtt launa og menntakerfi

Laun og verðleiki manneskju er metin út frá árum sem setið er í skólastofu, hlustað á kennara, leist verkefni og lesnar bækur um oft á tíðum hluti sem aldrei nýtast í daglegu lífi eða starfi.
Þú ert metin út frá vottuðum pappírum sem gefnir eru út af þeim sem hafa atvinnu af því að halda þér við þetta nám.
Sá sem hefur sannað sig við raunverulegar aðstæður og getur framvísað rekjanlegum árangri skiptir engu máli ef pappíra vantar, frá stofnunum sem hafa talið öllum trú um að þekking og greind myndist aðeins við staðlað umhverfi innan veggja þessara söfnunarmiðstöðva fyrir fólk.
Við þurfum að brjótast út úr þessu kerfi sem er farið að lifa að mestu til þess að viðhalda sjálfu sér og sogar til sýn nánast alla fjármuni til nýsköpunar líka, einstaklingsmiðað nám sem fylgir þroska einstaklings og andlegri getu eftir því sem þroskastökkin koma er eina vitræna leiðin og með tölvutækni má gera slíkt án þess að drepa niður frumkvæðið.
Sé nemanda treyst til að stýra eigin námi og hann geti valið sjálfur úr hlaðborði þekkingar án þvingunar mun fara saman áhugi á efni og þekking á því sviði sem skilar okkur jákvæðari og hamingjusamari einstaklingum, að sjálfsögðu verður kennsla í lestri, skrift og stærðfræði að vera sem grunnur en svo á að leyfa frjálst hugarflug með eftirfylgni til að geta hjálpað nema yfir þröskulda.
Að setja kennara inn í þjónustumiðstöð en sleppa nemendum út með fartölvu er gríðarlegur sparnaður fyrir samfélagið og mun skapa samfélag þekkingar og ánægðari einstaklinga.
Óttinn við breytingar og baráttan um að gera sig ómissandi er hindrun á framförum og velferð.

http://youtu.be/gM95HHI4gLk

Sjalfsumgleði stjórnmálamanna í samhæfingarmiðstöð

http://www.visir.is/telur-umbrot-i-krysuvik-geta-leitt-til-sprungugoss-i-heidmork/article/2012120529142

Þrátt fyrir að Haraldur Sigurðsson, einn þekktasti og virtasti eldfjallafræðingur Íslendinga, telji að umbrotin í Krýsuvík geti hugsanlega leitt til eldgoss fyrir ofan Hafnarfjörð, í Heiðmörk eða í grennd við Elliðavatn er verið án hiks að hefja byggingu á hátæknisjúkrahúsi í Reykjavík.
Í Reykjavík er einnig nánast öll lykilþjónusta landsins og í stað þess að byggja hluta af þessu til dæmis á Akureyri, er verið að skera niður nánast allan raunverulegan sjúkrahúsrekstur á landsbyggðinni þannig að það er að vera komin upp sú staða að öll fjöreggin eru í sömu körfunni.
Það vantar ekki sjálfsumgleðina né sýndarmennskuna þegar eitthvað kemur upp á og stjórnmálamenn birtast á sjónvarpsskjánum þar sem þeir eru baðaðir fjölmiðlaathygli í Samhæfingar miðstöðinni Reykjavík og yfirleitt er gasprað í fjölmiðlum um hvað mörg hundruð sjálfboðaliðar hafa verið kallaðir út, en það verður víst minna um árangur þegar rýma þarf Reykjavík þar sem um það verkefni eru víst ekki einu sinni til raunhæfar áætlanir og þeir sem hamast við að verða ómissandi eru skyndilega orðnir fórnalömb.
Það lendir þá á öðrum að framkvæma flutninga á 203.385 höfuðborgarbúum og 21.361 íbúa af Suðurnesjum til viðbótar, og það þarf að taka við þessu fólki, fæða, klæða og skýla auk þess sem aldraðir og sjúkir þurfa þjónustu og margir sjúkrahúspláss sem verður ekki til staðar miðað við óbreytta stefnu og flutning á öllu til Reykjavíkur.
Það verður að vera til önnur stjórnstöð og önnur sjúkrahús ásamt þeim stofnunum sem þarf til að reka landið ef Reykjavík verður úr leik, annað er algert ábyrgðar og andvaraleysi sem því miður einkennir oft of mikla sjálfsánægju.

Gíslataka er ekki innansveitamál

Það ætti öllum að vera ljóst hvað mikilvægur þjóðvegur 1 er byggð í landinu og að hagsmunir fárra verða að víkja til hliðar frekar en þeir séu látnir kæfa atvinnulíf og íbúabyggð annarstaðar á landinu.
Það er því bráð nauðsynlegt að skerða ákvörðunarvald einstaka sveitarfélaga er kemur að þjóðvegi 1, það ætti að vera búið að afhenda sveitarfélögum allt vegakerfið innan sveitarfélagsmarka ásamt þeirri starfssemi Vegagerðar Ríkisins sem er í viðkomandi sveitarfélagi og fela þeim að taka við þeirri skildu sem fylgir veghaldi, en þá verða líka að fylgja tekjur til að gera þeim það kleift.
Það er hálf kjánalegt að ríki og sveitarfélög séu að karpa árlega um kostnað við vegakerfi innan sveitarfélaga, vegakerfi sem er hvorki hentugt fyrir sveitarfélagið né þjónar orðið fullkomlega tilgangi sýnum sem flutningsleið allra landsmanna eftir að búið er að raða hringtorgum og hraðahindrunum á þjóðveg 1 til að hann falli að þörfum einstaka hagmunaaðila.
Ríkið að hafa allar þær lagaheimildir sem þarf til að staðsetja þjóðveg 1 jafnvel utan byggðakjarna ef það þjónar þeim grunntilgangi þjóðvegar 1 að vera örugg og ódýr vöru og fólksflutningaleið.
Nánast öll atvinnustarfssemi á landsbyggðinni er með lífið undir varðandi flutningskostnað og að láta hagsmuni einhvers sjoppueiganda í öðrum landshluta ráða því hvort fyrirtæki lifa eða gefast upp er brjálæði fyrir utan það að íbúar landsbyggðarinnar þurfa að greiða svona einkahagsmuna dekur í hærri vöruverði.
Sjálfur vill ég efna til opinnar samkeppni um tillögur til styttingu þjóðvegar 1 og bjóða í framhaldi af því út hönnun endurbóta, þannig að við getum verið komin með vitræna flutningsleið innan 10-15 ára sem þjónar öllu landinu en er ekki í gíslatöku einkahagsmuna víða um land.

Nefnd fer yfir vegi og skipulag

Fara ekki að koma kosningar

Sósíalismi Samfylkingar og Vinstri Grænna er sem heimspeki eymdarinnar,
Trúarjátning fáfræði og fagnaðarerindi öfundar,
Útkoman og helsta dyggðin er jöfn dreifing á eymd og vonleysi