Eyðslugleði og sýndarmennska

Hin nýja flugvél landhelgisgæslunnar er víst mjög vel tækjum búin og því er alger óþarfi að hafa einhverja spekinga elítu fljúgandi um í vélinni yfir gosstöðvunum.

Fagfólkið sem þarf að fá gögn getur unnið úr þeim við skrifborð og fengið öll þau gögn sem landhelgisgæslan hefur, td myndir og mælingar sendar til sín.

Þá getur þetta fólk lesið af mælitækjum sem hinir ýmsu eru búnir að koma þarna fyrir, og eða óskað eftir því að fá frekari gögn.

Það er engin ástæða til að senda þetta fólk á staðinn nema í undantekningar tilfellum, því er verið að hætta óþjálfuðum háskólamenntuðum sérfræðing inn á svæði til að afla upplýsinga sem þjálfaður björgunarsveitamaður getur aflað.

Svona smá útgáfa af þættinum spekingar spjalla er eflaust góð skemmtun fyrir þetta fólk en alger óþarfi að gera það í rándýrri vél landhelgisgæslunnar.

Ráðherrar og aðrir slíkir geta bara fengið upplýsingar hjá stjórnsýslunni eða keypt sér útsýnisflug fyrir eigin peninga en ekki verið að misnota skattfé okkar, sjálfum sér til yndisauka en engum til gagns.

Það er verið að skera niður á sjúkrahúsum landsins og skerða þjónustu um allt samfélagið, því svíður manni þetta andskotans bull sem felst í að fljúga á þyrlum og flugvélum fyrir miljónatugi með yfirstéttar lið á kostnað skattborgara en vísa á sama tíma veiku fólki út á götu.

Þyrlur landhelgisgæslunnar hafa verið notaðar til hraðamælinga og eftirlits með rjúpnaveiði sem og í útsýnisflug með silkihúfur, þetta eru tæki sem kosta hundruð miljóna og kostar hundruð þúsunda að halda í rekstri hvern dag, því ofbýður manni þegar yfirvöld sem væla um fjárskort eru að nota þessi tæki svona eins og krakkar með leikföng.

Er ekki komin tími til að yfirstéttin í samfélaginu fari að halda aftur af sér í útgjaldagleði með okkar skattfé eins og spilapeninga í almannatengslaleik.

Það þarf að fæða, klæða og hjúkra fólki fyrir þessa peninga.

Ráðherra skoðaði gosið

Anda með nefinu

Það er einkenni allra hamfara náttúrunnar að hópur fræðimanna kemur í kjölfarið og fer á mikið hugarflug um leið og sögulegri þekkingu er komið á framfæri.

Gott er að hugsa fram í tíman og vera búin undir það versta en er skynsamlegt að mála alltaf andskotann á veggin og gera ráð fyrir endalokum heimsins.

Það er nefnilega svo að mikið er til að fólki sem ekki má við svona hræðslu fræðslu og betra fyrir menn að anda með nefinu og velja orð sýn í fjölmiðlum með tilliti til þess sem er að gerast en ekki fara að gera sér í hugalund hvað gæti gerst ef allt færi á versta veg.

Ísland er nefnilega einn risastór tappi í eldgíg sem nær inn að möttli og óþarfi að velta sér upp úr viðbragðsáætlun eða hugleiðingum um slíkt gos.

Anda með nefinu kæra fólk, líka gott að anda í bréfpoka smá stund.

Þurfum að fylgjast með Kötlu

Stjórntæki trúarinnar

Mikið afskaplega er sorglegt að sjá þau systkin trú og fáfræði leiðast um heiminn og skaða mannanna börn sem og aðra.

Nánast öll okkar hafa þessa þörf fyrir það að trúa á eitthvað æðra en okkur sjálf, og enginn skortur er víst á fólki til að misnota þessa þörf okkar sjálfu sér til valdsauka og framfærslu.

Valdastéttin var fljót að sjá hvað miklum tökum trúin hefur á fólki og hefur í flestum ríkjum heimsins innlimað stjórnendur hinna ýmsu trúarbragða og nýtt til að hjálpa til við stjórnun almennings.

Það hefur verið öflugt að geta hótað fólki vísa vist í helvíti ef það ekki hlýðir valdsmönnum og mörg veikburða manneskjan hefur gefið kirkjunnar mönnum aleiguna, eftir að búið er að skelfa úr fólki við dauðans dyr alla von með hótunum um vist í helvíti og eilífri pínu.

Ríki og kirkju á skilyrðalaust að aðskilja að fullu og halda öllum eigum kirkjunnar hjá ríkinu, trúfrelsi á að ríkja en það hlýtur að teljast eðlileg krafa að söfnuðir sjái sjálfir um sýna fjármögnun og rekstur.

Ég segi trúfrelsi, með þeim fyrirvara að trúarbrögð sem boði ofsóknir gegn öðrum eða mismunun sem ekki er samræmanleg samfélagi okkar verði undanskilin.

Dæmdur til dauða fyrir svartagaldur

Jákvætt

Norðmenn eru ekki asnar og vita hvar þeirra langtímahagsmunir liggja, hin norðurlöndin eru að sjálfsögðu bara að hugsa um sýna hagsmuni sem liggja inn í þeirri grafhvelfingu sem þeir völdu sér, ESB

Vilja lána óháð Icesave

Mikil vinna

Það er alveg við hæfi að óska nýjum formanni til hamingju með kosninguna og óska honum og hans samstarfsfólki velfarnaðar í starfi, ekki veitir af.

Svo mun tíminn leiða í ljós hvernig til tekst, hvort aðeins séu komin ný andlit á gamla þorskinn eða hvort nýir vindar blási um sali.

Eru bjartsýn á framtíð flokksins

Lífið er fiskur

Það er merkilegt hvað þessi flokkur og hans talsmenn virðast fastir í gamla vertíðarandanum þegar lífið var fiskur og aftur fiskur.

Stundum skrepp ég til frænda og hans spúsu til að fá lánaðan bátinn þeirra og dreg nokkra þorska úr sjó í soðið fyrir mig og mína.

Kyrrðin, ölduhreyfingin, sjávarilmurinn og gutlið í hafi er sem samanþjöppuð slökunar vika á einni klukkustund og maður nýtur þess.

Það er samt líf eftir veiðar og vinnslu aflans, maður getur vel litið upp og talað um eitthvað annað en fisk.

Því miður virðist Frjálslindaflokknum og hans talsmönnum ganga illa að tala um annað og því er oftast talað um eins máls flokk manna á meðal þó þeir hafi í stefnuskrá fjöldann af öðrum málum sem virðast nánast enga umfjöllun fá.

Ég held að Grétar nokkur Mar sé fyrir þó nokkru búin að átta sig á þessu og er því ásamt öðrum búin að safna liði til að berjast gegn kvótaómyndinni á vettvanginum http://www.þjóðareign.is/.

Það átak gæti bjargað þessum flokk frá því að hverfa inn í minninguna sem sértrúarsöfnuður gamalla trillukarla, ef verkefnið heppnast og þjóðin fær að kjósa í þjóðaratkvæðagreiðslu um það hvort auðlindirnar yrðu þjóðareign.

Vonandi tekst nýjum formanni að breyta þeirri ímynd flokksins að þetta sé eins máls flokkur sérvitringa, yfir í það að teljast víðsýnn lýðræðisflokkur sem er opin fyrir nýjum straumum og hvetur til öflugs, lifandi málefnastarfs.

Rífi þessi flokkur sig ekki upp úr fiskikarinu er útför framundan.

Sjá líka http://skagstrendingur.blog.is/blog/skagstrendingur/entry/1032429/

Hefði verið betra að hlusta á Frjálslynda flokkinn

Jákvætt

Það er gaman og gott að sjá hugvit og hugmyndir virkjaðar en er ekki tilvalið að efla svona framtak, með til dæmis því að nýta þær byggingar sem standa auðar af einhverjum ástæðum út um allt land til nýsköpunar, það er alveg tilvalið að hvetja sem flesta til að hefja rekstur og eða auka þá starfssemi sem hafin er.

Með því að bjóða laust húsnæði fyrir litla leigu eða sem samsvarar kostnaði við rekstur húsnæðis er hægt að gera fólki kleift að hefja rekstur án mikils byrjunarkostnaðar.

Ég er sannfærður um að það eru margir sem hafa bæði hugmyndir og viljann til að hefja rekstur, en vantar bara hvatninguna og aðstöðu til að fara af stað.

Fyrirferðarmiklir frumkvöðlar

Rasismi kynja er til skammar

Frábært að þessa ungu hæfileikaríku konur fengu styrki og ég samgleðst með þeim, en mér ofbýður þessi speglun á gömlu apartheit stefnu Suður Afríku yfir á kyn.

Ef fólk breytir heitinu kvenna yfir í hvítur maður, þá skilst kannski hvað ég er að segja.

Í stað þess að mismuna fólki eftir litarhætti er verið að mismuna eftir kyni sem er alveg jafn andstyggilegt og annað hatur á manneskju vegna meðfædds eiginleika.

Manneskjur á að dæma eftir verðleika en ekki vegna þess hvaða kynfæri viðkomandi fæddist með, slík flokkun á fólki er alveg sú sama og að flokka fólk sem júða, niggara og eða á annan slíkan skammarlegan hátt.

Alþingi Íslendinga er ekkert betra en þau stjórnvöld sem voru í Suður Afríku þegar lög sem tryggja mismunun eftir hvaða kynfæri fólk fæddist með eru samþykkt, í staðin fyrir að flokka fólk eftir húðlit er fólk flokkað niður eftir kynfærum og mismunun lögfest.

Það er miklu nær að banna með lögum alla flokkun fólks í karla eða konur þegar ráðningar í störf eiga sér stað en mismuna fólki svona gróflega.

Það eru sem sagt ekki hæfileikarnir sem munu ráða mestu í ráðningaferlinu heldur kynfærin, og mér finnst það til skammar að ráðamenn skuli virkilega hafa svo lítið álit á konum að þeir telji þörf á mismunun vegna kynfæra.

Allar konur sem ég hef kynnst á lífsleiðinni hafa sömu hæfileika og karlmenn ef undanskildir eru líkamskraftar, og geta því gengið í öll þau störf sem þær vilja.

Það eina sem hefur haldið aftur af konum er þeirra eigin hógværð og lítillæti, og um það vill ég kenna uppeldinu sem þær hafa fengið hjá mæðrum sýnum.

Styrkir til atvinnureksturs kvenna

Hugsum lengra en um morgundaginn

Vísum ASG úr landi og slítum viðræðum við ESB því framtíðin er fólgin í samskiptum við Kína en ekki í því að skríða sem barðir hundar við fótskör gömlu nýlenduveldanna í Evrópu.

Ef fólk bara les mannkynsöguna þá drýpur blóð úr hverri blaðsíðu sem fjallar um afrek gömlu nýlenduveldanna við að sigra frumstæðar og minni þjóðir með svínslegum aðferðum til að komast yfir auðlindir eða til að tryggja sér land.
Það hefur aldrei rofnað nætursvefn þessar þjóða vegna samviskubits yfir örlögum annarra, og enn er til dæmis Afríkuríkjum hindraður aðgangur að mörkuðum Evrópu sem heldur lífskjörum þar niðri.

Við eigum að endurvekja viðræður við Kína og stórefla samskipti og verslun við Afríku því ESB er að kafna í eigin regluverki og aðgengishindrunum, aldur íbúa Evrópu hækkar ört og fæðingatíðni lækkar ört á sama tíma og ríkin í ESB eru að drukkna í atvinnuleysi og eru að sökkva í skuldafen.

Gerum Ísland að viðskiptamiðstöð fyrir stórveldið Kína, hér er hægt að setja vörur saman, geyma eða flytja áfram til Evrópu og Bandaríkjanna sem og selja okkar framleiðslu til þeirra.

Það eru gríðarlegir möguleikar og framtíð fyrir óháð og sjálfstætt Ísland, ef við bara þorum að treysta okkur sjálfum fyrir framtíðinni í stað þess að skríða sem barðir rakkar inn í ESB grafreitinn.

Kínverjar með augastað á Íslandi

Loksins von, "væntanleg"

Forusta ríkisstjórnarinnar talar of mikið um hvað þau ætla að gera seinna, það er löngu tímabært að sjá aðgerðir framkvæmdar og frumvörp lögð fram á þingi.
Væntingariðnaðurinn kom okkur fjárhagslega á hnén og það er engin þörf fyrir væntingaraðgerðir, það er búið að halda þessar söluræður um hvað fólk ætlar að gera seinna of oft.

Þær aðgerðir sem eru kynntar eru flest allar til bóta en er ekki komin tími á að hefja vaktavinnu og vinna 24 klukkustundir sjö daga vikunnar þar til bráðavakt til bjargar fjölskyldum landsins getur lokið störfum.

Dugleysið og seinagangurinn er yfirþyrmandi hjá stjórnvöldum sem virðast halda að einhverjir einstaklingar séu ómissandi í svona vinnu og það virðist sem allt sé unnið miðað við getu þeirra, í stað þess að virkja allan þann mannauð sem við höfum, flýta verkefnum og fá þannig marga til að leggja fram sýna þekkingu.

Það eru skemmd epli í ríkisstjórn sem eru að kæfa samfélagið með forsjárhyggju þess sem er orðin andlega getulaus, ef yngra fólkið rífur sig ekki undan þessu fargi fortíðar og tekur upp samráðsstjórnun að hætti nýrra tíma endar það sjálft sem hindrun á vegi viðreisnar og sem ankeri í uppbyggingu betra samfélags.

Dregið úr vægi verðtryggingar