Rasismi kynja er til skammar

Frábært að þessa ungu hæfileikaríku konur fengu styrki og ég samgleðst með þeim, en mér ofbýður þessi speglun á gömlu apartheit stefnu Suður Afríku yfir á kyn.

Ef fólk breytir heitinu kvenna yfir í hvítur maður, þá skilst kannski hvað ég er að segja.

Í stað þess að mismuna fólki eftir litarhætti er verið að mismuna eftir kyni sem er alveg jafn andstyggilegt og annað hatur á manneskju vegna meðfædds eiginleika.

Manneskjur á að dæma eftir verðleika en ekki vegna þess hvaða kynfæri viðkomandi fæddist með, slík flokkun á fólki er alveg sú sama og að flokka fólk sem júða, niggara og eða á annan slíkan skammarlegan hátt.

Alþingi Íslendinga er ekkert betra en þau stjórnvöld sem voru í Suður Afríku þegar lög sem tryggja mismunun eftir hvaða kynfæri fólk fæddist með eru samþykkt, í staðin fyrir að flokka fólk eftir húðlit er fólk flokkað niður eftir kynfærum og mismunun lögfest.

Það er miklu nær að banna með lögum alla flokkun fólks í karla eða konur þegar ráðningar í störf eiga sér stað en mismuna fólki svona gróflega.

Það eru sem sagt ekki hæfileikarnir sem munu ráða mestu í ráðningaferlinu heldur kynfærin, og mér finnst það til skammar að ráðamenn skuli virkilega hafa svo lítið álit á konum að þeir telji þörf á mismunun vegna kynfæra.

Allar konur sem ég hef kynnst á lífsleiðinni hafa sömu hæfileika og karlmenn ef undanskildir eru líkamskraftar, og geta því gengið í öll þau störf sem þær vilja.

Það eina sem hefur haldið aftur af konum er þeirra eigin hógværð og lítillæti, og um það vill ég kenna uppeldinu sem þær hafa fengið hjá mæðrum sýnum.

Styrkir til atvinnureksturs kvenna

Hugsum lengra en um morgundaginn

Vísum ASG úr landi og slítum viðræðum við ESB því framtíðin er fólgin í samskiptum við Kína en ekki í því að skríða sem barðir hundar við fótskör gömlu nýlenduveldanna í Evrópu.

Ef fólk bara les mannkynsöguna þá drýpur blóð úr hverri blaðsíðu sem fjallar um afrek gömlu nýlenduveldanna við að sigra frumstæðar og minni þjóðir með svínslegum aðferðum til að komast yfir auðlindir eða til að tryggja sér land.
Það hefur aldrei rofnað nætursvefn þessar þjóða vegna samviskubits yfir örlögum annarra, og enn er til dæmis Afríkuríkjum hindraður aðgangur að mörkuðum Evrópu sem heldur lífskjörum þar niðri.

Við eigum að endurvekja viðræður við Kína og stórefla samskipti og verslun við Afríku því ESB er að kafna í eigin regluverki og aðgengishindrunum, aldur íbúa Evrópu hækkar ört og fæðingatíðni lækkar ört á sama tíma og ríkin í ESB eru að drukkna í atvinnuleysi og eru að sökkva í skuldafen.

Gerum Ísland að viðskiptamiðstöð fyrir stórveldið Kína, hér er hægt að setja vörur saman, geyma eða flytja áfram til Evrópu og Bandaríkjanna sem og selja okkar framleiðslu til þeirra.

Það eru gríðarlegir möguleikar og framtíð fyrir óháð og sjálfstætt Ísland, ef við bara þorum að treysta okkur sjálfum fyrir framtíðinni í stað þess að skríða sem barðir rakkar inn í ESB grafreitinn.

Kínverjar með augastað á Íslandi

Loksins von, "væntanleg"

Forusta ríkisstjórnarinnar talar of mikið um hvað þau ætla að gera seinna, það er löngu tímabært að sjá aðgerðir framkvæmdar og frumvörp lögð fram á þingi.
Væntingariðnaðurinn kom okkur fjárhagslega á hnén og það er engin þörf fyrir væntingaraðgerðir, það er búið að halda þessar söluræður um hvað fólk ætlar að gera seinna of oft.

Þær aðgerðir sem eru kynntar eru flest allar til bóta en er ekki komin tími á að hefja vaktavinnu og vinna 24 klukkustundir sjö daga vikunnar þar til bráðavakt til bjargar fjölskyldum landsins getur lokið störfum.

Dugleysið og seinagangurinn er yfirþyrmandi hjá stjórnvöldum sem virðast halda að einhverjir einstaklingar séu ómissandi í svona vinnu og það virðist sem allt sé unnið miðað við getu þeirra, í stað þess að virkja allan þann mannauð sem við höfum, flýta verkefnum og fá þannig marga til að leggja fram sýna þekkingu.

Það eru skemmd epli í ríkisstjórn sem eru að kæfa samfélagið með forsjárhyggju þess sem er orðin andlega getulaus, ef yngra fólkið rífur sig ekki undan þessu fargi fortíðar og tekur upp samráðsstjórnun að hætti nýrra tíma endar það sjálft sem hindrun á vegi viðreisnar og sem ankeri í uppbyggingu betra samfélags.

Dregið úr vægi verðtryggingar

Gott framtak og þarft

Það hafa farið í gegnum tíðina ýmsir lagalegir bastarðar hjá alþingi og stofnun lagaskrifstofu alþingis til að yfirfara og gæðameta frumvörp til laga er löngu tímabært.

Lög frá alþingi setja samfélaginu skorður og móta það til framtíðar, því er mikilvægt að virkt og raunverulegt gæðaeftirlit sé til staðar.

Við verðum að tryggja fagleg og vönduð vinnubrögð á alþingi, þar sem þverskurður af þjóðinni á að sitja og setja saman lagaramma sem tryggir sanngirni og sátt í samfélaginu, við eigum ekki að raða eingöngu á alþingi einstaka starfsstéttum heldur velja einstaklinga sem spegla samfélagið utan veggja þingsala og hafa flest allt litróf skoðana inn á þingi til að samfélagssátt sé tryggð.

Þá verður að taka á aðskilnaði framkvæmdarvalds og löggjafavalds og hafa það alveg skýrt, að það er löggjafavaldið sem er æðst og framkvæmavaldsins er að fylgja reglum sem þaðan koma.

Fagmennsku verður að viðhafa hjá framkvæmdarvaldi og þann ósið að raða stjórnmálamönum í störf framkvæmdavalds verður að leggja af, enda eru þessir frambjóðendur kosnir á þing en ekki ráðnir sem starfsmenn í gatnagerð eða önnur slík störf.

Vilja sigta gölluðu lögin út

Fyrirmyndar ráðherra eða ráðafrú

Það er greinilegur munur á því að ráða fagmanneskju til starfa sem ráðherra eða sitja uppi með flokksgæðinga sem eru settir sem ráðherrar vegna pólitískra hrossakaupa og eru jafnvel með nánast enga sérþekkingu á viðkomandi sviði.

Það á að aðskilja löggjafavald og framkvæmavald miklu betur og ég sé ekki hversvegna frambjóðendur til alþingis eigi að raðast í ráðherraembætti og önnur störf sem eiga að vera nánast alfarið hjá framkvæmdarvaldi.

Alþingi á að vera þverskurður þjóðarinnar og að sinna lagagerð en ráðherrar ættu að vera fagfólk sem situr fyrir svörum á alþingi ef þing boðar ráðherra þangað, annars á þetta fólk að sinna rekstri samfélagsins í samræmi við þær reglur sem alþingi þeim setur til að fara eftir.

Ragna Árnadóttir er greinilega með rökhugsunina í lagi og sinnir sýnu starfi en er ekki í endalausri hagsmunagæslu fyrir flokkinn.

Hún er að gera líklega meira á hverjum mánuði en Fyrri dómsmálaráðherra gerði á ári hverju og kann að forgangsraða verkefnum í stað þess að einbeita sér að hermannaleik.

Dómsmálaráðherra á hrós skilið þrátt fyrir að hafa lent í þessum félagsskap.

Aðskilnaður lögreglu og sýslumanna fyrsta verk

Skattsvik eru þjófnaður úr okkar vasa

Það er alveg skýrt að skattsvik eru ekkert nema þjófnaður úr okkar vasa, svört atvinnustarfsemi og undanskot tekna er eitthvað sem við eigum ekki að líða, því að þeir sem þetta stunda eru að stela frá okkur sjálfum.

Sættum við okkur við að gráðugir þjófar komist undan því að greiða sinn hlut í rekstrarkostnaði samfélagsins og velti endalaust á okkur hin að greiða kostnað vegna menntunar barna þeirra eða vegna þjónustu heilbrigðiskerfis sem þjófarnir njóta á okkar kostnað auk annarrar aðstöðu og þjónustu í okkar boði.

Skattsvikarar eru ekkert nema sníkjudýr sem lifa á öðrum í samfélaginu eins og blóðsugur, það á að taka hart á undanskotum þjófa og hiklaust að kæra slíka starfssemi því þjófarnir grafa undan rekstri þeirra sem heiðarlega starfa.

Vilji fólk raunverulega siðbót í samfélaginu er ráð að byrja í eigin garði og reita upp arfann í samfélaginu.

Hundraða milljarða skattsvik

Tekjur framtíðar

Það þarf að efla smáiðnað til muna og nýta allt það sem til er svo atvinna aukist og tekjur myndist, hér er slóð á eina tillögu til uppbyggingar: http://skuggathing.is/priorities/249-stofnun-smaidnadarvina

Frumkvöðlar kynntu starfsemi sína

Í góðri trú

Sennilega eru flest öll mestu grimmdarverk mannkynssögunar gerð af fólki sem var að framkvæma í góðri trú og oftast samkvæmt ákvörðunum annarra.
Kaþólska kirkjan og hennar fylgjendur hafa farið með geðsjúkt fólk sem skepnur í aldanna rás og gert það í þeirri trú að andskotin og hans árar væru sestir í fólk, þar af leiðandi yrði að frelsa sáluna á kostnað líkamans með öllum ráðum.
Ef andskotin er til annarstaðar en í hugum fólks þá er hann líklega leiðtogi trúarhreyfingar sem veldur einföldum sálum ómælanlegar þjáningar.
Í góðri trú er hægt að fá jafnvel besta fólk til að fremja ógæfuverk.
Ég hætti við að telja upp hér ógæfuverk sem eru og hafa verið unnin í nafni trúar því listin yrði of langur og viðurstyggilegur.
Ég vill ekki grafa upp og horfast í augu við gjörðir þessa fólks en geri ráð fyrir að hver og einn hljóti örlög við hæfi, svo uppsker sem sáir.

Segir djöfulinn hafa hreiðrað um sig í Páfagarði

Að þétta raðirnar

Steingrímur og Jóhanna hafa talað um að þétta raðirnar, er verið að tala um að ráðast á einstaklinga til að þagga niður í þeim og vinna svo bakvið luktar dyr.

Það hefur verið lengi siður á Íslandi að ráðast á einstaklinga í stað þess að taka á málefnum og þegar lömbin þagna hefur það verið verið talið merki um almenna ánægju í samfélaginu, þessi gamla óttastjórnun hefur virkað í áratugi en það eru breyttir tímar í stjórnun og lykillinn að árangri er samráðsstjórnun en ekki afturhvarf til stjórnunarstíls Stalíns.

Verkefni Jóhönnu og Steingríms er gríðarlega erfitt og krefjandi en þau buðu sig fram til starfans sjálfviljug og lofuðu um efni fram, þeim er því engin vorkunn.

Frambjóðendur til Alþingis bjóða sig fram til starfa sem þátttakendur í mótun laga og eiga að starfa á Alþingi við mótun lagaumhverfis þjóðarinnar, en þeir eru varla komnir inn á Alþingi þegar þeir hafa raðað sér í störf framkvæmdavaldsins og eru farnir að taka fram fyrir hendur eða sinna daglegum störfum embættismanna framkvæmdavaldsins, og farnir að þagga niður í samflokksfólki eða nota það sem peð til að samþykkja vilja framkvæmdavalds.

Fyrir mér eru 3 lykilatriði sem þarf að framkvæma sem fyrst:

Það verður að aðskilja löggjafann og framkvæmdavaldið betur.

Það verður að ráða ráðherra sem starfsmenn samkvæmt hæfnismati, en ekki setja bara einhvern sem ráðherra vegna pólitískrar rétthugsunar viðkomandi.

Það þarf að keyra í gegn persónukjör til að losna undan flokksvaldinu sem hefur nánast breyst í hagsmuna mafíur.

Þreyttur á þessu kjaftæði

Hvað er Parísarklúbburinn

Hér er nokkuð góð útskýring á þeim klúbb:

http://indiafarinn.blogspot.com/2009/07/parisarklubburinn.html

Sérfræðingar segja að ríkið þurfi að leita til Parísarklúbbsins