Ertu manneskja eða mús

Mér fannst afskaplega leitt að sjá L listann bakka út úr framboði og tel það mikinn missir fyrir lýðræðið þegar svona skeður, ég leyfi mér að halda því fram að mistök frambjóðenda liggi í þessari þráhyggju að stofna flokka og fara að samræma málflutning í stað þess að koma fram sem persónur með ólíkar skoðanir, og treysta kjósendum fyrir valinu á frambjóðanda án þess að reyna að setja skorður á val kjósandans með uppstillingu og samræmdum málflutning.

Ég hef fullan skilning á því að það að fara fram í hóp gefur fólki kjark til athafna og þor, en gegn því að gefa afslátt af skoðunum sýnum til að halda hópnum saman.

Það stelur enginn eða getur eignað sér hugsjónina um beint lýðræði sem er okkur öllum eldri, en þátttökuleysi mun kæfa vonina enn einu sinni og ef þú gerir ekkert , er ekki raunhæft að krefja aðra um að gera það sem þig skortir kjark til að gera.

Það þarf kjark til að fara gegn straumnum , en kaldhæðnislegt er að á sama tíma og talað um að fá nýtt fólk fram eru viðbrögðin við því ef einhver nýr gefur kost á sér yfirleitt þannig að viðkomandi fer að fá alskyns neikvæðar athugasemdir frá umhverfinu, og svo bíða blaðahundar flokksvaldsins eftir tækifæri til að klekkja á en ekki til að gefa kost á að kynna ný viðhorf og sjónarmið.

Fjölmiðlarnir eru orðnir svo vanir samhæfðum og æfðum málflutningi flokksræðis að þeim líkar illa að mismunandi sjónarmið séu innan eins og sama framboðs og tala um sundrungu, lýðræðið er snúið.

Ég skora því á þig að fara fram undir XP.is listanum sem er öllum opin óháð stjórnmálaskoðunum, þar rúmast allir einstaklingar sem þora að stíga fram í eigin nafni og láta ekki flokksmiðlana skelfa sig, hvort frambjóðandinn heitir Ástþór Magnússon, Davíð Oddsson eða eitthvað annað skiptir engu máli því það er kjósandinn sem í kjörklefanum raðar á listann með því að númera frambjóðendur eftir mati sínu á hæfi þeirra eða strokar út af listanum.

Farðu á XP.IS, smelltu á flipann Umsókn um stöðu þingmanns, fylltu hann út og þú ert komin í framboð ef þú hefur kjark til að standa fyrir þínum eigin orðum sem manneskja.

 

Ekki gott

Það er einstaklingum ávallt mikið áfall að lenda í svona atburðum og varla á bætandi í dag.

Milljónatjón hjá veiðimönnum

Skelfileg þróun og engin sýnileg viðbrögð

Það verður að krefja framboðinn svara við þeirra viðbrögðum vegna stöðu atvinnulífs og heimilanna.

Að skjalla kjósendur og tala um hvað grasið er grænna hjá Evrópusambandinu er sem málþóf í þessum kosningum og framboð eiga ekki að komast upp með að tala nánast um veðrið í stað ástandsins.

Ætla kjósendur virkilega að kjósa yfir sig  enn og aftur sama kerfið og setti okkur á hnén fjárhagslega, eiga þeir stjórnmálamenn sem voru of uppteknir við að úthluta sér ofur eftirlaunum og tryggja greiðslur úr Ríkissjóð í flokkssjóð, eða ráðningu aðstoðarmanna þingmanna (kosningasmala), að fá uppreisn æru fyrir framgönguna og klapp á öxlina með hvatningu að setja okkur betur á hausinn næst.

Var allt pottaglamrið við Austurvöll sem svona helgarskemmtan í boði ungliða á vinstri vængnum, á kannski engu að breyta í þessum kosningum en þusa bara eftir kosningar yfir dugleysi allra hinna.

Hvar eru tillögur framboðanna?

 

347 fyrirtæki í greiðsluþrot fyrstu þrjá mánuði ársins

Atvinnuuppbygging

Mér finnst að þetta þurfi að gera:

Iðnaður og nýsköpun

Að skapa atvinnu og byggja upp nýjar tekjulindir til framfærslu þjóðarinnar verður aldrei gert án þátttöku þeirra sem eru framtíð þjóðfélagsins, maðurinn og konan sem hafa hugmyndirnar og áræðnina til að hefja nýja framleiðslu á vörum og hugverkum.

Við erum kominn í virkilega erfiðleika vegna offramboðs á yfirveðsettu iðnaðarhúsnæði og nánast engrar fyrirgreiðslu til fyrirtækja sem eru mörg í rekstri sem reiðir sig á lánsfé.

Ég vil fara svipaða leið og er kynnt í svari 6.4.2009 til Hagsmunasamtök heimilanna um viðbrögð við vanda heimilanna.

Stofna sjóð sem hefur það hlutverk að yfirtaka allt það iðnaðarhúsnæði sem eigendur vilja losna undan að halda í rekstri og eða eru komnir í þrot með, sjóðurinn hafi lagalegt vald sem skiptastjóri og geti eftir yfirtöku iðnaðarhúsnæðis á metnu markaðsvirði óháðs matsaðila, innkalla allar kröfur í yfirveðsetta fasteign sem skiptastjóri sé og láti fara fram opinbert uppboð, þannig að í raun verði afskrifaður sá  hluti áhvílandi lána sem er yfir markaðsverði og kemur til með að tapast hvort sem er þó síðar verði.

Ef eignin lendir í eigu iðnaðarhúsasjóðs ríkisins verði eigninni komið í rekstur með því að bjóða tímabil leigulausra afnota af slíku húsnæði til þeirra sem vilja hefja nýja framleiðslu, eða sköpun með stuðningi frá starfsmönnum sem ráðnir verða til að annast ráðgjöf og stuðning við nýjan rekstur og eða þeirra erlendu fyrirtækja sem hingað vildu koma gegn slíkum kjörum og jafnvel annarra ívilnana á svið skatta, ýmissa gjalda og eða kostnaðar sem hægt væri að draga úr tímabundið á meðann við værum að koma hjólum atvinnulífsins af stað.

Það er fólk um allt land sem hefur margt fram að færa og með því að hjálpa því af stað og styðja fyrstu skrefin er hægt að byggja upp fjölbreitt og skapandi atvinnulíf til framtíðar.

Landbúnaður

Landbúnaði á að gefa frelsi til athafna og setja ekki aðrar skorður við aukningu á framleiðslu en staðfestingu á að fóðuröflun sé trygg og að landið þoli það álag sem fyrirhugað sé, einnig fá bændur 15 ár til að afskrifa kvótakaup.

Samkeppnisstofnun hafi eftirlit með frjálsri framleiðslu og verslun með landbúnaðarvörur.

Styrki til bænda á að greiða þeim beint og það á svo að vera þeirra val hvort þeir kaupa ráðgjöf frá þjónustuaðilum eins og bændasamtökunum til dæmis, garðyrkjubændur eiga að njóta sömu kjara og önnur stóriðja en jafnframt á að fella niður allar aðrar niðurgreiðslur og  greiðslur til samtaka bænda úr ríkissjóð

Bændur eiga að fá fullar heimildir til að selja sýna framleiðslu beint frá búi og skera verður niður álögur og ýmiss íþyngjandi gjöld og  kvaðir á bændum, en styðja við  opnun framleiðslumarkaða sem eins og fiskmarkaðir selji vörur bænda til bæði innlendra og erlendra kaupanda.

Sjávarútvegur

Kvótaeigendur fái að afskrifa kvótakaup á 15 árum en ríkið taki til þjóðar eignar afskrifaðan kvótann og bjóði út árlega veiðiréttin með landshluta bundinni vinnsluskildu aflans og gefið sé frelsi til strandveiða í gildrur og á handfæri.

Útgerðum verði boðnar ívilnanir ef afla er landað innanlands, framleiðendum verði einnig boðið það sama ef aflin fer til fullvinnslu innanlands.

Rannsóknir Hafrannsóknastofnunar verði stórefldar á öllum nýtingarmöguleikum hafs og botns til að geta nýtt allt sem getur gefið þjóðinni tekjur og til að hindra óbætanlegar  skemmdir á lífríki hafsins með stjórnlausri veiði og skilningslausri umgengni um hafsvæðið.

Ferðaþjónusta

Móttaka ferðamanna verði stórbætt og úr öllum aðbúnaðar og aðgengismálum bætt til að tryggja varðveislu lands og umhverfis, með afmörkun og gerð göngustíga, fjölgun salerna og áningarstaða með viðeigandi aðstöðu, stórbættum merkingum og skildu kynningu á umhverfismálum fyrir alla ökumenn vélknúinna ökutækja sem til landsins koma.

Verulegt átak verði gert í að endurbyggja og lagfæra gamlar byggingar, mannvirki og söguleg verðmæti um allt land til að styrkja við ferðaþjónustuna og arfleifðina.

Ofangreind uppbygging og stuðningur við ferðaiðnaðinn verði atvinnuátaksverkefni sem miðist við að viðhalda gamalli verkþekkingu í bland við fræðslu og kennslu þátttakanda.

Þetta eru svona nokkrir punktar til að kynna mína sýn á hvað þurfi að framkvæma, til að við getum byggt upp sterkara samfélag um allt land, í stað þess að halda áfram stríðinu sem fyrri ríkisstjórnir hafa háð gegn landsbyggðinni á undanförnum árum.

Hagsmunasamtök heimilanna spyrja

Hagsmunasamtök heimilanna settu hálfsíðu auglýsingu á blaðsíðu 24 í Fréttablaðinu þann 6 Apríl og spurðu hvaða aðgerðir flokkarnir hefðu hugsað sér að grípa til vegna vanda heimilanna.

Í lýðræðishreyfingunni eru skoðanir jafn margar frambjóðendum vegna persónukjörs  og kjósendur  verða að velja sér þann frambjóðenda sem þeim líst best á, með því að raða þeim með númerum í kjörklefanum eða stroka yfir.

Þakka fyrir þetta tækifæri til að fá að svara spurningum ykkar um aðstoð vegna vanda heimilanna í landinu, sökum þess hvernig spurningarnar eru orðaðar fannst mér best að senda ykkur svarið með þessum hætti:

Mun leggja til að umsækjendur um það fyrirkomulag sem hér er verið að kynna fái með setningu bráðabyrðalaga greiðslustöðvun fram að gildistöku fyrirhugaðra laga og að lögin verði um stofnun B sjóðs íbúðalána sem hafi það hlutverk að taka við þeim íbúðum sem eigendur sjá fram á að þeir komist brátt í greiðsluþrot með eða eru komnir í þrot með.

Sjóðurinn geri samning við eigendur um yfirtöku eigna á metnu markaðsvirði óháðs matsaðila, geri svo kaupleigusamning við íbúðareigendur um fasteignina, þannig að fólk geti áfram búið í eignum sýnum og fjölskyldur flosni ekki upp .

Kaupleigusamningar og mat á greiðsluþoli sé gert í samvinnu við ráðgjafamiðstöð heimilanna til að tryggja það að ekki sé gengið of nærri raunverulegri greiðslugetu fólks.

B sjóður íbúðalána verði skráður eigandi fasteignar og hafi rétt til að innkalla allar kröfur í fasteign sem er yfirveðsett sem skiptastjóri og láti fara fram lokað uppboð á meðal kröfuhafa, þannig verði í raun afskrifaður hluti áhvílandi lána.

Hæðst bjóðandi í eignina verði að taka við eign með áhvílandi kvöð um forkaupsrétt og kaupleigusamning við upprunalega íbúðareigandann í lok uppboðsferils.

Ég er í raun að tala um endurfjármögnun á forsendum veruleikans í dag og afskriftir á fyrirsjáanlegu tapi lánveitandans.

Samhliða þessum aðgerðum mun ég leggja til að fyrir fyrsta lokaða uppboð hjá B sjóð íbúðalána sé verðtrygging lána til íbúðarkaupa einstaklinga bönnuð, þannig að engar verðtryggðar skuldir hvíli á þeim fasteignum sem í gegnum kerfi B sjóð hafa farið.

Með kveðju

Þorsteinn Valur Baldvinsson Hjelm

XP

Ómerkileg umræða

Er ekki nær að fólk kynni sínar tillögur og ræði saman til að finna skynsamlegar lausnir í stað þess að detta alltaf inn í ásakanir og persónuárásir.

Það er engin ástæða að óvirða fólk sem er á annarri skoðun en maður sjálfur.

Yfir 1000 hafa sótt um greiðsluaðlögun

Að vera virk í samfélagi

Það hafa sjaldan ornað sér við eldinn brautryðjendur þeir sem kveiktu hann í upphafi.

Ég hef lengi verið mikill fylgismaður þess að fólk hafi frelsi til orðs sem athafna, og taki þátt í að móta samfélagið sem við búum öll í og berum sameiginlega ábyrgð á er á reynir.

Hvert nýtt framboðið á eftir öðru er nú að gefast upp gegn flokksvaldinu og stjórn flokksvaldsins  á fjölmiðlaumfjöllun landsins er sífellt sýnilegri.

Á meðan fólk missir atvinnuna og heimilin, er karpað um aukaatriði á Alþingi vegna pólitískra hugmynda einstakra hagsmunahópa flokkana.

Mér ofbýður og hef raunar lengi leita að öðrum valkosti við flokksvaldablokkirnar.

Eftir að hafa kynnt mér Lýðræðishreyfingin þar sem við kjósendur getum tilnefnt fólk til framboðs, og svo raðað í sætin á listanum sjálfum í kjörklefanum eða strokað yfir, er fyrir mér sem fundið svar.

Þarna er komin leið til að koma í veg fyrir þetta flokksval og öruggu sætin fyrir gæðingana hverfa, við almenningur getum sjálf stutt beint þá sem við viljum á þing og ekkert flokkaveldi getur hindrað það.

Til að þetta komist á og fari að virka verða einhverjir að stíga fram og gefa kost á sér á framboðslista, ég hef ákveðið að gera það til að leggja mitt fram til betri samfélags fyrir komandi kynslóðir og óska eftir ykkar stuðning ef þið teljið mig hæfan,  ég tel mig raunar hafa mikið fram að færa og mun kynna þær hugmyndir hér á blogginu http://valli57.blog.is

Eflaust verður á mína persónu ráðist og að mannorðinu vegið, en það virðist frekar orðin vinnuregla en undantekning að gera slíkt í fjölmiðlum og læt ég mig þá bara hafa það því Íslandi ann ég.

Sá maður sem lengst hefur verið gerður í fjölmiðlum að ímynd fyrir Lýðræðishreyfingin og er eltur um til að finna höggstað á, er einn af þessum eldhugum sem gefur allt sitt í hugsjón sem hann trúir á og mun eins og aðrir brautryðjendur varla njóta varmans af eldinum sem hann kveikti í upphafi.

Ég er að tala um Ástþór Magnússon sem er einn stofnanda Lýðræðishreyfingin og hefur oftast komið fram sem talsmaður hennar.

Það skiptir engu máli hverjir eru kynntir sem talsmenn fyrir XP í fjölmiðlum því það ná bara þeir kjöri sem kjósendur velja í kjörklefanum og því gætu Jón Baldvin Hannibalsson, Steingrímur J Sigfússon og Davíð Oddsson allir verið á framboðslista fyrir Lýðræðishreyfingin, hér er umburðarlindi til staðar.

Í lýðræði hafa allir rödd sem vilja, takið þátt í að móta samfélagið því sagan er að sína okkur enn einu sinni að stjórnmál eru of mikilvæg til að láta atvinnustjórnmálamönnum þau eftir.

Það er komið að aðgerðum í stað orða, takið þátt.

Viltu styðja eða tilnefna frambjóðanda : austurvollur.is

Viltu kynna þér betur málið : lydveldi.is

HVAÐA VITLEYSA ER ÞETTA

Hefur fólk ekki heyrt talað um fjarfundabúnað og tölvur, hvað þarf þessi rándýra manneskja að vera að þvælast um, er tími hennar ekki dýrmætari en svo að hún geti setið klukkustundum saman í flugvélum.

Sé ekki betur en hér sé enn einu sinni verið að selja væntingar og ímynd fyrir fáfróðra og trúgjarna, getum vel keypt svona sérfræðiráðgjöf frá vottuðum aðilum í gegn um fjarfundabúnað og tölvusamskipti.

Hefur einhver annars séð starfsferilskrá þessa Norska stjórnmálamanns? eða Norska seðlabankastjórans?

Er Ísland orðið að endurvinnslu fyrir notaða Norska stjórnmálamenn, eru ekki til "sérfræðingar" annarstaðar, og þá fagfólk sem er ekki eingöngu úr vinstri stjórnmálageiranum.

Sé ekki betur en að vinstri stjórnin sé nákvæmlega jafn spillt og fyrri stjórnir, enda er búið að vera að moka inn rétthugsandi pólitískum fulltrúum í allar stjórnir og nefndir sem hægt er að koma fólki í.

Er ekki komin tími á að ráða fagfólk til að stjórna fyrirtækjum og gefa ráðgjöf í stað  flokksgæðinga.

Tengiliður Evu Joly kostar 6,7 milljónir

Komið að breytingum

Breytingar er það sem fólk er að segja, sumir vilja bara ekki hlusta á aðra en sjálfan sig.

Spurning um að stofna meðferðarheimili fyrir ómissandi fólk, Davíð, Kolbrún og formaður Frjálslyndra gætu þá verið saman á námskeiði.

Það hafa allir gott að því að skipta um vinnu og umhverfi öðru hvoru, slíkt bætir við þekkinguna og eykur þá nauðsynlegu víðsýni sem öllu fólki er nauðsynlegt að hafa.

Heimurinn er ekki svart hvítur.

Keik og stolt í sjötta sætinu

Farinn er maður margra vina

Hákon Aðalsteinsson fyrrum skógarbóndi lést í gær, mikill hagyrðingur og andans maður sem skildi eftir handa okkur margar perlur.

Ég leifi mér að birta eina þeirra, sem segir meira en ég get orðum komið að.

 

Mannlífsins bratta bára
ber okkur milli skerja,
víðfeðmar okkur velur
vegleiðir stundu hverja
markandi mannsins tíma
meitlandi spor í grundir
mótandi margar götur
misjafnar ævistundir.

Lokið er vöku langri
liðinn er þessi dagur,
morgunsins röðulroði
rennur upp nýr og fagur.
Miskunnarandinn mikli
metur þitt veganesti,
breiðir út ferskan faðminn
fagnandi nýjum gesti.

Nú er vík milli vina
vermir minningin hlýja.
Allra leiðir að lokum
liggja um vegi nýja.
Við förum til fljótsins breiða
fetum þar sama veginn,
þangað sem bróðir bíður
á bakkanum hinu megin

Eftir Hákon Aðalsteinsson