Egilsstaðir vakna

Hef gert tilboð í nokkur hús á Egilsstöðum á undanförnum mánuðum, verðlagning á fermetrinn er svipuð og í sumum tilfellum hærri, en til dæmis í Hafnarfirði og á Suðurnesjum.

Verðlagning á leiguhúsnæði er oftast svipuð og á Höfuðborgarsvæðinu.

 Að verðleggja húsnæði út af markaði sem er helfrosin er afneitun staðreynda, en ekki mikil viðskiptavisk, nema vilji sé til þess að keyra allt í þrot til að gera yfirveðsettar eignir seljanlegar aftur.

Miðað við verðfalla á Áli um rífleg 60%, verðfalli í fisksölu um 40%, gjaldþrotahrinu fyrirtækja og atvinnuleysi, samhliða mikils rekstrarvanda hjá gullskipinu Norrænu og gríðarlegrar skuldsetningar sveitarfélagsins Fljótsdalshéraðs, þá setur mann hljóðan.

Hljóðan vegna þess að ég skil ekki viðskiptaspekina, hélt alltaf að betra væri að sleppa út úr skuldafeni á sléttu, en éta upp eigið fé og eigur í von um betri tíð eftir áratug.

En það mun birta á ný og mörg sóknarfæri eru til staðar, gagnast samt engum að flýja staðreyndir.

25 til 30% lækkun þarf á fasteignamarkaði

Hræsni eða snilld

Nú er fólkið sem við kusum til að setja lög og reglur um einkavinavæðinguna og útrásina, búið að koma sér saman um Rannsóknarnefnd, til að finna einhverja sem hægt er að saka um Bankahrunið.

Ef ég smíða skip sem sekkur áður en það kemst út fyrir hafnagarðinn, þá skipa ég sjálfur rannsóknanefnd til að fara yfir málið, og tek svo afstöðu til málsins eftir að nefndin hefur fundið einhvern fyrir mig, til að benda á sem orsakavald tjóns.

Þingið er samstíga í að axla enga ábyrgð á eigið dugleysi, enda þingmenn uppteknir við að úthluta flokkunum styrki, sjálfum sér rífleg eftirlaun, og hafa auk þess lítinn tíma aflögu til að eyða í lagasetningu, vegna setu í stjórnum fyrirtækja,launuðum nefndum og ýmsum launuðum ráðum.

Laun þingmanna eru lík launum ýmissa annarra stétta, lág grunnlaun, en góðar sporslur sem bætast við og búa jafnvel til tvöföldun á grunnlaunum.

Samstaða um rannsóknarnefnd

Finnst fólki þetta í lagi

Er eðlilegt að þingmenn séu í stjórnum fyrirtækja, finnst fólki í lagi að Löggjafavaldið sé á launum hjá Fyrirtækjum landsins.

Bjarni úr stjórnum N1 og BNT

Nýtt Framboð, Lýðræði krefst þátttöku.

Margir tala um aðgerðir og endurnýjun, en til að slíkt geti átta sér stað þarf að koma með aðra valkosti innan núverandi kerfis, til að hægt sé að gera breytingar án valdaráns og byltingar.

Opnuð hefur verið síða á Facebook sem ber heitið Nýtt Framboð, og er hún hugsuð sem svæði til skoðanaskipta fyrir þá ,sem vilja taka þátt í að stofna regnhlífasamtök um einstaklingsframboð á landvísu.

Hér er slóðin:  http://www.facebook.com/group.php?gid=52773175109

 

Lýðræði eða Einræði.

Er Fulltrúa Lýðræði eða Flokka Einræði ríkjandi á Íslandi?

Það er talað um að þrískipting valds í Framkvæmdavald, löggjafavald og dómsvald sé undirstaða Lýðvelda og án þess sé ekki hægt að tala um Lýðræði.

Hjá okkur er það Framkvæmdarvaldið, sem nánast hefur tekið yfir bæði Löggjafar og Dómsvaldið og því frekar orðið einræði en Lýðræði á Ísland.

Framkvæmdavaldið hefur:

Gríðarlega sterk áhrif á Dómsvaldið, því það skipar dómarana.

Ógnvænleg áhrif á fjölmiðla með vali stjórnenda Ríkisútvarps og sjónvarps, enda er oft eins og fréttir sé samdar í samráði við stjórnvöld og jafnan fegruð ímynd Framkvæmdarvaldsins, sem dæmi má nefna prinsessuviðtöl við ráðamenn og val viðmælenda sem og álitsgjafa.

Skelfileg áhrif á Löggjafavaldið sem er orðið eins og bílalúga í hraðafgreiðslu lagafrumvarpa sem Framkvæmdavaldið leggur fyrir Alþingi, í krafti flokksaga  og meirihluta er málum Framkvæmdavalds raðað fremst á dagskrá og keyrð í gegn, þá er flokkskerfið búið að ala upp og velja þá þingmenn sem fara í framboð, eða hljóta Ráðherraembætti, þannig að búið er að sigta út þá sem ekki hlíta flokksaga eða eru of sjálfstæðir í hugsun.

Embættismanna kerfið er líka reglulega hreinsað með nornaveiðum gegn þeim sem dirfast til að efa ákvarðanir Ráðherra eða svara þeim til að leiðrétta rangfærslur.

Útkoman er að mestu ónýtt kerfi jábræðra og systra, sem eru búin að koma sér upp kerfi ábyrgðarlausra forustumanna, til að lifa af, er bál galdraofsókna blossar upp, bálið sem atvinnustjórnmálastéttin kveikir reglulega upp til að fela eða réttlæta eigin klúður.

Og nú vilja menn brenna Davíð.

 

Bráð nauðsyn

Það er bráð nauðsyn að fá þessi göng sem fyrst, í einhverri smáhreppa hugsun var Sjúkrahúsi fyrir Austurland komið fyrir á Neskaupsstað og því verður að vera góð vegtenging þangað.

Þá er þetta gríðarlega mikið hagsmunamál fyrir Fjarðarbyggð og framkvæmd sem ætti að vera fyrir löngu farin af stað.

Norðfjarðargöng til athugunar

Hér eru nokkrar tillögur um aðgerðir

Taka heildina, smáskammtalækningar gera lítið, hér eru nokkrar tillögur.

http://valli57.blog.is/blog/valli57/entry/736049/

Tillögur koma í vikunni

Taka heildina, smáskammtalækningar gera lítið

http://valli57.blog.is/blog/valli57/entry/736049/

Frysting jafnvel óhjákvæmileg

Bylting eða hvað, ég legg þetta til.

Ákvað að henda þessu hér inn, það tala margir um uppstokkun og byltingu en leggja fæstir eitthvað til mála.

Hér eru mínar hugsanir skráðar á blað.

 

Mín skoðun, er sú að þetta þurfi að gerast

 

Atvinnu, mennta og Fjármál

1.       Endurfjármagna fyrirtæki landsins með því að breyta hluta skulda í hlutafé, sem hægt væri að selja síðar frekar en afskrifa skuldir.

Þetta yrði gert eftir ýtarlega yfirferð á fjárhagsstöðu og rekstrarhæfi, þar sem gerðar yrðu þær breytingar á rekstri sem ráðgjafar mætu nauðsynlegar.

2.       Endurfjármagna skuldir heimilanna með svipuðum hætti og fyrirtækjanna, þ.e.a.s láta Íbúðarlánasjóð yfirtaka hluta skuldanna eftir að búið væri að fara í gegn um fjármál umsækjenda, eftir móttöku á beiðni um fyrirgreiðslu, loka á alla yfirdrætti sem og gera aðrar þær breytingar sem þyrfti að mati ráðgjafa að gera.

3.       Ráðast í uppkaup á ókláruðu íbúðarhúsnæði samkvæmt kostnaðarmati á byggingu, atvinnulausir iðnaðarmenn yrðu fengnir til að klára byggingarnar, færa fasteignirnar svo inn í nýtt fyrirtæki sem auglýsti eignirnar til útleigu á kaupleigu fyrirkomulagi, þannig að leiga yrði að hluta til reiknuð sem útborgun ef leigjandi vildi neita forkaupsréttar sýns á fyrstu 3 árum leigusamnings.

4.       Ráða inn aftur allt það starfsfólk bankana sem sagt var upp og setja í að leysa ofangreind verkefni.

5.       Setjast að samningaborðinu við kröfuhafa á Íslenska Ríkið og bankana, til að samræma greiðslur af lánum við ofangreint greiðsluþol heimilanna og fyrirtækja landsins.

6.       Skipta um gjaldmiðil að þessu endurfjármögnunar verkefni loknu ,og gefa upp ákveðið skiptigengi fyrir Íslensku krónuna.

7.       Ráðast í umfangsmiklar framkvæmdir í vega og gangnagerð, leggja áherslu á arðsemi framkvæmda en ekki hagsmuni einstakra sjoppueigenda á landsbyggðinni.

8.       Þjóðnýta allan kvóta og  gefa út árlega, framseljanlegan handhafa kvóta á alla landsmenn í samráði við Hafrannsóknastofnun, og skipta Hafrannsóknastofnun upp í nokkra landshluta,tengda Háskólasamfélaginu, jafnframt yrði ákveðin % aflaverðmætis látin renna til að fjármagna stór efldar  haf og landgrunnsrannsóknir.

9.       Afhenda kröfuhöfum bankana hlutabréf í bönkunum, til samræmis við kröfu hlut þeirra.

10.   Sameina sparisjóðina við Íbúðalánasjóð eftir endurskipulagninguna, og vera þannig með öflugan innlendan banka, í samkeppni við þá sem verða komnir í erlenda eign.

11.   Opna allt það iðnaðarhúsnæði sem er stendur autt eða væri í eigu opinberra aðila, og skipa umsjónaraðila til að sjá um reksturinn, þannig að húsnæðið stæði til boða öllum þeim sem vilja hefja smáiðnað eða þróa atvinnuskapandi starfssemi.

Engin leiga yrði greidd fyrsta árið og  ráðgjafar yrðu viðkomandi til aðstoðar án endurgjalds fyrsta árið, þetta væri tengt Háskólasamfélaginu og hluti af námi þar.

Eftir fyrsta árið yrði boðið upp á 3 ára leigusamning  um húsnæði, og  forkaupsréttur að því innan samningstímans, þar sem hluti leigu yrði metin sem útborgun.

12.   Atvinnulausum yrði boðið upp á að gangast undir færnismat, og í framhaldi af því að hefja nám án þess að tapa bótarétti, þeir væru aðstoðaðir við námsval sem og yrði ráðist í viðamiklar framkvæmdir sem tengdust náminu, til dæmis endurbætur á aðgengi ferðamanna og aðbúnaði um allt land, stígagerð og merkingar, salernisaðstöðu o.f.l slíkt.

13.   Menntakerfið yrði endurskoðað frá grunni með tilliti til þarfa nemenda, kennsla yrði einstaklingsmiðuð, námshraði yrði miðaður við þroskastig nemandans og fjarkennsla yrði stórefld, þar sem nemandinn fengi sýna fartölvu og netaðgang, en yrði ekki krafin um að mæta eftir stundaskrá, heldur yrði að skila ákveðinni verkefnavinnu í vikulok, og mætti stunda sitt nám þar sem honum hentaði best.

14.   Ýtt yrði undir matvælaframleiðslu á heimaslóð, þar með talið sölu bænda frá býli og beint úr bát.

15.   Grænlendingum og Færeyingum yrði boðin aðgangur að öllum menntastofnunum og aðstoð eftir þeirra eigin mati á þörf fyrir slíkt.

Stjórnsýslan

16.   Farið yrði í gegn um allar  útgefnar samþykktir frá Evrópu hér á landi og þær endurskoðaðar með tillits til Íslensks veruleika og hagsmuna.

17.   Kosningalög yrðu miðuð við framboð einstaklinga en ekki flokka.

18.   Forsætisráðherra yrði kosin beint af þjóðinni og embætti Forseta yrði lagt af.

19.   Alþingi yrði gert að vinnustað þar sem unnið væri alla virka daga ársins, þingmenn tækju sýn sumarleyfi og kölluðu inn sýna varamenn eins aðrir þegnar samfélagsins gera, og nytu sömu lýðeyriskjara og aðrir opinberir starfsmenn, þeir fengju greiddan bifreiðarstyrk eins og aðrir opinberir starfsmenn, samkvæmt akstursbók, en ættu sína bíla sjálfir.

þjónustustarfsmönnum við þingmenn yrði fjölgað hjá Alþing,i en allir aðstoðarmenn þingmanna og Ráðherra yrðu aflagðir.

Gæðastjórnun yrði tekin upp á  Alþingi, og allir nefndarfundir yrðu opnir á netinu.

20.   Nefnd verði sett á laggirnar, sem hafi það hlutverk að endurskoða lög og reglur Lýðveldisins, og koma á framfæri athugasemdum vegna íþyngjandi ákvæða og eða skörunar laga, sem og  að leita leiða til að einfalda regluverkið, þetta starf yrði unnið með laganemum háskólana.

21.   Stjórnsýslan yrði rafeindavædd, opnuð og einfölduð, rekjanleg og gegnsæ.

22.   Öll  lagafrumvörp frá Alþingi, reglugerðir frá Ráðuneytum, sem og samþykktir frá nefndum sveitarfélaga, yrðu að fara í gegn um kostnaðargreiningu fyrir samþykkt.

23.   Sala Ríkiseign og allar sölur skiptaráðenda þrotabúa, yrðu skyldaðar á opið  rafrænt markaðstorg, sem og allar framkvæmdir, fjármagnaðar af opinberu fé, jafnt ríkis sem sveita.

24.   Allir þeir er kæmu að ákvarðanatöku sem fulltrúar fólksins, þingmenn, sveitarstjórnarmenn , fulltrúar í O.H.F.sem og aðrir, yrðu skyldaðir til að gefa upp allar eignir sem og skuldir, sem og ættar og eða vináttutengsl við hagsmunaraðila.

25.   Sýslumannsembættin yrðu lögð af og verkefnum deilt á milli Sveitarfélaga og Tollstjóra

26.   Lögregluembættin yrðu sameinuð í eitt embætti sem Tollgæslan rynni saman við, sem og yrði Varnarmálastofnun og embætti Ríkislögreglustjóra lögð niður, en landhelgisgæslan tæki yfir sérsveitina, sem og vita og hafnamál, þyrlur Landhelgisgæslu yrðu staðsettar við sjúkrastofnanir landsins, og flyttu sig til eftir veður útliti og metinni þörf.

27.   Starfsmönnum við toll og löggæslu yrði gert að undirgangast sálfræðimat til að hljóta ráðningu, óháðu sérfræðiteymi yrði falið að annast innra eftirlit, sem og tryggja að ásakanir um harðræði og eða brot gegn rétti borgarana yrðu rannsökuð ef tilefni þætti til, jafnframt yrðu launakjör bætt og einstaklingum í þessum erfiðu störfum, veittur stuðningur.

28.   Vegagerðin yrði lögð niður og verkefnum dreift til sveitarfélaganna og lögreglu.

29.   Ríkiskaup yrði eflt og færi með yfirumsjón allra útboða á vegum ríkis og sveita, sem og yrði Framkvæmdasýsla Ríkisins látin í eftirlitshlutverk, með framkvæmdum Ríkis og sveita, annað hvort sjálf eða með því að bjóða eftirlitið út, sem og alla hönnun.

30.   Framkvæmdarvaldið yrði að tilnefna ábyrgðaraðila með einstökum framkvæmdum, aðila sem væri ábyrgur fyrir kostnaðaráætlunum og framkvæmdakostnaði að viðlögðu starfi og bótakröfum.

31.   Forstöðumenn stofnana yrðu látnir víkja ef þeir færu meira fram yfir heimildir en 10% og áminningu ef meira en 5%, látnir fara ef 2 aðvaranir koma vegna umframeyðslu.

32.   Sá sem gegndi starfi Ráðherra, missti þingsæti sitt á meðan, viðkomandi hefði rétt til áheyrnar á þingi, og bæri skilda til að mæta til andsvara á þingi sem og fyrir þingnefndir.

33.   Ráðherra yrði að flytja mál sitt fyrir þingnefnd, sem myndi að lokinni umfjöllun, flytja lagafrumvörp á  Alþingi, fyrir hönd Ráðherra.

Utanríkismál

34.   Úrsögn úr NATO og riftun á Schengen samning, það hefur engin getað bent á einhver óvin utan ESB sem ógnar Íslandi.

35.   Stefna að enn öflugra samstarfi við Noreg, Færeyjar og Grænland á sviði fiskveiðistjórnunar og rannsókna, einnig sameiginlegrar landhelgisgæslu og björgunarþjónustu á sjó.

36.   Taka upp viðræður við Færeyjar og Grænland um ríkjasamband og náið samstarf á öllum sviðum, þeim yrði boðin aðkoma og aðstoð í hverju því,sem þeim sjálfum fyndist þörf á.

37.   Rafeindavæða utanríkisþjónustuna og selja flest allar sendiráðsbyggingar, en óska eftir samstarfi við Norðurlöndin um samnýtingu á rekstri sendiráða.

38.   Efla þróunaraðstoð með því að senda menntaða kennara, lækna og annað það kunnáttu fólk, sem getur hjálpað þiggjandanum til að bjarga sér sjálfum, bjóða Íslendingum ókeypis nám í hinum ýmsu greinum, gegn 1 til 2 ára sjálfboðastarfi við þessi verkefni.

39.   Hátæknisjúkrahús yrðu tvö, eitt á Reykjavíkursvæðinu og annað á Akureyri, Grænlendingum og Færeyingum yrði boðin aðkoma og þjónusta þessara sjúkrahúsa.

40.   Þjóðaratkvæði yrði greitt um könnunarviðræður vegna aðildar að ESB og annarra stærri málefna sem upp gætu komið.

41.   Ísland bjóðist til að vera griðastaður fyrir þá sem vilja leysa ágreining sinn, með viðræðum á öruggum stað.

Önnur málefni

42.   Landsmönnum verði frjálst að velja sér lífeyrissjóð og stéttarfélag, eða vera utan stéttarfélaga.

43.   Enginn höft verði á framleiðslu bænda,önnur en sönnun á beitarþoli lands eða fóðrunargetu, allt kjöt, grænmeti og eða aðrar matvörur verði boðnar á opnum markaði, líka mjólkurvörur.

44.   Allur stuðningur við matvöruframleiðendur, fari beint til framleiðandans, en ekki til milliliða.

45.   Allar stöður tengdar opinberum rekstri yrðu auglýstar, hvort sem um væri að ræða sendiherra, ræstitæknir eða Hæstaréttardómara.

Valnefnd fjallaði um ráðningar, hæfni og reynsla umsækjanda réði ráðningu, en hlutkesti réði ef tveir jafnhæfir einstaklingar væru á meðal umsækjenda, kynjamismunun sætti skaðabótaskildu úr hendi valnefndar.

46.   Siðareglur yrðu settar fyrir Alþingi og stjórnkerfið.

 

Eflaust er margt ekki rétt orðað en ég hendi þessu samt hér inn, ef einhver vildi hafa skoðanaskipti  um máli.

Skelfing á þingi

Það er gríðarlegur áfellisdómur á Alþingi, að fá svona bréf sent frá Lögmönnum, er fátið og stjórnleysið orðið svo mikið að lagafrumvörpum er gusað út frá skyndilagastaðnum Alþingi án yfirlestrar, er Alþingi orðið sem bílalúga á vegasjoppu fyrir framkvæmdarvaldið.

Það verður að skipta um þessa 63 starfsmenn á Alþingi, og koma skipulaginu á vinnustaðnum í betra horf.

Þingið verður að tryggja fagleg vinnubrögð við lagasetningu, og fara að reka sig sem löggjafarsamkomu, en ekki sem skyndiafgreiðslustað fyrir lagfrumvörp framkvæmdarvaldsins, og hætta svo þessari eftiröpun á hirðsiðum erlendis frá.

Virðing er áunnin með góðum verkum, en ekki fyrirskipuð né áunnin með leikhústilburðum eða sýndarmennsku.

Lögmannafélagið gagnrýnir vinnubrögð Alþingis