Ljóska í Bát

Ljóska var að aka eftir þjóðveginum einn daginn, henni var litið út á grasmikið tún við veginn og sá aðra ljósku sitja þar í árabát og róa á vatnslausu túninu. Öskureið stöðvaði hún bílinn, rauk út úr honum og gekk fram á vegöxlina og steytti hnefa, öskrandi að ljóskunni sem réri, hvern fjárann ertu að gera, það eru svona hlutir sem koma óorði á okkur ljóskurnar. Ef ég gæti sinnt, myndi ég koma og lúberja þig.

Friðargæsla

Íslenska friðargæslan ætti að vera löngu byrjuð að safna hlýjum fatnaði og teppum til að færa fólkinu, og afla þannig bandamanna með því að sýna frumkvæði og umhyggju.

Friðargæsluliðar eru samt líklega bara sett inn í hlýjar herbúðir NATO og látin sitja og standa eftir þeirra skipunum eins og strengjabrúður og nýliðar.

Held að við ættum að skapa okkur sterka sérstöðu sem hjálparlið, frekar en sem lukkudýr í hermannaleikjum NATO.

 

Yfir 900 látnir í vetrarhörkum í Afganistan

Öflun óvina og efling kynþáttahaturs

Öflun óvina er einföld og fljótleg, líka að kynda undir kynþáttahatri og ofstæki.

Þegar einn trúarhópur eða fólk frá ólíku menningarsvæði kemur til nýs lands og vill setjast þar að, verður það að sætta sig við reglur og siði landsins sem býður það velkomið.

Að búa á friðsælum stað með atvinnu og öryggi er ekki sjálfgefið, og að rjúfa friðinn er mjög fljótleg aðferð til að eyðileggja alla von um áframhaldandi gestrisni vestrænna þjóða.

Á Íslandi hafa verið stofnuð til þessa dags, 3 þekkt félög fólks sem vilja koma útlendingum úr landi, svona atburðir eru bara til að styrkja baráttu þessara félaga og fjölga félagsmönnum í þeim.

Við tölum um að berjast gegn fordómum og kynþáttamismunun en þegar nýbúarnir byrja að brenna bíla og hús, vegna þess að ritskoðunin sem þeir eru vanir frá heimalandinu er ekki samþykkt, er illa komið, og þeir gætu alveg eins verið að bera eldinn að sjálfum sér, því þeir styrkja málstað andstæðinga sinna og eyðileggja áratugalanga baráttu gegn fordómum á einni nóttu.

Líki fólki ekki samfélagið, eru leiðir til að breyta því friðsamlega, en ofbeldi og kúgun með óttastjórnun er ekki leiðinn, vilji fólk búa við slíkt er til fullt af löndum sem bjóða upp á þau búsetuskilyrði.

Þó illa hafi farið í Kaupmannahöfn, er óþarfi að spyrða saman alla nýbúa og útlendinga sem ofbeldislýð og óæskilegt fólk, við ættum frekar að læra af þessu og fara að taka í alvöru á móti útlendingu, kenna þeim Íslenskuna og siðina sem þeir verða að sætta sig við, ef þeir vilja búa hér.

Þessum siðum okkar og reglum er líka sjálfsagt að breyta þegar þess er þörf, en menn verða að læra af sögunni og reynslunni.

Hafi ríkt friður í yfir 600 ár í viðkomandi landi, er best að gera allar breytingar án flýtis og flumbrugangs.

Íkveikjur og óspektir í Danmörku

Menn róa stíft

Menn róa stíft að því að ganga til liðs við Evrópusambandið, enda miklir peningar í því að selja eða leigja kvóta til þess.

Græðgin er svo yfirgengileg að menn eru tilbúnir að selja sjálfstæðið fyrir slikk

Aðild að ESB nauðsyn

Loksins

Loksins fór þetta af stað, til hamingju með sigrana íbúar Reykjanesbæjar.

1 stk álver og opna skurðstofu hjá H.S.S.

Gerist varla betra.

Framkvæmdir við álver í Helguvík að hefjast

Gott og þarft

Gott hjá Kaupþing og stjórnarformanninum, að láta bullandi blaðamenn standa við stóru orðinn.

Það eru allir heilir á geði, ábyrgir gerða sinna og orða, þetta vantar oft í blogg færslur sumra, þessi vitneskja um ábyrgð orða og sakhæfi.

Það eru nefnilega oftast rekjanlegt það sem hér er birt, og því rétt að gæta orðavals.

Hafa skal gát í nærveru sála.

 

Biður Kaupþing afsökunar

Veldi hins illa

Veldi hins illa er Bandaríki Norður Ameríku, ef skoðað er hverjir hafa verið aðal hvata og stuðningsmenn styrjalda um allan heim, undanfarna áratugi.

3.000 dóu við fall tvíburaturnana en síðan hefur yfir 1.000.000 verið myrt í stríði gegn hryðjuverkum í öðrum löndum en heimalöndum árásarmanna, sem réðust á turnanna.

Hryðjuverkin í Bandaríkjunum voru óverjandi, en það sem Bandaríkjamenn hafa sjálfir gert síðan er að mínu áliti enn verra, og ætti að flokkast sem stríðsglæpir.

Leitt að sjá þjóð sem gert hefur svo margt gott, á þessari slóð mannfyrirlitningar.

Sér  grefur gröf sem grefur.

Líkt við Nürnbergréttarhöldin

Gott mál

Virkilega gott ef Suðurnesjamenn fá kjölfestu í atvinnulífið og eflast.

Enginn hefur rétt þeim neitt á silfurfati, þeir hafa þurft að berjast fyrir öllu sýnu frá upphafi.

Það hefur kostað átak að fá að byggja upp Hitaveitu Suðurnesja og að komast út úr einokun Landsvirkjunar á raforkuframleiðslu.

Það hefur kostað átak að koma Álveri af stað í Helguvík og því er ekki lokið enn.

Mér finnst merkilegt hvað mikilli andstöðu öll stærri framfaramál á Suðurnesjum hafa mætt í gegn um tíðina, og þá lengst af var það með vísun til þess hvað Herstöðin væri mikill fengur.

Vonandi fara Suðurnesjamenn að fá að njóta sömu mannréttinda og manngildis sem aðrir landsmenn á sviði heilbrigðisþjónustu, og þurfi ekki að aka sýnu fólki til Reykjavíkur ef framkvæma þarf neyðaruppskurð utan dagvinnutíma og sumarleyfa.

Þetta er kannski eitthvað sem verður ekki lagað til frambúðar, nema tengja sjúkraflug innanlands við sjúkrahúsið í Reykjanesbæ, alla vega er góður flugvöllur til staðar.

Tilboð í kerskála álvers Norðuráls í Helguvík opnuð

Hvað skal gera

Er til skynsamleg lausn

1. Jarðgöng

2. Vegabætur

3. Vaktin sofi á Reyðafirði ef vafi.

Held bara að leið 3 sé einföldust og ódýrust, þetta eru ekki margir dagar á árinu sem ófært er.

Fagridalur er farartálmi

VOND STAÐA

Ekki vildi ég vera Vilhjálmur Þ. Vilhjálmsson oddviti sjálfstæðisflokksins í borgarstjórn Reykjavíkur, hann er kominn út í horn og úlfahjörð kallar á blóð.

Vilhjálmur er eins og við öll hin, manneskja.

Hann er eflaust með skuldbindingar eins og aðrir, fjölskyldufaðir og ein af fyrirvinnum heimilis.

Þess er krafist af honum að hann segi af sér, verði atvinnu og tekjulaus.

Þess er krafist af manni sem er kominn nokkuð yfir miðjan aldur, að gefa frá sér ævistarfið og framtíðarvonir, að hrökklast frá með skömm og illt umtal til æviloka.

Mér finnst að Vilhjálmur eigi að lýsa því yfir að hann gefi frá sér starf Borgarstjóra í Reykjavík til að skapa frið, og að hann muni vera í framboði til borgarstjórnar fyrir næsta kjörtímabil.

Ég sé ekki að hrekja eigi Vilhjálm úr Borgarstjórn Reykjavíkur.

Það er kjósenda að gera það er hann býður sig aftur fram til starfans.

Árni Johnsen situr á Alþingi Íslendinga í dag, því ætti Vilhjálmur ekki að fá uppreisn æru.

Er ekki mál að linni.

Vilhjálmur: Hef axlað ábyrgð