Skelfilegt aðgerðaleysi

Það er skelfilegt aðgerðaleysið og að því er virðist ráðaleysi stjórnvalda, vinstri græn og samfylkingin eru að spila með þjóðin í leiknum vond lögga og góð lögga, vinstri græn á móti ESB en samfylkingin með ESB, þannig er verið að sópa saman báðum fylkingum til að tryggja nægan meirihluta á þingi fyrir aðildarumsókn, því engar aðrar lausnir virðast vera í sjónmáli þessa fólks en að grasið sé grænna hinumegin lækjarins sem er í þessu tilfelli Atlandshafið og þar bíða hinir góðu Bretar sem vilja hjálpa okkur inn í ESB og ná þannig aftur því sem þeir töpuðu í þorskastríðunum forðum daga.

Sá hlær best sem síðast hlær.

Hryðjuverkalög og gunguskapur vinstri manna virðist vera blandan sem ESB klúbburinn beið eftir til að geta gert heila þjóð að hælisleitendum hjá ESB.

Eflaust er það mörgum ljúft að kyssa vöndinn en fyrir mér er það sem kistulagning að ganga þess leið, það hafa verið eftirsóttir Íslenskir starfsmenn vegna getu þeirra og frumkvæðis í vinnu og hvergi er jafn mikil grasrót í nýsköpun og hér hefur verið, innan regluverks ESB hefur regluverkið drepið niður nánast allt frumkvæði og mun með tímanum gera það sama hér.

Sé það vilji meirihlutans að ganga þessa vegferð afturábak verður svo að fara en að fórna frelsinu fyrir væntingar er fyrir mér of mikið gjald, við erum búin að fórna eigunum á altari væntinga er það ekki nægt gjald.

Fjórfalt fleiri í vanda

Að spila á þjóðina

Samfylkingin og Vinstri Grænir eru að spila með kjósendur til að tryggja sér völdin og það virkar, þetta er svona vond lögga góð lögga leikur, annar flokkurinn með ESB en hinn á móti  þannig að þegar atkvæðin verða talin mun vera búið að blekkja þjóðina til að kjósa annað hvort með eða móti en svikamillan er sú að um ESB aðild verður sótt, það er bara verið að tryggja nægan meirihluta þingsæta.

Og eftir að viðræður eru hafnar og ESB fer að verja krónuna mun samningsferlið líða og þjóðinni boðið að vera á móti en greiða þá varnarkostnaðinn fyrir krónuna.

Þetta minnir mig á fiskveiðar þar sem öngullin er aðildarviðræður en beitan er vörn gengis í boði ESB.

Það er ekkert ókeypis í heiminum og við höfum kynnst góðvild Evrópu er við fórum á hnén.

Trúi ekki að Samfylkingin láti stranda á ESB

Styð Tillögur Helga

Ég styð Tillögur Helga um að farið sé yfir skipulag og fjármál sjóðanna til að setja þeim skýrari starfs og siðareglur, þetta eru ekki einkasjóðir þeirra sem í þeim sitja.

Aðkoma lífeyrissjóðanna að bættum aðbúnaði aldraðra er ekkert annað en sjálfsagt og gott eitt um það að segja, einnig þarf að fara að virða eldri borgara og rétt þeirra til mannsæmandi lífs og aðbúnaðar.

Við verðum öll eldri borgarar og erum við sátt við þeirra aðbúnað okkur til handa, viljum við sem höfum kannski búið alla ævi með sama maka láta skilja okkur að vegna þess að aðbúnaður krefst þess, slíkt er óhæfa.

Hugsjónamaðurinn Helgi

Eðlilegt ekki satt

Ef marka má skoðanakannanir eru kjósendur bara sáttir við að svona skondin útgáfa af Amerískri mafíumynd sé raunveruleikinn í Íslenskum stjórnmálum.

Það virðist sem engar breytingar verði aðrar en millifærsla þingsæta á milli fjórflokkana verði og hin klíkan verði sterkari í þetta sinn.

Erfitt að keppa við klíkur sem hafa haft aðgang að áður digrum sjóðum þjóðarinnar til að byggja upp kosningavélar og geta kaffært alla nýja sprota sem boða breytinga.

Það hjálpar enginn þessari þjóð ef hún vill það ekki sjálf.

Háir styrkir frá Baugi og FL

Skondið sjónarspil fyrir kosningar

Minnir á gamla mafíu mynd þar sem Don Möller kaupir stuðning fyrir annarra fé og fær kodak moment með brosandi bæjarstjóra.

Gaman að þessu bara, en samt gott að sveitarfélagið eigi fyrir launum því öllu gríni fylgir smá alvara.

Alveg merkilegt hvað málið leystist á skemmtilegum tíma fyrir frambjóðendur.

Fljótsdalshérað fær 100 milljónir í viðbótarframlag

Mér finnst heiðarleg framkoma skipta máli

Mér finnst gaman í pólitík og sérstaklega gaman að hitta fólk sem hefur skoðanir á viðfangsefninu, og vill gjarnan eiga samtal um málefnin við sem flesta.

Samt er eitt sem fer alveg afskaplega illa í mig og það eru beinar árásir á einstaklinga sem eru jafnvel ekki viðstaddir til að verja sig og svo þessi óþolandi frekju og ruddaskapur að halda orðinu eins lengi og hægt er til að eyða upp tíma þeirra sem er manni ekki sammála, í stað þess að skiptast á skoðunum með fullri virðingu fyrir þeim sem maður á samtal við til að allir geti skýrt frá skoðunum.

Það er kjósenda að taka ákvörðun um hver á að fá atkvæðið en ekki frambjóðenda að reyna með öllum ráðum að koma í veg fyrir málflutning andstæðingsins, slíkt er gróf nauðgun á lýðræðinu og vanvirðing á skoðunum og rétti kjósenda sem eiga fulla virðingu skilið óháð skoðunum.

Björgvin G. Sigurðsson fyrrverandi viðskiptaráðherra er í framboði í Suðurkjördæmi, maður sem hafði kjark og þor til að segja af sér undir þeim formerkjum að hann væri að axla ábyrgð einn ráðherra og mætir svo á framboðsfundum til að eiga samtal við kjósendur þrátt fyrir oft óblíðar móttökur, hann er kurteis en bara með ranga pólitík, ég tek ofan fyrir honum sem manneskju að standa í þessari baráttu.

Það er ekki venjan að bera blak af andstæðingum og telst arfa vitlaus pólitík en það eiga allar manneskjur skilið virðingu og ég hef skömm á þeim frambjóðendum sem bera ásakanir á manninn á fundum þar sem hann er ekki viðstaddur til að verja sig og það er ekki til að efla tiltrú á heiðarleika annarra alþingismanna þegar menn vinna svona.

Ég verð líka að segja eins og er að álit mitt á blaðamönnum er nánast að fara í ræsið eftir að hafa fylgst með bullandi hlutdrægni þeirra og vísvitandi rangtúlkunum margra fréttamanna.

Ég nefni sem dæmi að af 126 frambjóðendum á listum lýðræðishreyfingar er aðeins einn sem heitir Ástþór Magnússon og samt erum við öll sögð vera framboð þessa einstaklings sem er í Reykjavíkurkjördæmi norður, er ekki rétt til samræmis að tala um framboð Jóhönnu Sigurðardóttur og Bjarna Benediktssonar í stað þess að tala um flokka, þá væri allavega samræmi í málflutningi og virðingu fyrir skoðunum kjósenda, í stað þess að reyna vísvitandi að blekkja kjósendur með svona framkomu við fólk sem kýs að vera ekki flokkur.

Ríkisstarfsmenn sem jafnframt eru blaðamenn hafa ríka ábyrgð og skyldur til að flytja landsmönnum réttar upplýsingar, án þess að reyna með villandi upplýsingagjöf að hafa áhrif á kjósendur sem eru að mynda sér skoðanir byggðar á þeim upplýsingum sem opinberir fréttamiðlar birta, því ber þeim skilda til að starfa faglega og gæta jafnræðis í skiptingu á tíma milli ólíkra framboða sem aldrei fyrr.

Það er líf eftir kosningar og ég hvet alla til að hafa það í huga en ekki gleyma sér í hita umræðunnar, frambjóðendur verða að benda kjósendum á lausnir en ekki fara að snúast sem vindrellur í málflutningi til að selja sjálfan sig á þing og ýmist yfirbjóða eða rakka niður mótherjana.

Ég er bara ég og mun segja frá mínum skoðunum sem kjósendur svo dæma um sem vitrænar lausnir eða vitleysa og svo fæ ég dóm kjósenda á laugardaginn 25 Apríl.

Hvort sem ég kemst inn eða ekki get ég verið sáttur við eigin orð og gerðir því við komum fram sem persónur hjá lýðræðishreyfingunni og þurfum ekki að segja annað en það sem í brjósti okkar býr, enginn samræmdur málflutningur eða sala á skoðunum annarra en frambjóðandans sjálfs, þessu fylgir frelsi.

XP Suðurkjördæmi

Gefum frelsi og stóriðjutaxta á raforku

Gefum bændum frelsi til að framleiða eins og þeir vilja, tryggjum þeim stóriðjutaxta á raforku og opnum markaði með þeirra vörur þannig að verðmyndun sé byggð á eftirspurn og framboði.

Án þess að láta eðlilegan markaðsbúskap þróast í landbúnaði erum við að tryggja útför Íslensks landbúnaðar er innflutningur verður án tollahindrana í framtíðinni.

Núna eigum við að efla landbúnaðinn til að vera sjálfbjarga um matvæli og tryggja fæðuöryggi þjóðarinnar eins og stjórnvöldum ber skylda til að gera, en við eigum líka að afnema eins mikið af heftandi reglum og hægt er samhliða framleiðslufrelsi til bænda og hvatningu til meiri fullvinnslu vöru á býlinu sjálfu og beinni sölu til neitenda frá bændum í gegn um opna markaði.

Sterkur Íslenskur landbúnaður sem búin verður að aðlagast opnu umhverfi mun standast samkeppni framtíðar og með ímynd hreinleikans og gæða að vopni á Íslenskur landbúnaður að geta farið í sókn á erlenda markaði.

Við eigum að snúa núverandi áföllum yfir í tækifæri til sóknar sem byggist á að styrkja innlenda framleiðslu til þess að koma sterk undan hremmingunum með heilbrigt og öflugt framleiðslukerfi.

XP Suðurkjördæmi

Garðyrkjubændur skrifuðu ekki undir

Góð stefna að efla samvinnu við nágranna vora og vini

Er talsmaður þess að efla samstarf og samvinnu við bæði vini okkar í Færeyjum sem og á Grænlandi, það eru þessir grannar okkar sem standa með okkur er á reynir og við ættum að leggja miklu ríkari áherslu á samstarf við þá á sem flestum sviðum mennta, heilbrigðis og umhverfismála.

Það er gott að fá jákvæðar fréttir

Háskólasamstarf við Færeyjar

Þöggun er kjörin leið

Að sjálfsögðu stóð ekki til að vera með kynningu sem hleypir öðrum að en gömlu flokkunum sem eru búnir að ausa hundruðum miljóna í sjóði sýna úr ríkissjóð.

Fyrir gömlu flokkana er ekkert mikilvægara en sitja að skattakrásum landsmanna sem flokkarnir hafa hámað í sig, þrátt fyrir ríflegar greiðslur fyrirtækja í flokkssjóði.

Flokkarnir völdu útvarpsráð, flokkarnir völdu kjörnefndir, flokkarnir stýra umfjöllunun fjölmiðla.

Talandi um lýðræði eða jafnræði.

Gjaldfrjáls kynning hjá RÚV stóð ekki til

Þetta gengur ekki

Það þarf að fara yfir forgangsröðun innan heilbrigðiskerfisins, það hlýtur að vera forgangsmál að geta framkvæmt aðgerðir sem bjarga mannslífum.

Minniháttar hlutum er hægt að gefa verkjalyf við og veita aðhlynninguna annarstaðar á landinu síðar án þess að leggja mannslíf undir.

Ég upplifði svona sparnað í heilbrigðiskerfinu þann 26 Júlí 1992 er aka varð með barnsmóður mína til Reykjavíkur sökum lokunar á skurðstofunni í Keflavík, ég vill engum það að finna nýfætt barnið sitt kólna í fanginu og bera svo agnarsmáa kistuna í fanginu að gröf í stað þess að bera barn að vöggu.

Þó hagræða þurfi og spara innan heilbrigðiskerfisins hlýtur að vera hægt að gera það með markvissari hætti, þar sem mannslífið er sett í algeran forgang og svo unnið út frá því.

Vestmanneyjar eru ekki staður sem maður lokar skurðstofu á, bara samgöngumálin ein og sér útiloka slíkt.

Komist ég inn verður allt gert til að knýja fram breytingar á forgangsröðun innan heilbrigðiskerfisins.

Höfundur er talsmaður XP listans í Suðurkjördæmi.

Skurðstofulokun ákveðin í Eyjum