Eftirmálar hinna huglausu

Ákvörðun Davíðs Oddssonar og Halldórs Ásgrímssonar um að styðja innrás bandaríkjamanna og Breta inn í Írak var vanvirða við lýðræðið og hugleysi. Þeir báru málið ekki undir þingið eða utanríkismálanefnd en samt ásakar þá enginn um hlutdeild í morðunum, nauðgununum eða öðrum limlestingum.

Ég lít svo á að þeir hafi verið þátttakendur engu síður en stríðshaukarnir sem þeir studdu. Þeir eru því samkvæmt skilgreiningu stríðsmenn, dráparar, pyntarar sem gera líf barna, foreldra og hvers einasta manns sem fyrir verður að hreinasta helvíti! Að vísu steig fram virtur lögfræðingur og sagði ákvörðunina um að styðja stríðsrekstur í Írak, hafi verið fyllilega samkvæmt íslenskum lögum en hún var jafn siðlaus fyrir það og færði okkur ævarandi skömm sem og ataði þjóðfána okkar blóði saklausra.

Ég á þá ósk að stríðsglæpadómstóll fjalli um þessi stríð og dæmi þá seku sem lugu til að réttlæta það og þá sem tóku þátt en líka meðreiðasveinanna huglausu sem hvöttu til stríðs en földu sig svo þúsundum kílómetra frá.

Því er jafnvel haldið fram að rýtinginn sem þeir ráku í bak Íraka hafa verið vegna draums um meiri peninga frá herliðinu á Íslandi, Framsóknarflokkurinn er staðfastur er kemur að ósk um þátttöku í stríðsrekstri NATO og vinnur hörðum höndum að því að senda Íslendinga til beinnar þátttöku í hæfilegri fjarlægð frá víglínunni.

Þurfum við kjósendur ekki að fara að setja þessu siðblinda fólki skýrari línur.

Slóð peninganna

 

Villtu endurheimta verkalýðshreyfinguna og lífeyrissjóðina, hér er tækifæri

Efling-stéttarfélag auglýsir framboðsfrest Kjörstjórn Eflingar-stéttarfélags auglýsir framboðsfrest vegna kosningar hluta stjórnar félagsins fyrir kjörtímabilið 2018-2020. Kosið er listakosningu. Tillögur skulu vera um 8 stjórnarmenn til tveggja ára samkvæmt 10. gr. laga félagsins. Um er að ræða formann og gjaldkera auk sex meðstjórnenda en auk þess tvo skoðunarmenn reikninga og einn varamann þeirra. Listi uppstillingarnefndar og trúnaðarráðs liggur frammi á skrifstofu félagsins frá og með mánudeginum 22. janúar 2018. Öðrum listum ber að skila á skrifstofu félagsins fyrir kl. 16.00 mánudaginn 29.janúar nk. Fylgja skulu meðmæli 120 félagsmanna. Kjörstjórn Eflingar-stéttarfélags

Að verðleggja sig út af markaði

Sé ekki betur en að flugfélagið sé búið að verðleggja sig út af markaðinum og ætlast svo til þess að ríkissjóður bjargi þeim með skattfé fólksins sem ekur frekar á milli staða sökum okurgjalda á flugmiðum.

Það eina sem ríkið á að gera er að afnema sérleyfi og allar hindranir fyrir samkeppni í innanlandsflugi, þetta leysist þá af sjálfu sér.

Flugfélagið án tekna í einn mánuð á ári

Er óafvitandi stefnt á að rjúfa frið

Maður nokkur átti samtal við leiðtoga einn daginn og spurði "Ég var að hugsa um hver munurinn á helvíti og paradís gæti verið."

Leiðtoginn bauð manninum inn í sal með tveimur hurðum.

Hann opnaði fyrri hurðina og þeir gengu inn. Í miðju herbergis var stórt veisluborð og á miðju borði var pottur fullur af mat sem ilmaði sem svo ljúffengur að maðurinn nánast slefaði. Fólkið sem sat við borðið var horað og veiklulegt, virtist í raun svelt og hungrað. Allir sem sátu við borðið höfðu áfestar skeiðar með löngu handfangi þannig að ekki var hægt að bera skeiðina upp að munni sér þó þau reyndu ákaft því handfangið var lengra en handleggirnir. Manninum hryllti við að sjá alla þessa eymd og þjáningar.

Leiðtoginn sagði: "Þú hefur bara séð inn í helvíti." Hann opnaði dyrnar að næsta herbergi og þangað gengur þeir inn. Það var nákvæmlega eins og fyrra herbergið, stórt borð með stórum potti fullum af ilmandi mat. Þeir sem sátu umhverfis borðið voru einnig með viðfesta samskonar skaftlanga skeið, en hér voru allir glaðir, pattaralegir og greinilega vel nærðir.

Maðurinn sagði: "Ég skil þetta ekki."

"Þetta er einfalt" sagði leiðtoginn. "Það þarf aðeins einn hæfileika til að komast á þennan stað, þau hafa lært að fæða hvert annað en gráðugir í fyrra herberginu hugsa aðeins um sig"

Hátekjuhópar fái sexfalt meira

Að farga sérstöðu

Á Íslandi virðist ákveðin prósenta landsmanna nánast hata sitt móður eða föðurland, fyrir þessu fólki standa hefðir og siðir sem glóandi rýtingur í síðu og þetta fólk virðist leita allra leiða til að stöðva og afmá sérstöðu okkar sem þjóðar.

Meðal innflytjenda sem hingað koma til að njóta öryggis og friðar virðist svipuð prósenta leggjast á sveif með þessu fólki og vill flytja með sér þá siði og þær hefðir sem urðu þess valdandi að það varð að flýja eigin heimaland.

Við hin sem viljum viðhalda siðum og hefðum sem og okkar sérstöðu og byggja hér áfram upp samfélag sem virðir rétt allra til jákvæðs og uppbyggilegs lífs, munum að sjálfsögðu áfram umbera þessa prósentu mannlífsins sem verður líklega aldrei sátt við líf sitt eða annarra.

Mál og tjáningarfrelsi er ein af undirstöðum samfélagsins og verður vonandi áfram, ég skora samt á fjölmiðla að virða réttindi allra og kynna sjónarmið í réttu hlutfalli við fjölda stuðningsmanna en ekki ýta undir sundrungu né halla á umburðarlindi í formi fræðslu.

ÉG er ekki að tala um ritskoðun en finnst að full mikið sé flutt af neikvæðum og andfélagslegum áróðri frekar en rökstuðningi þeirra sem rífa vilja samfélagið niður, MeTooo er fyrir mér löngu tímabært umfjöllunarefni og jákvætt enda snýst það um að virða aðra og þeirra rétt.

Kynþáttafordómar, trúarfyrirlitning og misskipting gæða er hinsvegar efni sem vert er að kryfja svo samfélagið geti fræðst um rót þessara skoðana og tekið vitræna afstöðu til.

Newsweek fjallar um áramót Íslendinga

Tapaður trúverðugleiki blaðamanna

Ef þessi frétt er lesin sem og fyrri frétt sem vísað er í kemur skýrt fram hvers vegna maður hvorki trúir né treystir blaðamönnum almennt.

Skrifin eru full af pólitískum rétttrúnaði og markmiðið að nefna ekki NATO eða Bandaríkjamenn en varpa eða draga upp hræðilegu Rússana.

Netið hefur kollvarpað trúverðugleika þessara svo kölluðu blaðamanna sem virðast frekar vera þýðendur erlendra áróðursritara.

Mikið væri nú gaman að sjá alvöru blaðamennsku þar sem frásögn beggja aðila er skráð sem og vísað til heimilda og hverjir eru að staðfesta frásagnir málsaðila.

Þann dag fer maður að horfa á Íslenska blaðamenn sem trúverðuga fagmenn 

Mannskæð loftárás í Sýrlandi

Er þjóðin buguð af fortíðinni

Merkilegt með okkur Íslendinga, ferðamönnum líkar víðernið og við fjölgum þá trjám, þeim líkar fjölskrúðugur miðbær og við rífum þá og byggjum ljóta kassa eins og eru víða erlendis. Endalaust er barist gegn því sem gerir okkur að litríkri sérstakri þjóð í einstöku umhverfi, til að skapa grátt og kalt samfélag staðlaðs samanburðarins.

Hefur fólki virkilega liðið svona illa á þessu landi að allt skal rifið niður og helst selt ef það tilheyrir sameigninni, er frelsi æskunnar svona sár minning ?

Mokað úr vösum landsmanna

Hvað ætli að þetta fólk fái mikil laun fyrir stjórnarsetu í fyrirtækinu okkar og 400.000.000 í arðgreiðslu til eigandans?

Við erum eigandinn og persónulega vill ég frekar sjá lækkun á raforkureikningnum sem og sameiningu á þessum ríkisfyrirtækjum okkar Landsnet og RARIK sem eru orðin baggi á almenningi, og landsbyggðin nánast kiknar undan álagningu þessara fyrirtækja.

Hvaða samsafn fáráða samþykkti að koma á samkeppni á milli ríkisfyrirtækja sem þýddi stofnun dótturfyrirtækis hjá RARIK sem kallast Orkusalan með sér stjórn og tilheyrandi kostnaði fyrir almenning.

Okkur er nær að hætta þessu rugli og sameina allan opinbera orkupakkann í eitt fyrirtæki sem hefur það markmið að lágmarka kostnað fyrirtækja og almennings

400 milljóna arður og ný stjórn

Fórnum ekki framtíðinni fyrir tímabundna græðgi

Það er komin tími á að fullorðnast og setja öryggi sem framtíð barna okkar, í forgang í stað dauðra peningaseðla.
Ég vill taka upp harða landamæragæslu og verja þannig eftir bestu getu bæði unga fólkið okkar og landið sem lætur meir og meir á sjá vegna átroðnings.
Það er ekki fórnandi bæði æskunni og landinnu til að þóknast tímabundinni græðgi núlifandi varga, við skuldum framtíðinni hlutdeild í þeim gæðum og því öryggi sem við höfum notið.

Frekar öfluga landamæragæslu en vopnaða svartstakka á vappi um götur og torg, engum til gagns en öllum til leiðinda.

Það er uppgjöf og ósigur okkar gildismata fyrir andlegu ofbeldi öfgamanna og óttaiðnaðarinns

Evrópubúar myrtir í hundraðatali

Að kasta steinum úr glerhúsi

ruv.is/frett/falsa-myndir-i-politiskum-tilgangi

Fjölmargar "fréttir" svokallaðra fjölmiðla eru líka birting fréttatilkynninga fyrirtækja, ríkisstofnanna og erlendra stofnanna án yfirferðar á sannleiksgildi. Við munum "gereyðingarvopnin í Írak" ofl "sannar" fréttir RÚV. Við höfum öll séð hvað RÚV er oft samferða hinum ýmsu ráðamönnum og stofnunum á staðinn er tilbúnar fréttir eru framleiddar.