Afætukerfi milliliða

Afætukerfi milliliða er helsta vandamál landbúnaðarins og alskins höft og hindranir.

Gefa þarf bændum frið frá "gáfuðum" forsjárhyggjumönnum á skrifstofum í Reykjavík og víðar.

Opna uppboðsmarkað fyrir mjólk og kjötvörur, ásamt öðrum landbúnaðarafurðum, og afnema einokunaraðstöðu afurðarsala.

Bændur eiga að geta sjálfir framleitt matvörur heima og selt sýnar afurðir þar sem þeir vilja, í samráði við Heilbrigðiseftirlit.

Ég er sáttur við styrkjakerfið ef því verður beint til bænda, í stað þess að milliliðirnir eti upp alla styrkina, eins og þeir gera að mestu í dag.

Ná verður þjóðarsátt um mjólkurframleiðslu

Athugasemdir

[Guðrún Jóna Gunnarsdóttir, 7.2.2008 kl. 01:16]

Sammála, burt með milliliðina. Á meðan bændur fá nokkra hundraðkalla fyrir hvert kíló, fá milliliðirnar margfalt meira. Þeir bólgna út á meðan bóndinn er við hungumörk

[Steingerður Steinarsdóttir, 7.2.2008 kl. 10:36]

Sammála, mér finnst líka góð hugmynd sem Andri Snær setur fram í Draumalandinu, nefnilega að leyfa mönnum að hafa sérstöðu. Ef þú getur framleitt besta smjör í sveitinni eða meyrasta kjötið þá er þér velkomið að auglýsa þig og markaðsetja upp á eigin spýtur. Austurlamb er skemmtileg tilraun til að gera svona og það mættu fleiri fara að dæmi þeirra.

[Björgvin (IP-tala skráð) 7.2.2008 kl. 11:18]

Það er reyndar ekki rétt að afurðastöðvarar fá einhverja ríkisstyrki og það eru ekki milliliðirnir sem hirða ágóðan heldur eru  það búðirnar.

Dæmi: 250 kg naut sem bóndinn er búinn að ala í 2 ár, hann fær 445 kr fyrir kg. sem gera 111.250 kr. Vinnslukosnaðurinn hjá sláturhúsinu (slátrun, úrbeining og pökkun) er 190 kr. sem gera 47.500 kr. Samtals 158.750 kr. Skrokkurinn er þá beinlaus og vigtar þá 175 kg.  sem gera 907 króna meðalverð á kíló án 7% vsk. Sláturhúsið sér um að koma kjötinu í búðirnar.  Af hverju er hreint íslenskt nautahakk selt á 1500 kr.?  Ef maður kaupir heila skrokk í kjötborði Nóatúns kostar hann u.þ.b. 400.000 kr.  Gífurleg álagning.  Fyrir utan það þá getur kaupmaðurinn skilað því kjöti sem hann ekki selur.  Þannig á áhættan hjá honum er enginn.

Annað dæmi hvað kostar ærfile? Veit það ekki nákæmlega e-ð á þriðja þúsundið. En bóndinn fær bara 105 kr fyrir kg. kindin vigtar 25 kg. sem gera 2625 kr fyrir kindina. Okur.

[Brattur, 7.2.2008 kl. 20:22]

... Björgvin, kaupmaðurinn getur EKKI skilað öllu því kjöti sem hann selur ekki... það er mjög mikið sem fellur beint á búðina... og varðandi útreikninginn á kindinni, þá veit ég ekki um neina kind sem er bara file frá toppi til táar... og 25 kílóa rolluskrokkur er ansi stór... einhversstaðar á ég í fórum mínum útreikning á rolluskrokki (nenni ekki að leita að honum) kostnaðarverði og útsöluverði og þar kemur fram að álagning smásöluverslunar er ekki hár... innkaupsverðið er hátt og þar liggur hundurinn grafinn...

[Brattur, 7.2.2008 kl. 20:41]

... álagningin ekki há (afsakið)...

[Brattur, 7.2.2008 kl. 21:10]

... gleymdi einu áðan, Þorsteinn...  ég er mjög hrifinn af hugmyndum um að bændur selji sínar eigin afurðir... það á vonandi eftir að aukast í framtíðinni...

[Hagbarður, 7.2.2008 kl. 22:32]

Mér finnst að við eigum að nota "búsetustyrki" í stað framleiðslustyrkja. Styrkja þá sem vilja búa og framleiða en gefa framleiðsluna og innflutning frjálsan. Ég hef mikla trú á því að landbúnaðurinn geti staðið sig í samkeppni. Hann hefur til þess margar forsendur, m.a. vörugæði, hreinleika aðurðanna og marga góða búmenn sem myndu blómstra ef þeir fengju tækifæri til nýta hugvit sitt í samkeppni. Þeir sem vilja annað kúakyn eiga að hafa val, líkt og þegar menn kaupa sér bíl eða traktor. Ég sé ekkert að því að við notum sama fjármagnið og nýtt hefur verið til að styðja við greinina. En við eigum að aftengja styrkinn frá framleiðslunni. Þá lækkar verðlagið.

[Þorsteinn Valur Baldvinsson, 7.2.2008 kl. 22:39]

Samkvæmt upplýsingum frá OECD og á vef Sauðfjárbænda, er stuðningurinn um 16 miljarðar á ári og þar af er um það bil helmingur, verndartollar og innflutningsgjöld.

Stuðningur við lambakjöt er 51% af verðmæti framleiðslu.

Kílóverð til bænda er 365 kr kg - sláturkostnaður og flutningsgjald, við borgum 500 kr kg fyrir útsölukjöt í Bónus.

Stuðningur við mjólkuframleiðslu er 74% af verðmæti framleiðslu.

Lítraverð til bænda er 49,96 kr, en við borgum 73 kr í Bónus.

Ég er fylgjandi innflutning landbúnaðarafurða, ef þær standast gæðakröfur, heilbrigðiskröfur og sæta tollaálagningu sem samsvarar ríkisstyrkjum í viðkomandi framleiðslulandi.

Hafa þarf í huga að ef Íslenskum landbúnaði sem er gert frjálst að hagræða og stækka rekstrareiningar, gætu bændur vel staðist samkeppni við innfluttar vörur, sem þurfa að bera flutningskostnað til Íslands umfram innlenda vöru.

Ég hef þá trú að þetta mundi bara efla Íslenska bændur og vera öllum til hagsbóta.

Einokunaraðstaða afurðarsala er varin af alskins reglum og lagalegu umhverfi sem gerir alla samkeppni og hagræðingu nánast ómögulega, þetta umhverfi þarf að opna, og gera virka samkeppni kleifa í mjólk og kjöti á opnum uppboðs markaði.

[Anna Einarsdóttir, 7.2.2008 kl. 23:14]

Ég er á móti innflutningi landbúnaðarafurða.

Eigum við að rífast ? 

[Þorsteinn Valur Baldvinsson, 7.2.2008 kl. 23:24]

Splasssssssssss Anna panna,

Henti í þig snjóbolta

[Brattur, 7.2.2008 kl. 23:27]

... ætli innkaupsverð verslana á mjólk sé ekki nálægt því að vera 71-72 kr. svo ekki er verslunin að græða mikið á blessaðri mjólkinni...

... það eru stór og sterk öfl í þjóðfélaginu sem vilja leggja niður landbúnað á Íslandi... mér líst ekki á þau áform...

... framleiðslan á íslenskum landbúnaðarvörum verður alltaf dýr vegna smæðar markaðarins... ég er hinsvegar tilbúinn að borga meira fyrir íslenskar vörur en innflutar... hvers vegna? jú, ég tel þær betri og ég er öruggari með það að ég sé ekki að kaupa hormónakjöt... eða þá að ýmsir sjúkdómar geta fylgt þessum innflutningi...

... megum ekki gleyma því að það eru fjöldi manna sem á einn eða annan hátt hafa atvinnu í kringum landbúnaðinn... heyrði nefnda töluna 20-30 þúsund... en nefni hana hér án ábyrgðar...

[Anna Einarsdóttir, 7.2.2008 kl. 23:29]

Áts.

[Þorsteinn Valur Baldvinsson, 7.2.2008 kl. 23:44]

Hef svo mikla trú á Íslenskum landbúnaði að ég mundi ekki óttast samkeppni, og held að frelsi til bænda kæmi margfalt til baka í sterkari landsbyggð og öflugri sérvöruframleiðslu um allt land.